മാതംഗിനി ഹാജ്റാ

വിക്കിപീഡിയ, ഒരു സ്വതന്ത്ര വിജ്ഞാനകോശം.
മാതംഗിനി മൈതി ഹാജ്റാ
মাতঙ্গিনী হাজরা
ജനനം(1870-10-19)ഒക്ടോബർ 19, 1870
മരണംസെപ്റ്റംബർ 29, 1942(1942-09-29) (പ്രായം 71)
താംലുക്, ബംഗാൾ പ്രസിഡൻസി, ബ്രിട്ടീഷ് ഇന്ത്യ
അറിയപ്പെടുന്നത്ഇന്ത്യൻ സ്വാതന്ത്ര്യ സമരസേനാനി

ഇന്ത്യൻ സ്വാതന്ത്ര്യസമരത്തിൽ സജീവ പങ്കു വഹിച്ചബംഗാളി വനിതയാണ് മാതംഗിനി ഹാജ്റാ (1870-1942). 1942-ലെ ക്വിറ്റ് ഇന്ത്യാ പ്രക്ഷോഭത്തിനിടക്ക് ബ്രിട്ടീഷു സായുധ പോലീസിന്റെ വെടിയേറ്റു മരിച്ചു.

ജനനം, ആദ്യകാല ജീവിതം[തിരുത്തുക]

മാതംഗിനി മൈതിയുടെ ജനനം 1869 ലാണോ അതോ 1870-ലാണോ എന്ന് തീർച്ചപ്പെടുത്താൻ കൃത്യമായ രേഖകളില്ല. ദരിദ്രരായിരുന്ന മാതാപിതക്കൾ ബാലികയായിരുന്ന മാതംഗിനിയെ അറുപത്തിരണ്ടു വയസുകാരനായ ത്രിലോചൻ ഹാജ്റാക്ക് വിവാഹം ചെയ്തു കൊടുത്തു. പതിനെട്ടാമത്തെ വയസ്സിൽ മാതംഗിനി വിധവയായി.[1], [2]

സ്വാതന്ത്യ സമരത്തിലേക്ക്[തിരുത്തുക]

കൊൽക്കത്തയിൽ മാതംഗിനി ഹാജ്റായുടെ പ്രതിമ

മിഡ്നാപൂരിലെ ( മേദിനീപൂർ) വനിതകൾ സ്വാതന്ത്യസമരപ്രസ്ഥാനത്തിൽ പങ്കെടുത്തിരുന്നു. 1932-ലെ നിസ്സഹകരണ പ്രസ്ഥാനത്തിലും ഉപ്പു സത്യാഗ്രഹത്തിലും മാതംഗിനി ഹാജ്റായും പങ്കെടുത്തതായും അറസ്റ്റു ചെയ്യ പ്പെട്ടതായും പറയപ്പെടുന്നു. ഗാന്ധിയൻ വിചാരധാര മാതംഗിനിയെ ഏറെ സ്വാധീനിച്ചിരുന്നു.

മരണം[തിരുത്തുക]

ക്വിറ്റ് ഇന്ത്യാ സമരത്തിന്റെ ഭാഗമായി മിഡ്നാപൂരിലെ പോലീസ് സ്റ്റേഷനുകൾ കൈയടക്കാനുള്ള ശ്രമത്തിന് സ്ത്രീ വിഭാഗത്തെ നയിച്ചത് മാതംഗിനി ഹാജ്റാ ആയിരുന്നുവെന്ന് പറയപ്പെടുന്നു. ഈ ശ്രമത്തിനിടയിലാണ് ബ്രിട്ടീഷ് പോലിസിന്റെ വെടിയേറ്റ് മാതംഗിനി ഹാജ്റാ മരിച്ചു വീണത്. ഈ സംഭവം നടന്നത് 1942 സപ്റ്റമ്പർ 29-നായിരുന്നു.

അവലംബം[തിരുത്തുക]

  1. Lion M. G. Agrawal, ed. (2008). Freedom fighters of India. Gyan Publishing House. p. 189. ISBN 9788182054721.
  2. Maya Majumdar (2005). Maya Majumdar (ed.). Encyclopaedia of Gender Equality Through Women Empowerment. Sarup & Sons. p. 231. ISBN 9788176255486.
"https://ml.wikipedia.org/w/index.php?title=മാതംഗിനി_ഹാജ്റാ&oldid=3091058" എന്ന താളിൽനിന്ന് ശേഖരിച്ചത്