സവേര ഹോട്ടൽ

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search

ദക്ഷിണേന്ത്യൻ സംസ്ഥാനമായ തമിഴ്നാടിൻറെ തലസ്ഥാനമായ ചെന്നൈയിലെ മൈലാപൂരിൽ സ്ഥിതിചെയ്യുന്ന 11 നിലകളിലായിട്ടുള്ള ഫോർ സ്റ്റാർ ആഡംബര ഹോട്ടലാണ് സവേര ഹോട്ടൽ.വാൾനട്ട് ഹോട്ടൽ എന്ന പേരിൽ ഹൈദരാബാദിലും ലോട്ടസ് പാർക്ക്‌ എന്ന പേരിൽ ബാംഗ്ലൂരിലും ഈ ഹോട്ടലിനു രണ്ട് യൂണിറ്റുകൾ ഉണ്ട്.[1]

ചരിത്രം[തിരുത്തുക]

റിയൽ എസ്റ്റേറ്റ്‌ രംഗത്തും ഹോട്ടൽ വ്യവസായ രംഗത്തും നല്ല പ്രാവീണ്യവും പരിജ്ഞാനവുമുള്ള എ വെങ്കടകൃഷ്ണ റെഡ്‌ഡി, എം രാമരാഘവ റെഡ്‌ഡി, എ ശ്യാമ സുന്ദര റെഡ്‌ഡി എന്നിവർ പങ്കാളികളായി 1965 ആരംഭിച്ച ഹോട്ടൽ ഗ്രൂപ്പ് നഗരത്തിലെ പ്രധാനപ്പെട്ട സ്ഥലങ്ങളിൽ ഒന്നായ മൈലാപുരത്തു 5000 ചതുരശ്ര മീറ്റർ സ്ഥലം വാങ്ങി. 20 മുറികളും ഒരു ഭക്ഷണശാലയും നിർമ്മിക്കാനാണ് സ്ഥലം വാങ്ങിയത്. 1969-ൽ മൂന്ന് പേരുംകൂടി വർധിച്ചുവരുന്ന ബിസിനസ്‌ ആവശ്യങ്ങൾ നിറവേറ്റാൻ ‘സവേര ഹോട്ടൽസ്‌ പ്രൈവറ്റ് ലിമിറ്റഡ്’ എന്ന പേരിൽ കമ്പനി രൂപീകരിച്ചു. സവേര ഹോട്ടൽസ്‌ പ്രൈവറ്റ് ലിമിറ്റഡ് ഹോട്ടലിനു ചുറ്റുമുള്ള 4684 ചതുരശ്ര മീറ്റർ സ്ഥലം കൂടി വാങ്ങി. 1972-ൽ കമ്പനി പ്രവർത്തനങ്ങൾ ആരംഭിച്ചു. ഹോട്ടലിൽ 125 മുറികൾ ചേർക്കപ്പെട്ടു, ആദ്യം ഉണ്ടായിരുന്ന 20 മുറികൾ ഹോട്ടൽ ഓഫിസും കോൺഫറൻസ് മുറികളുമായി മാറ്റി. അന്നു കാലത്ത് നഗരത്തിലെ ഹോട്ടലുകളിൽ കാണാത്ത നീന്തൽക്കുളവും സവേര ഹോട്ടലിൽ നിർമ്മിക്കപ്പെട്ടു. 1975-ൽ മൊഘ്ലായ് ഭക്ഷണത്തിനു മാത്രമായുള്ള മിനാർ ഭക്ഷണശാല പ്രവർത്തനം ആരംഭിച്ചു.

1978-ൽ ഓഡിയോ – വിഷ്വൽ സാമഗ്രികളും 35 – എംഎം പ്രൊജക്ടറുമുള്ള പല്ലവി തിയേറ്റർ എന്ന പേരുള്ള ഓഡിറ്റോറിയം ആരംഭിച്ചു. 1982-ൽ ഹോട്ടലിലെ 125 മുറികളിലും ക്ലോസ്ഡ് സർക്യൂട്ട് ക്യാമറകൾ സ്ഥാപിക്കപ്പെട്ടു. ഓഡിറ്റോറിയങ്ങളിൽനിന്നും ചെറിയ കോൺഫറൻസ് മുറികളിലേക്ക് മീറ്റിംഗുകൾ മാറിയപ്പോൾ, പല്ലവി തിയേറ്റർ പൂർണമായി നവീകരിച്ചു 1991-ൽ കോൺഫറൻസ് ഹാൾ ആക്കി മാറ്റപ്പെട്ടു. 1992-ൽ സ്വീറ്റ് ടച്ച് എന്ന പേരിൽ ഒരു പേസ്ട്രി ഷോപ്പ് സവേര ഹോട്ടലിൽ ആരംഭിച്ചു.

2007-ൽ കമ്പനിയുടെ പേര് സവേര ഹോട്ടൽസ്‌ ലിമിറ്റഡ് എന്നത് സവേര ഇന്ഡസ്ട്രീസ്‌ ലിമിറ്റഡ് എന്നാക്കിമാറ്റി. [2]

ഹോട്ടൽ[തിരുത്തുക]

ദി പിയാനോ, ദക്ഷിണേന്ത്യൻ ഭക്ഷണശാല മാൽഗുഡി, കറി ടൌൺ, ബേ 146, ബാംബൂ ബാർ, ബ്ര്യൂ റൂം, കേക്ക് ഷോപ്പ് ബേക്കർസ് ബാസ്കറ്റ് എന്നിങ്ങനെ ഏഴ് ഭക്ഷണ പാനീയ ശാലകൾ സവേര ഹോട്ടലിൽ ഉണ്ട്. ഹോട്ടലിൽ പത്ത് മീറ്റിംഗ് വേദികളും ഉണ്ട്.[3]

സവേര ഹോട്ടൽ അക്കാദമി എന്ന പേരിൽ ഹോട്ടലിൽ വിദ്യാർത്ഥികളെ ഹോസ്പിറ്റാലിറ്റി മേഖലയിൽ വിദ്യാഭാസം നൽകുന്ന സ്ഥാപനവുമുണ്ട്. [4]

2007 ഡിസംബർ 31-നു ന്യൂ ഇയർ പരിപാടിക്കു വേണ്ടി നീന്തൽക്കുളത്തിനു മുകളിൽ താൽകാലികമായി നിർമിച്ച ഡാൻസ് വേദി തകർന്നു വീണു മൂന്ന് പേരുടെ മരണത്തിനു കാരണമായി, രണ്ടു പേർക്കു പരിക്കേൽക്കുകയും ചെയ്തു. [5]

സ്ഥാനം[തിരുത്തുക]

ചെന്നൈയിൽ മൈലാപുരത്ത് ഡോക്ടർ രാധാകൃഷ്ണൻ റോഡിലാണ് സവേര ഹോട്ടൽ സ്ഥിതിചെയ്യുന്നത്.

ചെന്നൈ അന്താരാഷ്‌ട്ര എയർപോർട്ടിൽനിന്നും സവേര ഹോട്ടലിലേക്കുള്ള ദൂരം: ഏകദേശം 19 കിലോമീറ്റർ

ചെന്നൈ സെൻട്രൽ റെയിൽവേ സ്റ്റേഷനിൽനിന്നും സവേര ഹോട്ടലിലേക്കുള്ള ദൂരം: ഏകദേശം 8 കിലോമീറ്റർ

സൗകര്യങ്ങൾ[തിരുത്തുക]

വളരെ മികച്ച സൗകര്യങ്ങൾ സവേര ഹോട്ടലിൽ ലഭ്യമാണ്.

പ്രാഥമിക സൗകര്യങ്ങൾ:[തിരുത്തുക]

  • വൈഫൈ
  • എയർ കണ്ടീഷണർ
  • 24 മണിക്കൂർ ചെക്ക്‌ ഇൻ
  • ഭക്ഷണശാല
  • ബാർ
  • കഫെ
  • റൂം സേവനം
  • ഇന്റർനെറ്റ്‌
  • ബിസിനസ്‌ സെൻറെർ
  • പൂൾ
  • ജിം

ഭക്ഷണ പാനീയ സൗകര്യങ്ങൾ:[തിരുത്തുക]

  • ബാർ
  • ഭക്ഷണശാല
  • കോഫീ ഷോപ്പ്

ബിസിനസ്‌ സൗകര്യങ്ങൾ:[തിരുത്തുക]

  • ബിസിനസ്‌ സെൻറെർ
  • ഓഡിയോ വിഷ്വൽ സാമഗ്രികൾ
  • എൽസിഡി / പ്രൊജക്ടർ
  • മീറ്റിംഗ് സൗകര്യം
  • ബോർഡ് റൂം
  • കോൺഫറൻസ് ഹാൾ
  • മീറ്റിംഗ് റൂം

വിനോദ സൗകര്യങ്ങൾ:[തിരുത്തുക]

  • കുട്ടികൾക്കുള്ള നീന്തൽക്കുളം
  • ജിം
  • ബ്യൂട്ടി സലോൺ
  • ഹെൽത്ത് ക്ലബ്
  • മസ്സാജ് സെൻറെർ
  • ഔട്ട്‌ഡോർ നീന്തൽക്കുളം
  • സൌന
  • ഷോപ്പിംഗ്‌ ആർക്കേഡ്

യാത്രാ സൗകര്യങ്ങൾ:[തിരുത്തുക]

  • ട്രാവൽ ഡസ്ക്
  • പാർക്കിംഗ്
  • സൗജന്യ പാർക്കിംഗ്

വ്യക്തിപരമായ സൗകര്യങ്ങൾ:[തിരുത്തുക]

  • 24 മണിക്കൂർ ഫ്രന്റ് ഡസ്ക്
  • 24 മണിക്കൂർ റൂം സർവീസ്
  • ലോണ്ട്രി
  • കറൻസി എക്സ്ചേഞ്ച്
  • ഡ്രൈ ക്ലീനിംഗ്

അവലംബം[തിരുത്തുക]

  1. "Category : 4 Star". List of Approved Hotels as of : 06/01/2013. Ministry of Tourism, Government of India. 2013. ശേഖരിച്ചത് 2016-01-08.
  2. "Savera Industries Ltd". The Economic Times. The Times Group. ശേഖരിച്ചത് 2016-01-08.
  3. "About Savera Hotel". cleartrip.com. ശേഖരിച്ചത് 2016-01-08.
  4. "Happenings". The Hindu. The Hindu. ശേഖരിച്ചത് 2016-01-08.
  5. "Chennai hotel stage collapse: two more succumb to injuries". The Indian Express. The Indian Express. 8 January 2008. ശേഖരിച്ചത് 2016-01-08.
"https://ml.wikipedia.org/w/index.php?title=സവേര_ഹോട്ടൽ&oldid=2429643" എന്ന താളിൽനിന്ന് ശേഖരിച്ചത്