ബ്രൗസർ ഹൈജാക്കിംഗ്
ഉപയോക്താവിന്റെ ബ്രൗസറിലേക്ക് അനാവശ്യ പരസ്യങ്ങൾ കുത്തിനിറയ്ക്കാൻ, ഉപയോക്താവിന്റെ അനുമതിയില്ലാതെ വെബ് ബ്രൗസറിന്റെ ക്രമീകരണങ്ങൾ പരിഷ്‌ക്കരിക്കുന്ന അനാവശ്യ സോഫ്റ്റ്‌വെയറിന്റെ ഒരു രൂപമാണ് ബ്രൗസർ ഹൈജാക്കിംഗ്.[1] ഒരു ബ്രൗസർ ഹൈജാക്കർ നിലവിലുള്ള ഹോം പേജ്, എറർ പേജ്, അല്ലെങ്കിൽ സെർച്ച് എഞ്ചിൻ എന്നിവയെ അവ സ്വന്തമായി മാറ്റിസ്ഥാപിച്ചേക്കാം. ഒരു പ്രത്യേക വെബ്‌സൈറ്റിലേക്ക് ഹിറ്റുകൾ അടിച്ചേൽപ്പിക്കാനും അതിന്റെ പരസ്യ വരുമാനം വർദ്ധിപ്പിക്കാനും ഇവ സാധാരണയായി ഉപയോഗിക്കുന്നു.
ചില ബ്രൗസർ ഹൈജാക്കർമാരിൽ സ്പൈവെയറുകളും അടങ്ങിയിരിക്കുന്നു, ഉദാഹരണത്തിന്, ബാങ്കിംഗ്, ഇമെയിൽ ഡോക്യുമെന്റേഷൻ വിശദാംശങ്ങൾ എന്നിവ പോലുള്ള വിവരങ്ങൾ ശേഖരിക്കുന്നതിന് ചിലർ ഒരു സോഫ്റ്റ്വെയർ കീലോഗർ ഇൻസ്റ്റാൾ ചെയ്യുന്നു. ചില ബ്രൗസർ ഹൈജാക്കർമാർ വിൻഡോസ് സിസ്റ്റങ്ങളിലെ രജിസ്ട്രിയെ പലപ്പോഴും ശാശ്വതമായി നശിപ്പിക്കും.
ചില ബ്രൗസർ ഹൈജാക്കിംഗ് എളുപ്പത്തിൽ പഴയപടിയാക്കാൻ കഴിയുമെങ്കിലും, മറ്റ് സന്ദർഭങ്ങൾ പഴയപടിയാക്കാൻ ബുദ്ധിമുട്ടായേക്കാം. ഇത്തരം മാറ്റങ്ങൾ തടയാൻ വിവിധ സോഫ്റ്റ്വെയർ പാക്കേജുകൾ നിലവിലുണ്ട്.
ബ്രൗസർ ഹൈജാക്കിംഗ് പ്രോഗ്രാമുകൾ പലപ്പോഴും ഒരു ഉപയോക്താവിന്റെ കമ്പ്യൂട്ടറിലേക്ക് അവരുടെ സമ്മതമില്ലാതെ സോഫ്റ്റ്വെയർ ബണ്ടിലുകളിലൂടെ നുഴഞ്ഞുകയറുന്നു. മറ്റ് സോഫ്‌റ്റ്‌വെയറുകൾ ഇൻസ്റ്റാളുചെയ്യുമ്പോൾ "ഓഫറുകൾ" ആയി മറച്ചിരിക്കുന്ന ഈ പ്രോഗ്രാമുകൾക്ക് വ്യക്തമായ അൺഇൻസ്റ്റാൾ നിർദ്ദേശങ്ങൾ ഇല്ല, മനഃപൂർവ്വം ഉപയോക്താക്കളെ ആശയക്കുഴപ്പത്തിലാക്കുകയും അനാവശ്യമായ അധിക സോഫ്റ്റ്വെയർ ഇൻസ്റ്റാളുചെയ്യുന്നതിലേക്ക് അവരെ കൊണ്ടെത്തിക്കുകയും ചെയ്യുന്നു.[2][3][4][5]
ഒരു ഓപ്പറേറ്റിംഗ് സിസ്റ്റത്തിലേക്ക് പ്രവേശിക്കാൻ ബ്രൗസർ ഹൈജാക്കർമാർ ഉപയോഗിക്കുന്ന നിരവധി രീതികളുണ്ട്. സംശയാസ്പദമായ വെബ്‌സൈറ്റുകളിലൂടെയും ടോറന്റുകളിലൂടെയും ഡൗൺലോഡ് ചെയ്ത ഇമെയിൽ അറ്റാച്ച്‌മെന്റുകളും ഫയലുകളും ബ്രൗസർ ഹൈജാക്കർമാർ ഉപയോഗിക്കുന്ന സാധാരണ തന്ത്രങ്ങളാണ്.
സുരക്ഷ[തിരുത്തുക]
റോഗ് സെക്യുരിറ്റി സോഫ്റ്റ്വെയർ[തിരുത്തുക]
"നിങ്ങളുടെ കമ്പ്യൂട്ടറിന് സ്പൈവെയർ ബാധിച്ചിരിക്കുന്നു!" എന്നതുപോലുള്ള വ്യാജ മുന്നറിയിപ്പുകൾ കാണിക്കുന്ന, റോഗ് സുരക്ഷാ സോഫ്റ്റ്‌വെയറിന് നിങ്ങളുടെ കമ്പ്യൂട്ടറിന്റെ ആരംഭ പേജ് ഏറ്റെടുക്കാൻ കഴിയും. ഉപയോക്താക്കളെ കബളിപ്പിക്കാൻ വേണ്ടി ഈ വഞ്ചനാപരമായ പ്രോഗ്രാമുകൾ പലപ്പോഴും ആന്റിസ്പൈവെയർ സൊല്യൂഷനുകൾ വിൽക്കുന്ന ഒരു പേജിലേക്ക് ഉപയോക്താക്കളെ നയിക്കുന്നു. ഉപയോക്താവ് അവരുടെ സോഫ്റ്റ്വെയർ വാങ്ങുകയാണെങ്കിൽ മാത്രമേ ആരംഭ പേജ് സാധാരണ നിലയിലാകൂ, വിൻഫിക്‌സർ(WinFixer)പോലുള്ള ഉദാഹരണങ്ങൾ അത്തരം തന്ത്രങ്ങൾക്ക് പേരുകേട്ടതാണ്.
നിലവിലില്ലാത്ത ഡൊമെയ്ൻ പേജുകൾ[തിരുത്തുക]
ഒരു വെബ്‌സൈറ്റിന്റെ (ഉദാ. wikipedia.org) പേരിൽ ഒരു ഉപയോക്താവ് ടൈപ്പ് ചെയ്യുമ്പോൾ ഡൊമെയിൻ നെയിം സിസ്റ്റം അന്വേഷിക്കുകയും വെബ്‌സൈറ്റ് നിലവിലുണ്ടെങ്കിൽ അതിന്റെ ഐപി അഡ്രസ്സ് ഡിഎൻഎസ്(DNS) തിരികെ നൽകുകയും ചെയ്യുന്നു. ഒരു ഉപയോക്താവ് ഒരു വെബ്‌സൈറ്റിന്റെ പേര് തെറ്റായി ടൈപ്പ് ചെയ്‌താൽ, ഡിഎൻഎസ് ഒരു നോൺ- എക്‌സിസ്റ്റന്റ് ഡൊമെയ്ൻ (NXDOMAIN) പ്രതികരണമായിക്കും നൽകുക.
2006-ൽ, എർത്ത്‌ലിങ്ക് എന്ന് തെറ്റായി ടൈപ്പ് ചെയ്ത ഡൊമെയ്ൻ നാമങ്ങൾ ഒരു തിരയൽ പേജിലേക്ക് റീഡയറക്‌ട് ചെയ്യാൻ തുടങ്ങി. സെർവർ തലത്തിൽ നോൺ-എക്‌സിസ്റ്റന്റ് ഡൊമെയ്ൻ എന്ന എറർ കോഡിനെ വ്യാഖ്യാനിക്കുന്ന ഒരു സവിശേഷത എർത്ത്‌ലിങ്ക് ആദ്യം നടപ്പിലാക്കി, എന്നാൽ വ്യാപകമായ നെഗറ്റീവ് ഫീഡ്‌ബാക്ക് കാരണം, ഈ പ്രത്യേക സവിശേഷത കൂടാതെ തന്നെ സേവനങ്ങൾ നൽകാൻ അവർ പിന്നീട് തീരുമാനിച്ചു.[6]
അവലംബം[തിരുത്തുക]
- ↑ "Browser Hijacking Fix & Browser Hijacking Removal". Microsoft. Archived from the original on 7 February 2015. Retrieved 23 October 2012.
- ↑ "Malwarebytes Potentially Unwanted Program Criteria". Malwarebytes. Archived from the original on 2016-04-09. Retrieved 2015-08-07.
- ↑ "Rating the best anti-malware solutions". Arstechnica. 2009-12-15. Archived from the original on 2014-02-02. Retrieved 28 January 2014.
- ↑ "Threat Encyclopedia – Generic Grayware". Trend Micro. Archived from the original on 14 July 2014. Retrieved 27 November 2012.
- ↑ "PUP Criteria". Malwarebytes. Archived from the original on 2016-04-09. Retrieved 2019-01-06.
- ↑ Mook, Nate (2006-09-06). "EarthLink Criticized for DNS Redirects". betaNews. Archived from the original on 2012-05-01. Retrieved 9 May 2012.