ശാസ്ത്രീയ കറവ രീതികൾ
പശുക്കളുടെ അരോഗ്യവും, പാലിന്റെ ശുദ്ധിയും ഉറപ്പാക്കാൻ ശാസ്ത്രീയമായ രീതിയിൽ കറവ നടത്തേണ്ടതുണ്ട്. [1]
പ്രധാനമായും രണ്ടുരീതികളാണ് കൈകൊണ്ടുള്ള കറവരീതിയ്ക്ക് അവലംബിയ്ക്കുന്നത്.
1.നിർലേപനം[തിരുത്തുക]
പെരുവിരലും,ചൂണ്ടുവിരലും മുലക്കാമ്പിനുമുകളിൽ അമർത്തിപ്പിടിച്ച് താഴേയ്ക്ക് വലിച്ചു കറക്കുന്നു. മുലക്കാമ്പിനു നീളമുള്ള പശുക്കളിൽ ഈ രീതി നല്ലതാണ്. രണ്ടു കൈ കൊണ്ടും ഇങ്ങനെ വലിച്ചു കറക്കാവുന്നതാണ്.
2. മുഴുക്കൈ രീതി[തിരുത്തുക]
നിവർത്തിയ കൈ വെള്ളയോട് മുലക്കാമ്പ് ചേർത്തുവച്ച് മുലക്കാമ്പിന്റെ മുകളറ്റത്ത് പെരു വിരലും ചൂണ്ടുവിരലും ഉപയോഗിച്ച് ഒരു വളയമുണ്ടാക്കുകയും മറ്റുമൂന്നു വരലുകൾ കൊണ്ട് പാൽ പിഴിഞ്ഞ് താഴേയ്ക്കു വിടുകയും ചെയ്യുന്ന രീതിയാണിത്. ഒരേ അളവിൽ മർദ്ദം മുലകളിൽ അനുഭവപ്പെടുന്നതിനാൽ പശുക്കൾക്ക് ഈ രീതി കൂടുതൽ അനുപേക്ഷണീയമാണ്.
പെരുവിരൽ മടക്കി മുലക്കാമ്പിനോട് ചേർത്ത് വച്ച് കറക്കുന്ന ഫിസ്റ്റിങ്ങ് എന്ന രീതിയും ഉണ്ട്. ഇത് തെറ്റായ കറവരീതിയാണ്. അകിടിൽ ഒരേസ്ഥലത്തു തന്നെ മർദ്ദം ഏൽക്കുന്നതിനാൽ മുലക്കാമ്പിന്റെ ക്ഷതത്തിനും, അകിടുവീക്കത്തിനും സാദ്ധ്യത ഉണ്ട്. [2]
ശ്രദ്ധിയ്ക്കേണ്ടത്[തിരുത്തുക]
പാൽ ചുരത്തലിനു പ്രേരകമായ ഹോർമോണിന്റെ പ്രവർത്തനം ഏഴുമിനിട്ടിനുള്ളിൽ തീരുന്നതിനാൽ ആ സമയത്തിനുള്ളിൽ തന്നെ കറവ പൂർത്തിയാക്കണം.
കറവയ്ക്കു മുൻപും, പിൻപും അകിടും കാമ്പുകളും ശുദ്ധമായ വെള്ളത്തിൽ കഴുകി വൃത്തിയാക്കണം.
കറവക്കാരന്റെ കൈകൾ അണുനാശിനി ഉപയോഗിച്ച് വൃത്തിയാക്കിയിരിയ്ക്കണം.
അവലംബം[തിരുത്തുക]
- ↑ "ആർക്കൈവ് പകർപ്പ്" (PDF). Archived from the original (PDF) on 2014-02-11. Retrieved 2014-01-07.
- ↑ കർഷകശ്രീ. 2012 സെപ്റ്റംബർ .പു.74