വയനാടൻ തീക്കറുപ്പൻ

വയനാടൻ തീക്കറുപ്പൻ
വയനാടൻ തീക്കറുപ്പൻ
ശാസ്ത്രീയ വർഗ്ഗീകരണം
കിങ്ഡം:	Animalia
Phylum:	Arthropoda
Class:	Insecta
Order:	Odonata
Family:	Libellulidae
Genus:	Epithemis
Species:	E. wayanadensis
Binomial name
Epithemis wayanadensis Chandran, Raju, Jose & Mirza, 2023

നീർമുത്തന്മാർ എന്ന തുമ്പി കുടുംബത്തിൽപ്പെട്ട ഒരു കല്ലൻതുമ്പിയാണ് വയനാടൻ തീക്കറുപ്പൻ. വയനാട്ടിൽ നിന്നും 2023 ലാണ് ഈ തുമ്പിയെ കണ്ടെത്തിയത്. പശ്ചിമഘട്ടത്തിൽ മാത്രം കാണപ്പെടുന്ന തീക്കറുപ്പൻ തുമ്പിയുടെ സഹോദര സ്പീഷീസ് ആണ് വയനാടൻ തീക്കറുപ്പൻ .

കാഴ്ചയിൽ തീക്കറുപ്പൻ തുമ്പിയോട് വളരെയധികം സാമ്യമുണ്ടെങ്കിലും ഇവയുടെ ഉദരത്തിലെ ചുവപ്പ് പൊട്ടിന് തീക്കറുപ്പൻ തുമ്പിയെ അപേക്ഷിച്ച് വലുപ്പം കുറവാണ്. വയനാടൻ തീക്കറുപ്പൻ തുമ്പിയുടെ ഉരസ്സിനും ഉദരത്തിനും നല്ല കറുപ്പ് നിറമാണ്. മാത്രവുമല്ല തീക്കറുപ്പൻ തുമ്പിയുടെ ഉരസ്സിന്റെ മുകൾ ഭാഗത്തുള്ള മഞ്ഞ വരകൾ ഈ തുമ്പിയിൽ കാണുകയില്ല.

പരമ്പരാഗത താരതമ്യപഠനങ്ങൾ കൂടാതെ DNA പഠനങ്ങൾ കൂടി പൂർത്തീകരിച്ചാണ് വയനാടൻ തീക്കറുപ്പൻ തുമ്പി പുതിയ സ്പീഷീസ് തന്നെയാണെന്ന് ഉറപ്പ് വരുത്തിയിട്ടുള്ളത്. ഇന്ത്യയിൽ DNA പഠനം വഴി തുമ്പികളിൽ പുതിയ സ്പീഷീസിനെ സ്ഥിരീകരിക്കുന്നത് ആദ്യമായാണ്.