ബരീനാസ്

വിക്കിപീഡിയ, ഒരു സ്വതന്ത്ര വിജ്ഞാനകോശം.

വെനസ്വേലയെ വിഭജിച്ചിരിക്കുന്ന 23 സംസ്ഥാനങ്ങളിൽ ഒന്നാണ് ബറിനാസ്. സംസ്ഥാനത്തിന്റെ തലസ്ഥാനം ബരിനാസ് നഗരമാണ്. ബരിനാസ് സംസ്ഥാനത്തിന്റെ ഉപരിതല വിസ്തീർണ്ണം ഏകദേശം 35,200 ചതുരശ്ര കിലോമീറ്റർ ആണ്. 2015 ൽ കണക്കുകൂട്ടിയതു പ്രകാരം സംസ്ഥാനത്തെ ആകെ ജനസംഖ്യ 970,689 ആണ്.

ചരിത്രം[തിരുത്തുക]

ജോർജ് വോൺ സ്പിയർ, നിക്കോളസ് ഫെഡെമാൻ എന്നിവർ തങ്ങളുടെ ആൻഡീസിലേയ്ക്കുള്ള യാത്രാമദ്ധ്യേ വഴിയിൽ 1534 ൽ ഈ മേഖലയിൽ പ്രവേശിച്ചു.

ഭൂമിശാസ്ത്രം[തിരുത്തുക]

ബരിനാസ് സംസ്ഥാനത്തിന്റെ ഭൂരിഭാഗവും വെനിസ്വേലൻ ലാനോസിൽ സ്ഥിതിചെയ്യുന്നു. ഈ പ്രദേശത്തിന്റെ ഭൂരിഭാഗവും വളരെ ആഴമില്ലാത്ത മേച്ചിൽ പ്രദേശങ്ങൾ ഉൾക്കൊണ്ടിരിക്കുന്നതും തലങ്ങനെയും വിലങ്ങനെയും നിരവധി നദികൾ കടന്നുപോകുന്നതുമാണ്. സംസ്ഥാനത്തിന്റെ വടക്കുപടിഞ്ഞാറൻമേഖലയിൽ വെനിസ്വേലൻ ആൻഡിസിന്റെ ഭാഗമായ ഒരു പർവതപ്രദേശമാണ്. അപ്യുർ നദി സംസ്ഥാനത്തിന്റെ തെക്കൻ അതിർത്തിയായി നിലകൊള്ളുന്നു.

മുനിസിപ്പാലിറ്റികളും മുനിസിപ്പൽ ആസ്ഥാനങ്ങളും

ഗവർണർമാർ[തിരുത്തുക]

2017 ജനുവരി 4 ന് അദാൻ ഷാവേസ് വെനിസ്വേലൻ സാംസ്കാരിക മന്ത്രിയായി സ്ഥാനമേറ്റെടുത്തതിനേത്തുടർന്ന് പകരമായി 2017 ജനുവരി 5 ന് സെനൈദാ ഗല്ലാർഡോ ബാരിനാസ് സംസ്ഥാന ഗവർണ്ണറായി സ്ഥാനമേറ്റു.[1] ആരോഗ്യ കാരണങ്ങളാൽ[2] ഏതാനും മാസങ്ങൾക്കുള്ളിൽ ഗല്ലാർഡോ രാജിവയ്ക്കുകയും 2017 ജൂണ് മാസത്തിൽ മുൻ വെനസ്വേലൻ പ്രസിഡന്റായിരുന്ന ഹൂഗോസ് ഷാവേസിന്റെ സഹോദനായ അർഗെനീസ് ഷാവേസ് ഗവർണറായി നിയമിക്കപ്പെടുകയും ചെയ്തു.[3]

അവലംബം[തിരുത്തുക]

  1. Globovision. "Zenaida Gallardo estará al frente de la Gobernación de Barinas". Globovisión (ഭാഷ: സ്‌പാനിഷ്). ശേഖരിച്ചത് 2017-05-18.
  2. "Hugo Chávez's brother becomes governor of Barinas state". BBC News. 7 June 2017.
  3. "Hugo Chávez's brother becomes governor of Barinas state". BBC News. 7 June 2017.
"https://ml.wikipedia.org/w/index.php?title=ബരീനാസ്&oldid=2965446" എന്ന താളിൽനിന്ന് ശേഖരിച്ചത്