പ്രകാശ് ജാവ്‌ദേക്കർ

ഇംഗ്ലീഷ് വിലാസം

https://ml.wikipedia.org/wiki/Prakash_Javadekar

പ്രകാശ് ജാവഡേക്കർ
ജനനം	(1951-01-30) ജനുവരി 30, 1951 പൂന
തൊഴിൽ	രാഷ്ട്രീയനേതാവ്, കേന്ദ്രമന്ത്രി
പങ്കാളി(കൾ)	ഡോ. പ്രാചീ ജാവേദ്കർ
കുട്ടികൾ	2
വെബ്സൈറ്റ്	http://www.prakashjavadekar.com/

പതിനാറാം ലോക്സഭയിലെ മാനുഷിക വിഭവശേഷി വകുപ്പിന്റെ സ്വതന്ത്ര ചുമതലയുള്ള സഹ മന്ത്രിയാണ് പ്രകാശ് ജാവഡേക്കർ (ജനനം : 30 ജനുവരി 1951). പരിസ്ഥിതി, വനം, കാലാവസ്ഥാ വ്യതിയാനം (സ്വതന്ത്ര്യ ചുമതല). പാർലമെന്ററി കാര്യം എന്നീ വകുപ്പുകളുടെ ചുമതലയുമുണ്ട്. മുൻ രാജ്യസഭാംഗമാണ്. ബി.ജെ.പി നേതാവായ ജാവ്‌ദേക്കർ 2008 ലാണ് മഹാരാഷ്ട്രയിൽ നിന്ന് രാജ്യസഭയിലേക്ക് തെരഞ്ഞെടുക്കപ്പെട്ടത്. ബി.ജെ.പി ഔദ്യോഗിക വക്താവാണ്.

ജീവിതരേഖ

മഹാരാഷ്ട്രയിലെ പൂനെ സ്വദേശിയാണ്. ഹിന്ദു മഹാ സഭാ നേതാവും വീർ സവർക്കറുടെ അടുത്ത അനുയായിയുമായിരുന്ന കേശവ് കൃഷ്ണ ജാവേദ്ക്കറുടെയും സ്കൂൾ അദ്ധ്യാപികയായ രഞ്ജിനിയുടെയും മകനാണ്. എ.ബി.വി.പി. യിലൂടെ രാഷ്ട്രീയത്തിൽ സജീവമായി. ബി.കോം വരെ പഠിച്ചിട്ടുണ്ട്. അടിയന്തരാവസ്ഥക്കാലത്ത് നടന്ന വിദ്യാർത്ഥി പ്രക്ഷോഭത്തെത്തുടർന്ന് ജയിലിലായി. ബാങ്ക് ഓഫ് മഹാരാഷ്ട്ര ജീവനക്കാരനായിരുന്നു.