സിയാറ്റ്ൽ സെൻട്രൽ ലൈബ്രറി
വാഷിംഗ്ടണിലെ സിയാറ്റ്ൽ നഗരത്തിൽ സ്ഥിതിചെയ്യുന്ന ഒരു ഗ്രന്ഥശാലയാണ് സിയാറ്റ്ൽ സെൻട്രൽ ലൈബ്രറി. സിയാറ്റ്ൽ പബ്ലിക് ലൈബ്രറി സിസ്റ്റത്തിൽ പെടുന്ന ഒരു ലൈബ്രറികൂടിയാണ് ഇത്. രൂപകല്പനയിലെ വ്യത്യസ്തതകൊണ്ടു തന്നെ ലോകശ്രദ്ധപിടിച്ചുപറ്റിയിട്ടുള്ള ഒരു കെട്ടിടമാണ് സിയാറ്റ്ൽ സെൻട്രൽ ലൈബ്രറിയുടേത്. 11 നിലകളുള്ള ഈ ലൈബ്രറി കെട്ടിടത്തിന് 1.45 ദശലക്ഷം പുസ്തകങ്ങളെ ഉൾക്കൊള്ളാൻ കഴിയും. സ്റ്റീലും ഗ്ലാനുമാണ് ഈ മന്ദിരത്തിന്റെ പ്രധാന നിർമ്മാണസാമഗ്രികൾ. 2004 മേയ് 23ന് ഈ ഗ്രന്ഥശാല പൊതുജനങ്ങൾക്കായി തുറന്ന് കൊടുത്തു. [1]
റെം കൂൾഹാസും ജോഷ്വാ പ്രിൻസ് റാമോസുമ്മാണ് ലൈബ്രറിയുടെ പ്രധാന ശില്പികൾ. 362,987ചതുരശ്ര അടിയാണ് ഇതിന്റെ വിസ്തീർണ്ണം. 143 വാഹനങ്ങൾ പാർക് ചെയ്യാൻ സാധിക്കുന്ന് ഒരു അണ്ടർഗ്രൗണ്ട് പാർക്കിങ് ഏരിയയും ഈ കെട്ടിടത്തിന്റെ ഭാഗമാണ്.