പടുവം
തിരുവനന്തപുരം ജില്ലയിലെ തീരപ്രദേശങ്ങളോടു ചേർന്ന് കണ്ടുവരുന്ന നെൽവയലുകളാണ് പടുവങ്ങൾ. വെള്ളമുള്ള സമയങ്ങളിൽ കഴുത്തുവരെ താഴ്ന്നുപോകുന്ന ചെളിക്കെട്ടുകൾ നിറഞ്ഞ പടുവങ്ങളിൽ പൂട്ടുന്നത് അസാദ്ധ്യമാണ്. പൊക്കാളികൃഷിക്ക് സമാനമായി കിളച്ച വാരംകോരി വിത്തുപാകി മുളപ്പിച്ച് പറിച്ചുനടുകയാണ് സാധാരണ ചെയ്യുക. ഫെബ്രുവരി - മാർച്ച് മാസങ്ങളിലായിട്ടാണ് കൃഷിപ്പണികൾ തുടങ്ങുക. വെള്ളക്കെട്ടിനെ അതിജീവിയ്ക്കാൻ ശേഷിയുള്ള തുളുനാടൻ എന്നയിനം നെൽവിത്താണ് പടുവങ്ങളിലെ തനതായ നെല്ലിനം[1] .