ഫിറോസ് ഷാ തുഗ്ലക്ക്

വിക്കിപീഡിയ, ഒരു സ്വതന്ത്ര വിജ്ഞാനകോശം.
ഫിറോസ് ഷാ തുഗ്ലക്ക്
മാലിഖ് ഫിറോസ് ബിൻ മാലിഖ് രജാബ്
സുൽത്താൻ ഫിറോസ് ഷാ തുഗ്ലക്ക്
ഭരണകാലം 1351–1388
ജനനം 1309
മരണം 1388 സെപ്റ്റംബർ 20 (78 - 79 വയസ്സ്)
അടക്കം ചെയ്തത് Hauz Khas Complex, ഡൽഹി
മുൻ‌ഗാമി മുഹമ്മദ് ബിൻ തുഗ്ലക്ക്
പിൻ‌ഗാമി ഖിയാസുദ്ദീൻ തുഗ്ലക് രണ്ടാമൻ
രാജവംശം തുഗ്ലക് രാജവംശം
പിതാവ് മാലിക് രജാബ്
മാതാവ് ബീവി നല, ദിൽപ്പൂർ രാജകുമാരി
മതവിശ്വാസം ഇസ്ലാം

1351 മുതൽ 1388 വരെ ഡൽഹി ഭരിച്ച തുഗ്ലക് രാജവംശത്തിലെ രാജാവാണ് ഫിറോസ് ഷാ തുഗ്ലക്, അഥവാ മാലിഖ് ഫിറോസ് ബിൻ മാലിഖ് രജാബ്[1].

ജീവിതരേഖ[തിരുത്തുക]

തുർക്കി മുസ്ലിം വർഗ്ഗത്തിൽപ്പെട്ട ഫിറൊസ് ഷാ തുഗ്ലക്, ദിപാല്പുരിലെ ഒരു ഹിന്ദു രാജകുമാരി നലയുടേയും[2] ഖാസി മാലിക്കിന്റെ സഹോദരനായ രജാബിന്റേയും[3] പുത്രനായി 1309ൽ ജനിച്ചു. തന്റെ അർദ്ധസഹോദരനായ മുഹമ്മദ് ബിൻ തുഗ്ലക്കിന്റെ മരണശേഷം രാജാവായ ഇദ്ദേഹത്തിന് ബംഗാൾ, വാറങ്കൽ, ഗുജറാത്ത് തുടങ്ങിയ പ്രദേശങ്ങളിലെ പ്രശ്നങ്ങൽ ഒതുക്കിക്കൊണ്ടാണ് ഭരണം തുടങ്ങാനായത്.

1388 സെപ്റ്റംബർ 20നു ഫിറോസ് മരണമടഞ്ഞതിനെത്തുടർന്ന് ഖിയാസുദ്ദീൻ തുഗ്ലക് രണ്ടാമൻ അദ്ദേഹത്തിന്റെ പിൻഗാമിയായി ഭരണം ഏറ്റെടുത്തു[4]

ഭരണനേട്ടങ്ങൾ[തിരുത്തുക]

ഫിറോസ്സാബാദിന്റെ പടിഞ്ഞാറെ വാതിൽ
ഫിറോസ് ഷായുടെ ശവകുടിരം

വലിയ ആക്രമണങ്ങളോ യുദ്ധവിജയങ്ങളോ ഇല്ലാത്തതായിരുന്നു ഫിറോസിന്റെ ഭരണകാലം. ഭരണം ക്രമപ്പെടുത്തുന്നതിന് ഇദ്ദേഹം പരിശ്രമിച്ചു. ഔദാര്യശീലനും വിജ്ഞാനപ്രിയനുമായിരുന്നു ഇദ്ദേഹം.കിണറുകളും ജലസേചനമാർഗ്ഗങ്ങൽ ഉണ്ടാക്കുക തുടങ്ങിയ ജനോപകാരപ്രദമായ ഒരുപാട് കാര്യങ്ങളിൽ ശ്രദ്ധിച്ച ഇദ്ദേഹം ജോൻപുർ, ഫിറോസ് പുർ, ഹിസ്സ ഫിറോസ്സ തുടങ്ങിയ നഗരങ്ങൾ സ്ഥാപിച്ചു. 1350ൽ ദില്ലിക്കടുത്ത് ഫിറോസാബാദ് എന്ന നഗരം സൃഷ്ടിച്ചതും ഇദ്ദേഹമാണ്. ഈ കോട്ടയാണ് ഇന്ന് ഫിറോസ് ഷാ കോട്ട്‌ല സ്റ്റേഡിയം ആയി അറിയുന്നത്.

ഫിറോസ് ഷാ കോട്ട്‌ല ഗ്രൗണ്ട്

മച്ചുനൻ മുഹമ്മദ് ബിൻ തുഗ്ലക്കിൽനിന്നുംപാഠം പഠിച്ച അദ്ദേഹം സാമ്രാജ്യത്തിൽ നിന്നും വിട്ടുപോയവ തിരിച്ചെടുക്കുന്നതിനല്ല ശ്രദ്ധിച്ചത്. തന്റെ കൈവശമുള്ള രാജ്യത്ത് സമൃദ്ധിയും ഐശ്വര്യവും സമാധാനവും ഉണ്ടാവുക. അവിടുത്തെ വളർച്ച എന്നിവയിലായിരുന്നു അദ്ദേഹത്തിന്റെ ശ്രദ്ധ. ഭൗതികസൗകര്യങ്ങൾ വർദ്ധിപ്പിക്കുന്നതിലും വിദ്യാഭ്യാസ പ്രചാരണത്തിലും അദ്ദേഹം ശ്രദ്ധിച്ചു. ജീവനക്കാരുടെ ശമ്പളം വർധിപ്പിക്കുകയും കടുത്ത ശിക്ഷകൾ ഒഴിവാക്കുകയും ചെയ്തു.[4]

കുത്തബ് മിനാറിന്റെ മുകളിലെ രണ്ട് നില പണികഴിപ്പിച്ചതും ഇദ്ദേഹമാണ്. തന്റെ പൂർവികന്റെ കാലത്തു സംഭവിച്ചു തുടങ്ങിയിരുന്ന ശക്തിക്ഷയത്തിൽനിന്ന് ഡൽഹി സുൽത്താനേറ്റിനെ കരകയറ്റാൻ ഫിറോസിന് കഴിഞ്ഞില്ല.[4]

വിമർശനങ്ങൾ[തിരുത്തുക]

ഒരു മതഭക്തനായിരുന്ന ഫിറോസ് സ്വമതത്തോട് അമിതപ്രതിപത്തി കാട്ടിയിരുന്നുവെന്നും അന്യമതസ്ഥരോട് സഹിഷ്ണുത കാട്ടിയിരുന്നില്ലെന്നും രേഖപ്പെടുത്തിക്കാണുന്നു.[4]

അവലംബം[തിരുത്തുക]

  1. Tughlaq Shahi Kings of Delhi: Chart The Imperial Gazetteer of India, 1909, വാല്യം 2, പേജ് 369..
  2. Douie, James McCrone, Sir (1916). The Panjab North-West Frontier Province and Kashmir. Cambridge, England: Cambridge University Press. p. 171. 
  3. Elliot, Henry Miers, Sir; Dowson, John (1871). "Chapter XVI, Táríkh-i Fíroz Sháhí of Shams-i Siráj 'Afíf". The history of India, as told by its own historians: The Muhammadan period. London: Trübner and Company. p. 273. 
  4. 4.0 4.1 4.2 4.3 ഡൽഹി സുൽത്താൻമാർ - സർവ്വവിജ്ഞാനകോശം.

, ,

"https://ml.wikipedia.org/w/index.php?title=ഫിറോസ്_ഷാ_തുഗ്ലക്ക്&oldid=1877473" എന്ന താളിൽനിന്നു ശേഖരിച്ചത്