പലചരക്ക് കട

ഒരു പലചരക്കു സ്റ്റോർ ( വടക്കേ അമേരിക്ക) പലചരക്കു, അല്ലെങ്കിൽ ഒരു പലചരക്കു കട ( യു.കെ ) എന്നതുകൊണ്ട് ഉദ്ദേശിക്കുന്നത്, പ്രാഥമികമായി ഒരു പൊതു ശ്രേണിയിലുള്ള ഭക്ഷ്യ ഉൽപന്നങ്ങളുടെ (ശുദ്ധമായതോ/ പുതിയതോ പാക്കുചെയ്തതോ ) ചില്ലറവിൽപ്പനയിൽ ഏർപ്പെട്ടിരിക്കുന്ന ഒരു സ്റ്റോറാണ്. എന്നിരുന്നാലും, സാധാരണ അമേരിക്കക്കാരുടെ ഭാഷയിൽ, പലചരക്കുകട എന്നത് സൂപ്പർമാർക്കറ്റിന്റെ പര്യായമാണ്. പലചരക്ക് സാധനങ്ങൾ വിൽക്കുന്ന മറ്റ് തരത്തിലുള്ള സ്റ്റോറുകളെ പരാമർശിക്കാൻ ഇത് ഉപയോഗിക്കുന്നില്ലതാനും.

യുകെയിൽ, ഭക്ഷണം വിൽക്കുന്ന കടകളെ പലചരക്ക് സ്റ്റോറുകളോ പലചരക്ക് കടകളോ ആയി വേർതിരിച്ചിരിക്കുന്നു, ദൈനംദിന ജീവിതത്തിൽ , ഇത്തരം കടകളെ വിശേഷിപ്പിക്കാൻ ആളുകൾ സാധാരണയായി "സൂപ്പർമാർക്കറ്റ്" എന്ന പദം ഉപയോഗിക്കുന്നു. ഇത്തരത്തിലുള്ള ചെറിയ കടകളെ "കോർണർ ഷോപ്പ് " എന്നോ "കൺവീനിയെൻസ് ഷോപ്പ് " എന്നോ വിളിക്കുന്നു.

സൂപ്പർമാർക്കറ്റുകളും ഹൈപ്പർമാർക്കറ്റുകളും പോലുള്ള പലചരക്ക് സാധനങ്ങൾ വിൽക്കുന്ന വലിയ തരം സ്റ്റോറുകൾ സാധാരണയായി വസ്ത്രങ്ങളും വീട്ടുപകരണങ്ങളും പോലുള്ള ഭക്ഷ്യേതര ഉൽപ്പന്നങ്ങളും ഗണ്യമായ തോതിൽ സംഭരിക്കുന്നു. പ്രധാനമായും പഴങ്ങളും പച്ചക്കറികളും വിൽക്കുന്ന ചെറിയ പലചരക്ക് കടകൾ ഗ്രീൻ ഗ്രോസ്‌ഴ്‌സ്‌ ( ബ്രിട്ടൻ ) അല്ലെങ്കിൽ ഉൽപ്പന്ന വിപണികൾ( യു.എസ്‌) എന്നും, പ്രധാനമായും മിഠായിയും പലഹാരങ്ങളും പോലുള്ള തയ്യാറാക്കിയ ഭക്ഷണങ്ങൾ വിൽക്കുന്ന ചെറിയ പലചരക്ക് കടകൾ കൺവീനിയൻസ് ഷോപ്പുകൾ അല്ലെങ്കിൽ ഡെലിക്കാറ്റീസെൻസ് എന്നും അറിയപ്പെടുന്നു.

ഇന്ത്യ

യുഎസിൽ നിന്ന് തികച്ചും വിപരീതമായി, "പലചരക്ക് കട" എന്നത് സൂപ്പർമാർക്കറ്റിന്റെ പര്യായത്തിൽ നിന്ന് വളരെ അകലെയാണ്. 810 ബില്യൺ ഡോളറിന്റെ ഇന്ത്യൻ ഭക്ഷ്യ-പലചരക്ക് വിപണന വിൽപ്പനയിൽ , 90 ശതമാനവും 12 ദശലക്ഷം വരുന്ന, കിരാനാ അല്ലെങ്കിൽ മാം ആൻഡ് പോപ്പ് ഷോപ് ,എന്നറിയപ്പെടുന്ന ചെറിയ കടകളിലൂടെയാണ്.