ഫോട്ടോറിയലിസം

വിക്കിപീഡിയ, ഒരു സ്വതന്ത്ര വിജ്ഞാനകോശം.

ഒരു ഛായാപടം സൂക്ഷ്മമായി നിരീക്ഷിച്ച ശേഷം അതിലുള്ള ഉള്ളടക്കം അതേപടി മറ്റൊരു മാധ്യമത്തിലേക്ക് പകർത്തുന്നതിനാണ് ഫോട്ടോറിയലിസം എന്ന് പറയുന്നത്. 1960- 70 കാലഘട്ടത്തിൽ അമേരിക്കയിലാണ് ഫോട്ടോറിയലിസം പ്രചാരത്തിൽ വന്നത്. ഫോട്ടോഗ്രാഫുകൾ നോക്കി ചിത്രങ്ങൾ വരയ്ക്കുന്ന കലയാണ് 1970-ൽ ഫോട്ടോറിയലിസം എന്നറിയപ്പെട്ടിരുന്നത്. പിന്നീട്, ഏതൊരു മാധ്യമത്തിലും ഛായാപടങ്ങൾ പുനഃസൃഷ്ടിക്കുന്നതിനെ ഫോട്ടോറിയലിസം എന്ന് വിളിക്കാൻ തുടങ്ങി.[1][2]

ചരിത്രം[തിരുത്തുക]

ഫോട്ടോറിയലിസം ഉടലെടുക്കുന്നത് 1960-70 കാലഘട്ടത്തിലാണ്. ഇതേ കാലഘട്ടത്തിലാണ് ക്യാമറകൾ ജനപ്രിയമായതും. ചിത്രങ്ങളെക്കാൽ മുന്തിയ കലാരൂപം ഫോട്ടോഗ്രഫി ആണെന്ന വിശ്വാസം അക്കാലത്തെ പൊതുബോധത്തിലുണ്ടായിരുന്നു. ഛായാചിത്രത്തിന്റെ സഹായത്തോടുകൂടി ചുവർചിത്രങ്ങൾ വരയ്ക്കുന്നത് കലാപ്രതിഭ കുറഞ്ഞ ചിത്രകാരാണെന്ന വിശ്വാസം അന്നുണ്ടായിരുന്നു. ഇതിനാൽ ഫോട്ടോറിയലിസത്തിന് താരതമ്യേന കുറച്ച് പ്രചാരം മാത്രമേ ലഭിച്ചുള്ളൂ.

പ്രമുഖ ഫോട്ടോറിയലിസ്റ്റുകൾ[തിരുത്തുക]

ജോൺ ബയ്ഡർ, റാൾഫ് ഗോയിൻസ്, ജോൺ സാൾട്ട്, ചാൾസ് ബെൽ എന്നിവരാണ് മുൻ നിര ഫോട്ടോറിയലിസ്റ്റുകൾ.

അവലംബം[തിരുത്തുക]

  1. Lindey, Christine 'Superrealist Painting and Sculpture, William Morrow and Company, New York, 1980, pp. 27-33.
  2. Chase, Linda, Photorealism at the Millennium, The Not-So-Innocent Eye: Photorealism in Context. Harry N. Abrams, Inc. New York, 2002. pp 14-15.
"https://ml.wikipedia.org/w/index.php?title=ഫോട്ടോറിയലിസം&oldid=2314621" എന്ന താളിൽനിന്നു ശേഖരിച്ചത്