സുലഭ കെ. കുൽക്കർണി

സുലഭ കെ. കുൽക്കർണി
ജനനം	(1949-06-01) 1 ജൂൺ 1949 പൂനെ, മഹാരാഷ്ട്ര
ദേശീയത	ഭാരതീയ
പൗരത്വം	ഭാരതം
കലാലയം	പൂനെ സർവകലാശാല
അറിയപ്പെടുന്നത്	നാനൊ ടെക്നോളജി ദ്രവ്യ ശാസ്ത്രം പ്രതല ശാസ്ത്രം
ശാസ്ത്രീയ ജീവിതം
പ്രവർത്തനതലം	നാനൊ ടെക്നോളജി ദ്രവ്യ ശാസ്ത്രം പ്രതല ശാസ്ത്രം
സ്ഥാപനങ്ങൾ	ഭാരത ശാസ്ത്ര വിദ്യാഭ്യാസ ഗവേഷണ ഇൻസ്റ്റിറ്റ്യൂട്ട്., പൂനെ

സുലഭ കെ. കുൽക്കർണി പൂനെയിൽ 1949 ജൂൺ 1-ന് ജനിച്ചു. നാനൊ സാങ്കേതികവിദ്യയിലും ദ്രവ്യശാസ്ത്രത്തിലും പ്രതലശാസ്ത്രത്തിലും ഗവേഷണം നടത്തുന്ന ഊർജ്ജതന്ത്രജ്ഞയാണ്. അവർ ഐഐഎസ്ആർ (Indian Institute of Science Education and Research) സന്ദർശക അധ്യാപികയാണ്.

വിദ്യാഭ്യാസം

1949ൽ പൂനെയിൽ ജനിച്ചു. പൂനെയിൽ തന്നെയായിരുന്നു സ്ക്കൂൾ വിദ്യാഭ്യാസം. 1969-ൽ ബി.എസ്സി ബിരുദവും 1971-ൽ എം.എസ്സി യും 1976-ൽ പൂനെ സർവകലാശാലയിൽ നിന്ന് പി.എച്ച്.ഡിയും നേടി. മ്യൂണിച്ച് സർവകലാശാലയിൽ പ്രതലശസ്ത്ര സാങ്കേതികവിദ്യ ഉപയോഗിച്ച് വാതകങ്ങളും ഘനപദാർത്ഥങ്ങളും തമ്മിലുള്ള കൂടച്ചേരലിനെ പറ്റിയുള്ള പോസ്റ്റ് ഡൊക്ടറൽ ഗവേഷണം ചെയ്തു.