ലേഡി മാക്ബെത്ത് (ചലച്ചിത്രം)

ലേഡി മാക്ബെത്ത്
ലേഡി മാക്ബെത്ത്
	പ്രമാണം:Lady Macbeth (film).png Theatrical release poster
സംവിധാനം	വില്യം ഓൾഡ്റോയ്ഡ്
നിർമ്മാണം	ഫോഡ്ല ക്രോണിൻ ഓ'റെയ്ലി
കഥ	ആലീസ് ബിർച്ച്
സംഗീതം	ഡാൻ ജോൺസ്
സ്റ്റുഡിയോ	ആൾട്ടിറ്റ്യൂഡ് ഫിലിം എന്റർടൈൻമെന്റ്; പ്രൊട്ടാഗൊണിസ്റ്റ് പിക്ചർസ്; iFeatures; ക്രിയേറ്റീവ് ഇംഗ്ലണ്ട് ; ബിബിസി ഫിലിംസ്; BFI; സിക്സ്റ്റി-സിക്സ് പിക്ചർസ്
വിതരണം	ആൾട്ടിറ്റ്യൂഡ് ഫിലിം ഡിസ്ട്രിബ്യൂഷൻ
Release date(s)	10 സെപ്റ്റംബർ 2016 (TIFF) 28 ഏപ്രിൽ 2017 (ഇംഗ്ലണ്ട്)
ദൈർഘ്യം	89 മിനിറ്റ്
രാജ്യം	ഇംഗ്ലണ്ട്
ഭാഷ	ഇംഗ്ലീഷ്

വില്യം ഓൾഡ്രോയിഡ് സംവിധാനം ചെയ്ത 2016 ലെ ഒരു ഇംഗ്ലീഷ് ചിത്രമാണ് ലേഡി മാക്ബത്ത് . നിക്കോളായ് ലെസ്‌കോവ് എഴുതിയ 1865 ലെ ലേഡി മാക്‌ബെത്ത് ഓഫ് ദി എംസെൻസ്‌ക് ഡിസ്ട്രിക്ട് എന്ന നോവലിനെ അടിസ്ഥാനമാക്കിയുള്ളതാണ് ആലീസ് ബിർച്ച് എഴുതിയ ഇതിന്റെ തിരക്കഥ. ഫ്ലോറൻസ് പ്യു, കോസ്മോ ജാർവിസ്, പോൾ ഹിൽട്ടൺ, നവോമി അക്കി, ക്രിസ്റ്റഫർ ഫെയർബാങ്ക് എന്നിവരാണ് ഇതിലെ അഭിനേതാക്കൾ. അവളുടെ ഇരട്ടി പ്രായമുള്ള ഒരു പുരുഷനുമായുള്ള പ്രണയരഹിതമായ വിവാഹത്താൽ തളർന്നുപോയ ഒരു യുവതിയെ പിന്തുടരുന്നതാണ് ഇതിന്റെ ഇതിവൃത്തം.

ലേഡി മാക്ബത്തിൻ്റെ ആഗോള പ്രകാശനം, 2016 സെപ്റ്റംബർ 10-ന് ടൊറൻ്റോ ഇൻ്റർനാഷണൽ ഫിലിം ഫെസ്റ്റിവലിൽ വച്ച് നടത്തി. പ്രകാശനത്തിന് ശേഷം ഈ ചിത്രത്തിന് മികച്ച അവലോകനങ്ങൾ ലഭിക്കുകയും, ലോകമെമ്പാടുമായി $5.4 ദശലക്ഷം നേടുകയും ചെയ്തു.

കഥ[തിരുത്തുക]

1865-ൽ ആണ് കഥ നടക്കുന്നത്, കാതറിൻ (ഫ്ലോറൻസ് പ്യു) ഒരു വൃദ്ധനായ അലക്സാണ്ടർ ലെസ്റ്ററുമായി (ഹിൽട്ടൺ) സ്നേഹരഹിതമായ വിവാഹത്തിലാണ്. അലക്സാണ്ടറിൻ്റെ പിതാവ് ബോറിസിൻ്റെ എസ്റ്റേറ്റിലാണ് (ഇംഗ്ലണ്ടിൻ്റെ വടക്കുകിഴക്കൻ ഗ്രാമമായ നോർത്തംബർലാൻഡിലുള്ള) അവർ താമസിക്കുന്നത്. വീട്ടിൽ ഭാര്യയോടുള്ള അലക്സാണ്ടറിൻ്റെ ലൈംഗിക താൽപ്പര്യം പരിമിതമാണ്. ഒരു ദിവസം, ബോറിസിനും അലക്സാണ്ടറിനും പ്രത്യേക ബിസിനസ് കാര്യങ്ങൾക്കായി എസ്റ്റേറ്റ് വിട്ടുപോകേണ്ടിവരുന്നു, കാതറിൻ വീട്ടുജോലിക്കാരിയായ അന്നയുമായി(നവോമി അക്കി) ആ വീട്ടിൽ തനിച്ചായി. അവൾക്ക് ആദ്യമായി, വീടിന് പുറത്തിറങ്ങാൻ അവസരം ലഭിക്കുന്നു.

കാതറിൻ വീടിന് പുറത്ത് അവരുടെ വീട്ട് ജോലിക്കാരെ കണ്ട് മുട്ടുന്നു. അതിൽ ഒരാളായ സെബാസ്റ്റ്യനിൽ ആകൃഷ്ടയായി, അവർ ഒരു പ്രണയബന്ധം തുടങ്ങുന്നു. അലക്സാണ്ടറിൻ്റെ പിതാവ് ബോറിസ് വീട്ടിൽ തിരിച്ചെത്തിയപ്പോൾ ഈ ബന്ധത്തെക്കുറിച്ച് അറിയുകയും, അയാൾ സെബാസ്റ്റ്യനെ മർദിച്ച് തൊഴുത്തിൽ പൂട്ടിയിടുന്നു. കാതറിൻ, സെബാസ്റ്റ്യനെ മോചിപ്പിക്കാൻ ആവശ്യപ്പെടുമ്പോൾ ബോറിസ് അടിക്കുന്നു. കാതറിൻ ബോറിസിന് ഭക്ഷണത്തിൽ വിഷം കലർത്തി. അയാൾ അടുത്ത മുറിയിൽ ശ്വാസം മുട്ടി മരിക്കുമ്പോൾ, കാതറിൻ അന്നയോട് ശാന്തമായി ചെറിയ സംസാരം നടത്തുന്നു. അന്ന ഇതുകണ്ട് ഭയപ്പെട്ട് മൂകയായി മാറുന്നു.

ബോറിസിനെ സംശയമില്ലാതെ അടക്കം ചെയ്തു. കാതറിൻ എസ്റ്റേറ്റ് ഏറ്റെടുക്കുന്നു, അവളും സെബാസ്റ്റ്യനും അവരുടെ ബന്ധം പരസ്യമായി തുടരുന്നു. ഒരു രാത്രി, ഉറങ്ങുമ്പോൾ, അലക്സാണ്ടർ വീട്ടിൽ തിരിച്ചെത്തിയതായി അവൾ മനസ്സിലാക്കുന്നു. വിശ്വാസവഞ്ചനയെക്കുറിച്ച് തനിക്ക് അറിയാമെന്ന് അദ്ദേഹം വെളിപ്പെടുത്തിയ ശേഷം,നടന്ന ഏറ്റുമുട്ടലിൽ കാതറിൻ അലക്സാണ്ടറെ കൊല്ലുന്നു. അവർ രൺറ്റ് പേരും അലക്സാണ്ടറിൻ്റെ മൃതദേഹം കാട്ടിൽ കുഴിച്ചിടുകയും അവൻ്റെ കുതിരയെ കൊല്ലുകയും ചെയ്യുന്നു. സെബാസ്റ്റ്യൻ മാളികയുടെ തമ്പുരാനെപ്പോലെ വസ്ത്രം ധരിക്കാനും പെരുമാറാനും തുടങ്ങുന്നു.

ആഗ്നസ് എന്ന സ്ത്രീ, ടെഡി എന്ന ആൺകുട്ടിയുമായി എസ്റ്റേറ്റിലെത്തുന്നു. ടെഡി അലക്‌സാണ്ടറും ആഗ്നസിന്റെ മകളും തമ്മിലുള്ള ബന്ധത്തിൽ ഉള്ളതാണെന്ന് അവകാശപ്പെടുന്നു. കാതറിൻ മനസ്സില്ലാമനസ്സോടെ അവർക്ക് അഭയം നൽകുന്നു. ഇതിൽ രോഷാകുലനായ സെബാസ്റ്റ്യൻ പഴയ കെടിടത്തിലേക്ക് മടങ്ങുന്നു. താൻ ഗർഭിണിയാണെന്ന് കാതറിൻ മനസ്സിലാക്കുന്നു, അവൾ ടെഡിയുമായി അടുപ്പത്തിൽ ആവാനും തുടങ്ങുന്നു. കാതറിൻ സെബാസ്റ്റ്യനെ അവിടം വിട്ട് പോകുന്നതിൽ നിന്ന് പിന്തിരിപ്പിക്കാനായി അവൻ ആഗ്രഹിക്കുന്നതെന്തും ചെയ്യാമെന്ന് വാഗ്ദാനം ചെയ്തു.

ടെഡിയുടെ മുത്തശ്ശി ഉറങ്ങുമ്പോൾ, കാതറിനും സെബാസ്റ്റ്യനും ചേർന്ന് ടെഡിയെ ശ്വാസം മുട്ടിച്ച് കൊലപ്പെടുത്തുന്നു. ടെഡി ഉറക്കത്തിൽ മരിച്ചുവെന്ന് കാതറിൻ അവകാശപ്പെടുന്നു എങ്കിലും ഗ്രാമീണ ഡോക്ടർക്ക് കഥയിൽ സംശയമുണ്ട്, സെബാസ്റ്റ്യൻ കുറ്റബോധത്താൾ എല്ലാം ഏറ്റുപറയുന്നു. കാതറിൻ സെബാസ്റ്റ്യൻ്റെ കുറ്റസമ്മതം അവനിലേക്ക് തന്നെ തിരിച്ചുവിടുകയും, അന്നയുമായി ചേർന്ന് എല്ലാ കൊലപാതകങ്ങളും നടത്തിയെന്ന് ആരോപിക്കുകയും ചെയ്യുന്നു. അന്ന മൂകയായി മാറിയതിനാൽ, മറുത്ത് വാദിക്കാൻ സാധിക്കുന്നില്ല. സെബാസ്റ്റ്യനെയും അന്നയെയും പോലീസ് കൊണ്ടുപോകുമ്പോൾ, ശേഷിക്കുന്ന ജോലിക്കാർ പോകുകയും കാതറിൻ തൻ്റെ പിഞ്ചു കുഞ്ഞിനൊപ്പം വീട്ടിൽ തനിച്ചായിരിക്കുകയും ചെയ്യുന്നു.

അഭിനേതാക്കൾ[തിരുത്തുക]

കാതറിൻ ലെസ്റ്ററായി ഫ്ലോറൻസ് പ്യു
സെബാസ്റ്റ്യനായി കോസ്മോ ജാർവിസ്
അന്നയായി നവോമി അക്കി
ബോറിസ് ലെസ്റ്ററായി ക്രിസ്റ്റഫർ ഫെയർബാങ്ക്
അലക്സാണ്ടർ ലെസ്റ്ററായി പോൾ ഹിൽട്ടൺ
ആഗ്നസ് ആയി ഗോൾഡ റോഷെവൽ
ടെഡിയായി ആൻ്റൺ പാമർ
മേരിയായി റെബേക്ക മാൻലി
ടെസ്സയായി ഫ്ലൂർ ഹൂഡിക്ക്
ഫാദർ പീറ്ററായി ക്ലിഫ് ബർനെറ്റ്
മിസ്റ്റർ റോബർട്ട്സൺ ആയി നിക്കോളാസ് ലുംലി .
മിസ്റ്റർ കിർക്ക്ബ്രൈഡ് ആയി റെയ്മണ്ട് ഫിൻ.
ഡിറ്റക്ടീവ് ലോഗനായി ഇയാൻ കണ്ണിംഗ്ഹാം
ബിൽ ഫെല്ലോസ് ആയി ഡോ. ബർഡൻ

നിർമാണം[തിരുത്തുക]

2015 സെപ്തംബറിൽ, ആലീസ് ബിർച്ചിൻ്റെ തിരക്കഥയിൽ നിന്ന് വില്ല്യം ഓൾഡ്രോയിഡ് ഈ ചിത്രം സംവിധാനം ചെയ്യുന്നതായി പ്രഖ്യാപിച്ചു. ^[2] ഫ്ലോറൻസ് പ്യു, കോസ്മോ ജാർവിസ്, ക്രിസ്റ്റഫർ ഫെയർബാങ്ക്, നവോമി അക്കി, പോൾ ഹിൽട്ടൺ എന്നിവഋ ചിത്രത്തിൽ അഭിനയിക്കുന്നതായും പ്രഖ്യാപിച്ചു,

പ്രകാശനം[തിരുത്തുക]

ഈ ചിത്രത്തിൻ്റെ ആഗോള പ്രകാശനം 2016 സെപ്റ്റംബർ 10 -ന് ടൊറൻ്റോ ഇൻ്റർനാഷണൽ ഫിലിം ഫെസ്റ്റിവലിൽ വച്ചായിരുന്നു. അതോടൊപ്പം 2016 ഒക്ടോബർ 14-ന് BFI ലണ്ടൻ ഫിലിം ഫെസ്റ്റിവലിലും ^[3] 2017 ജനുവരി 20 ^[4] -ന് സൺഡാൻസ് ഫിലിം ഫെസ്റ്റിവലിലും പ്രദർശിപ്പിച്ചു. അധികം താമസിയാതെ, റോഡ്‌സൈഡ് അട്രാക്ഷൻസും ആൾട്ടിറ്റ്യൂഡ് ഫിലിം ഡിസ്ട്രിബ്യൂഷനും യഥാക്രമം ചിത്രത്തിൻ്റെ യുഎസ്, യുകെ വിതരണാവകാശവും സ്വന്തമാക്കി. ^[5] ^[6] ഈ ചിത്രം 2017 ഏപ്രിൽ 28 ന് യുണൈറ്റഡ് കിംഗ്ഡത്തിലും, ^[7] 2017 ജൂലൈ 14^[8] ന് യുണൈറ്റഡ് സ്റ്റേറ്റ്സിലും റിലീസ് ചെയ്തു.

സ്വീകരണം[തിരുത്തുക]

വിമർശനാത്മക പ്രതികരണം[തിരുത്തുക]

ഈ ചിത്രത്തിന്, റിവ്യൂ അഗ്രിഗേറ്റർ വെബ്‌സൈറ്റായ റോട്ടൻ ടൊമാറ്റോസിൽ, 198 അവലോകനങ്ങളെ അടിസ്ഥാനമാക്കി 88% റേറ്റിംഗ് ഉണ്ട്(ശരാശരി 7.6/10) .

അവലംബം[തിരുത്തുക]

↑ "Lady Macbeth". British Board of Film Classification. Retrieved 27 April 2017.
↑ Wiseman, Andreas (22 September 2015). "Florence Pugh, Cosmo Jarvis cast in 'Lady Macbeth'". Screen International. Retrieved 22 February 2017.
↑ "Lady Macbeth". BFI London Film Festival. Archived from the original on 23 February 2017. Retrieved 22 February 2017.
↑ "Lady Macbeth". Sundance Film Festival. Archived from the original on 15 September 2019. Retrieved 22 February 2017.
↑ Seetoodeh, Ramin; Lang, Brent (15 September 2016). "Toronto: Roadside Attractions Gets 'Lady Macbeth' (EXCLUSIVE)". Variety. Retrieved 22 February 2017.
↑ Grater, Tom (20 September 2016). "Protagonist scores key 'Lady Macbeth' sales". Screen International. Retrieved 22 February 2017.
↑ Loughrey, Clarisse (13 January 2017). "Lady Macbeth takes on a new guise in first trailer for racy period drama". The Independent. Retrieved 22 February 2017.
↑ "Lady Macbeth". Box Office Mojo. 21 July 2017. Retrieved 17 April 2020.

ബാഹ്യ കണ്ണികൾ[തിരുത്തുക]

Lady Macbeth at IMDb
Lady Macbeth at Rotten Tomatoes

ഫലകം:European Film Award for Discovery of the Year

[1] "Lady Macbeth". British Board of Film Classification. Retrieved 27 April 2017.

[2] Wiseman, Andreas (22 September 2015). "Florence Pugh, Cosmo Jarvis cast in 'Lady Macbeth'". Screen International. Retrieved 22 February 2017.

[3] "Lady Macbeth". BFI London Film Festival. Archived from the original on 23 February 2017. Retrieved 22 February 2017.

[4] "Lady Macbeth". Sundance Film Festival. Archived from the original on 15 September 2019. Retrieved 22 February 2017.

[5] Seetoodeh, Ramin; Lang, Brent (15 September 2016). "Toronto: Roadside Attractions Gets 'Lady Macbeth' (EXCLUSIVE)". Variety. Retrieved 22 February 2017.

[6] Grater, Tom (20 September 2016). "Protagonist scores key 'Lady Macbeth' sales". Screen International. Retrieved 22 February 2017.

[7] Loughrey, Clarisse (13 January 2017). "Lady Macbeth takes on a new guise in first trailer for racy period drama". The Independent. Retrieved 22 February 2017.

[8] "Lady Macbeth". Box Office Mojo. 21 July 2017. Retrieved 17 April 2020.

[1]

[2]

[3]

[4]

[5]

[6]

[7]

[8]