വിമൻസ് കോഡ് ബിൽ

വിക്കിപീഡിയ, ഒരു സ്വതന്ത്ര വിജ്ഞാനകോശം.

കേരള സർക്കാർ നിയോഗിച്ച, ജസ്റ്റിസ് വി.ആർ.കൃഷ്ണയ്യർ അധ്യക്ഷനായുള്ള കേരള വനിത-ബാലക്ഷേമ കമ്മീഷൻ (സ്ത്രീകളുടെയും കുട്ടികളുടെയും ക്ഷേമത്തിനായുള്ള കമ്മീഷൻ) തങ്ങളുടെ 94 പേജുള്ള വിമൻസ് കോഡ് ബിൽറിപ്പോർട്ട്‌ സർക്കാരിന് സമർപ്പിച്ചിരിക്കുന്നു. 2011 സെപ്തംബർ 24 നായിരുന്നു ഈ റിപ്പോർട്ട് കമ്മീഷൻ മുഖ്യമന്ത്രി ഉമ്മൻചാണ്ടിക്ക് ചാണ്ടിക്ക് മുമ്പായി സമർപ്പിച്ചത്.[1]

പ്രധാന നിർദ്ദേശങ്ങൾ[തിരുത്തുക]

  1. രണ്ടിൽ കൂടുതൽ കുട്ടികളുള്ളവർക്ക് സർക്കാർ ധനസഹായങ്ങളൊന്നും ലഭ്യമാക്കരുത്,
  2. രണ്ടിൽ കൂടുതൽ കുട്ടികൾ വേണമെന്ന രീതിയിലുള്ള പ്രചാരണങ്ങൾ ശിക്ഷാർഹമായി കണക്കാക്കണം,
  3. കുടുംബാസൂത്രണം പ്രോത്സാഹിപ്പിക്കണം,
  4. ആരോഗ്യ രംഗത്തെ നിയമങ്ങൾക്കനുസൃതമായി ആശുപത്രികൾവഴി സുരക്ഷിതമായ ഗർഭഛിദ്രം അനുവദിക്കണം,
  5. കുടുംബാസൂത്രണം നയത്തിന് എതിരായിട്ടുള്ള ബോധപൂർവമായ ശ്രമങ്ങൾ കുറ്റമായി കണക്കാക്കണം,
  6. നാം രണ്ട് നമുക്ക് രണ്ട് നയം പരാജയപ്പെടുത്തുക എന്ന ലക്ഷ്യത്തോടെ കരുതിക്കൂട്ടി പ്രവർത്തിക്കുന്നവർക്ക് 10,000 രൂപ പിഴയോ മൂന്ന് മാസം തടവോ ശിക്ഷ നൽകണം ,
  7. ഗർഭനിരോധന മാർഗങ്ങൾ വിവാഹ സമയത്ത് സൗജന്യമായി ലഭ്യമാക്കണം,
  8. കോടതിക്ക് പുറത്തുവച്ച് വിവാഹമോചനങ്ങൾ സാധ്യമാക്കുന്നതിന് മാര്യേജ് ഓഫീസറുടെ നിയമനം വേണം,
  9. കുട്ടികളുടെ ക്ഷേമത്തിനായി 10 അംഗങ്ങളുള്ള സംസ്ഥാന കമ്മീഷൻ രൂപീകരിക്കണം,
  10. ലൈംഗിക അതിക്രമങ്ങൾക്ക് ഇരയാകുന്ന സ്ത്രീകളെ പുനരധിവസിപ്പിക്കുന്നതിന് ഷെൽട്ടർ ഹോമുകൾ വേണം.
  11. സ്‌കൂൾ പ്രവേശന സമയത്ത് തലവരിപ്പണം ഈടാക്കുന്നതും മാതാപിതാക്കൾ ഉൾപ്പെടെയുള്ളവരെ അഭിമുഖത്തിന് വിധേയമാക്കുന്നതും തടയണം.

കൃഷ്ണയ്യർ ഉൾപ്പെടെ 12 അംഗങ്ങളാണ് കമ്മീഷനിലുള്ളത്.

പ്രതികരണങ്ങൾ[തിരുത്തുക]

സമർപ്പിക്കപ്പെട്ട വിമൺസ് കോഡ് ബില്ലിനെ കുറിച്ച് അനുകൂലവും അതിനേക്കാളേറെ പ്രതികൂലവുമായ പ്രതികരണങ്ങളാണ് വന്നു കൊണ്ടിരുന്നത്. മാനവ വിഭവശേഷിയെ ഇല്ലാതാക്കുന്ന നയം മാനവികവിരുദ്ധമാണെന്നാണ് വിമർശകരുടെ പക്ഷം. മാതാപിതാക്കളുടെ സ്വകാര്യതക്കും സ്വാതന്ത്ര്യത്തിനും നേരെയുള്ള വെല്ലുവിളിയായും വിധി വിലയിരുത്തപ്പെടുന്നു.[2]

അവലംബം[തിരുത്തുക]

  1. "ആർക്കൈവ് പകർപ്പ്". മൂലതാളിൽ നിന്നും 2011-11-28-ന് ആർക്കൈവ് ചെയ്തത്. ശേഖരിച്ചത് 2011-11-23.
  2. "ആർക്കൈവ് പകർപ്പ്". മൂലതാളിൽ നിന്നും 2011-09-26-ന് ആർക്കൈവ് ചെയ്തത്. ശേഖരിച്ചത് 2011-09-25.
"https://ml.wikipedia.org/w/index.php?title=വിമൻസ്_കോഡ്_ബിൽ&oldid=3645167" എന്ന താളിൽനിന്ന് ശേഖരിച്ചത്