മനഃസമ്മതം

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search

കത്തോലിക്കാ സഭയിൽ വിവാഹത്തിന് മുന്നോടിയായി വധൂവരന്മാരും അവരുടെ ബന്ധുമിത്രാദികളും പള്ളിയിൽ വെച്ച് വൈദികരുടെ നേതൃത്വത്തിൽ നടത്താറുള്ള ഒരു ചടങ്ങാണ് മനഃസമ്മതം. ഒത്തുകല്യാണം, മനസ്സുചോദ്യം തുടങ്ങിയ പേരുകളിലും ഈ ചടങ്ങ് അറിയപ്പെടുന്നു.[1] വിശ്വാസപരമായി മനസമ്മതത്തെ വിവാഹത്തിന്റെ ഭാഗമായി കണക്കാക്കുന്നു.

മനഃസമ്മതം എന്നാൽ പള്ളിയുടെ അധികാരത്തിൽ പരസ്യമായി സമ്മതം ചോദിക്കുകയെന്ന ഒരു ചടങ്ങാണ്.പ്രതിശ്രുത വധൂവരന്മാർ വിവാഹത്തിന് സമ്മതമാണെന്ന് അവരവരുടെ ഇടവക പള്ളിയിലെ പുരോഹിതനെ അറിയിക്കുകയും ഇടവകപ്പള്ളിയിലോ അവിടെ നിന്ന് ലഭിക്കുന്ന സമ്മതപത്രത്തോടെ സഭയിലെ മറ്റ് ഏതെങ്കിലും പള്ളിയിലോ വെച്ച് വിവാഹത്തിന് ഇരുവർക്കും സമ്മതമാണോയെന്ന് പുരോഹിതൻ സാക്ഷികളെ മുൻനിറുത്തി അന്വേഷിക്കുകയും ദൈവനാമത്തിൽ ഉറപ്പിക്കുകയും ചെയ്യുന്നതാണ് ഈ ചടങ്ങ്. പള്ളിയിൽ സൂക്ഷിച്ചിരിക്കുന്ന രേഖയിൽ വധുവരന്മാരും രണ്ട് സാക്ഷികളും ഒപ്പ് വെയ്ക്കന്നതോടുകൂടി മനസഃമ്മതം തീരുന്നതാണ്. വിവാഹത്തിന് സഭ നൽകുന്ന അനുമതിയായി മനഃസമ്മതത്തെ കണക്കാക്കാം. മനസഃമ്മതം നടക്കുന്ന പള്ളിയിൽ നിന്ന് നൽകുന്ന രേഖ വധുവരന്മാരുടെ ഇടവകപള്ളികളിൽ സമർപ്പിക്കുകയും ചെയ്യും. ഇതിന്റെയടിസ്ഥാനത്തിൽ കുർബാനസമയത്ത് (സാധാരണ ഞായറാഴ്ചകളിൽ) ഇവരുടെ വിവാഹം നടക്കാൻ പോകുന്നതായി പരസ്യമായി വിളിച്ചുപറയുകയും ചെയ്യാറുണ്ട്.[2][3][4]

അവലംബം[തിരുത്തുക]

  1. ക്രൈസ്തവ സഭാ വിജ്ഞാനകോശം, കോട്ടയം ബാബുരാജ്, ജിജോ പബ്ലിക്കേഷൻസ്, കോട്ടയം
  2. http://www.hup.harvard.edu/catalog.php?isbn=9780674399747&content=reviews
  3. https://www.sefaria.org/Mishnah_Kiddushin.1?lang=bi
  4. Nancy R. Gallo (2004). "Left at the Altar". Introduction to Family Law. Cengage Learning. pp. 114–116. ISBN 1401814530.
"https://ml.wikipedia.org/w/index.php?title=മനഃസമ്മതം&oldid=3090857" എന്ന താളിൽനിന്ന് ശേഖരിച്ചത്