ഷാബന്തർ കോയ

ഏകദേശം 750 വർഷക്കാലം കേരളത്തിലെ കോഴിക്കോട് ഉൾപ്പെടുന്ന മലബാറിന്റെ തെക്കേ പകുതി ഭരിച്ചിരുന്ന സാമൂതിരിമാരുടെ ഭരണകാലത്തെ ഒരു ഔദ്യോഗിക പദവിയായിരുന്നു ഷാബന്തർ കോജ. പിന്നീട് കാലാന്തരത്തിൽ ഷാബന്തർ കോയ എന്നായി. പേർഷ്യൻ ഭാഷയിൽ ഷാ = രാജാവ്/അധികാരി, ബന്തർ = തുറമുഖം, ഷാ ബന്തർ = തുറമുഖത്തിന്റെ അധിപൻ. കോഴിക്കോട് തുറമുഖത്തെ കയറ്റിറക്കുമതികളുടെ മേൽനോട്ടം വഹിച്ചിരുന്ന മുസ്ലിം ഉദ്യോഗസ്ഥനാണ് ഷാ ബന്തർ കോയ അഥവാ കോഴിക്കോട് കോയ എന്ന ഔദ്യോഗിക പദവി നൽകിയിരുന്നത്. തുറമുഖമേധാവികൾ എന്നതിലുപരി വിദേശ വ്യാപാരികളുടെ സുഖസൗകര്യങ്ങൾ അന്വേഷിക്കുന്നതും അവരുടെ ചരക്കുകൾക്കും അങ്ങാടിക്കും സംരക്ഷണം നല്‌കുന്നതും കോയമാരുടെ ചുമതല ആയിരുവെത്രേ.