മൂശാരി

കമ്മാളരിൽ ഉൾപ്പെടുന്ന ഒരു അവർണ്ണ സമൂഹ കരകൗശലവിദഗ്ദ്ധരാണ്‌ മൂശാരിമാർ [ കന്നാന്മാർ ]. കമ്മാളരിൽ ഉൾപ്പെടുന്ന മറ്റുള്ളവർ തച്ചൻ, കൊല്ലൻ, തട്ടാൻ. തച്ചൻമാർ മരപ്പണി ചെയ്യുന്നു. കൊല്ലൻ ഇരുമ്പ് കൊണ്ടു് ആയുധങ്ങളും ഉപകരണങ്ങളും നിർമ്മിക്കുന്നു. തട്ടാൻ സ്വർണപ്പണി ചെയ്യുന്നു.

ജാതി വ്യവസ്ഥയിൽ

ദക്ഷിണേന്ത്യയിലെ ജാതി വ്യവസ്ഥയിൽ ഇവർ അവർണ്ണ ജാതിയായാണ് ഇവരെ പരിഗണിക്കുന്നത്. സംസ്കൃത പഠനം ഈ സമൂഹത്തിനെ ജാതി വ്യവസ്ഥയിൽ നിന്നും ഒരുപരിധി വരെ മാറ്റി നിർത്തി.

കേരളത്തിൽ ഈ ജാതിയിലെ കുലത്തൊഴിലുകാർ അറിയപ്പെടുന്നത്

ഓട്ടുപണി ചെയ്യുന്നതിനാൽ മൂശാകാരി എന്നും മൂശാരി എന്നും അറിയപ്പെടുന്നു. പിച്ചള, ചെമ്പ്, ഓട് . ഓടുകൊണ്ടുള്ള പാത്രങ്ങൾ, വിഗ്രഹങ്ങൾ,ശില്പ്പങ്ങൾ, വിളക്കുകൾ എന്നിവ ഉണ്ടാക്കുന്നു. പഞ്ചലോഹ വിഗ്രഹങ്ങൾ,അടക്കാപുത്തൂർ കണ്ണാടി കടവല്ലൂർ ഉരുളി, മൂച്ചുകുന്നു കണ്ണാടി മുതലായ അമൂല്യ വസ്തുക്കൾ ഉണ്ടാക്കുന്നതും ഈ വിഭാഗമാണ്. ഇവർ ത്വഷ്ടാവിന്റെ പിൻഗാമികൾ എന്നു വിശ്വസിക്കുന്നു.കേരളത്തിലെ മിക്ക പ്രദേശങ്ങളിലും ഇവരെ കണ്ടുവരുന്നു.കേരള ചരിത്രത്തിൽ ആദ്യമായി മൂശാരി മാർക്ക് വേണ്ടി മാത്രം മലപ്പുറം ആസ്ഥാനമായി 2022മെയ്‌ മാസത്തിൽ മൂശാരി സമുദായ സഭ (mss) എന്ന സംഘടനാ mpm/ca/229/2022 രൂപീകരിക്കുക്കും ചെയ്തിട്ടുണ്ട് കേരളത്തിൽ മൂശാരി മാർക്ക് വേണ്ടി രജിസ്റ്റർ ചെയ്ത ഏക സംഘടനാ ഇത് മാത്രം ആണ്.

ഇന്ത്യയിൽ എല്ലായിടത്തും  താമസിക്കുന്ന,  സർക്കാർ സംവരണനിയമപ്രകാരം വിശ്വകർമ്മ എന്ന വിഭാഗത്തിൽ പെടുന്ന കേരളത്തിൽ ഉള്ള ഒരു പ്രധാന വിഭാഗത്തെയാണ് മൂശാരിമാർ എന്നു വിളിക്കുന്നത് .

മൂശാരിമാർ വേദങ്ങളിൽ പറയുന്ന പ്രകാരം ആദി വിശ്വകർമ്മാവായ ശ്രീ വിരാട് വിശ്വബ്രഹ്മദേവന്റെ മുഖത്ത് നിന്നും ജനിച്ചവരാണെന്നു വിശ്വസിക്കുന്നു.

മൂശാരിമാർ ചെമ്പ്, പിച്ചള, ഓട് എന്നിവ ചേർത്ത് ഉരുക്കിയെടുക്കുന്ന വെങ്കല ലോഹം കൊണ്ട് ക്ഷേത്ര വിഗ്രഹങ്ങൾ, ദീപസ്തംഭം, ചുറ്റു വിളക്കുകൾ, അഷ്ടമംഗല്യ സെറ്റ്,  നിലവിളക്ക്, കിണ്ടി, മറ്റു പൂജാപാത്രങ്ങൾ, വീട്ടാവശ്യങ്ങൾക്കുള്ള പാത്രങ്ങൾ, ഉരുളി,  കുടങ്ങൾ എന്നിവ പ്രധാനമായും ഉണ്ടാക്കുന്നവരാണ്.

സർക്കാർ സംവരണ നിയമപ്രകാരം മൂശാരിമാരെ വിശ്വകർമ്മയിൽ ഉൾപ്പെടുത്തിയിരിക്കുന്നത് സർക്കാർ സംബന്ധമായ സംവരണത്തിനും വിദ്യാഭ്യാസത്തിനും, ജോലിയ്ക്കു വേണ്ടിയാണു. ഇപ്പോൾ ഇത് ലഭിക്കുന്നതിന് അപേക്ഷകളിൽ വിശ്വകർമ്മ എന്നു മാത്രമേ ചേർക്കാൻ പാടുള്ളു.

അപേക്ഷകളിൽ മൂശാരി മുതലായ ഉപവിഭാഗങ്ങളുടെ പേര് മാത്രം എഴുതിയാൽ അവർ വിശ്വകർമ്മയിൽ പെട്ടവരാണെന്ന് തെളിയിക്കാൻ  മറെറാരു സർട്ടിഫിക്കറ്റു കൂടി സർക്കാർ സംവരണം ലഭിക്കാൻ അധികാരികളിൽ നിന്നും വാങ്ങിക്കൊടുക്കേണ്ടിവരും.

മൂശാരിമാരുടെ പണിശാല അവർ താമസിക്കുന്ന വീടിനോടു ചേർന്നു തന്നെ ആയിരിക്കും. ഈ പണിശാലയെ ആല എന്നാണ് വിളിച്ചു വരുന്നത്.

ഇത്തരം ആലകൾക്ക് മൂശാരിമാരുടെ എല്ലാത്തരം ജോലികളും ചെയ്യാനുള്ള സൗകര്യമുണ്ടായിരിക്കും.

അവലംബം

Cast and tribes of South India page number 107