നരിക്കുത്ത്
വയനാട്ടിലെ കുറുമർ, മുള്ളുവക്കുറുമർ കുറിച്യർ, ചെട്ടിമാർ, പതിയർ എന്നീ വിഭാഗങ്ങൾക്കിടയിൽ കാണപ്പെട്ടിരുന്ന പഴയകാല ആചാരം. നാട്ടിലിറങ്ങി വളർത്തുമൃഗങ്ങളേയും മനുഷ്യനേയും മറ്റും ആക്രമിക്കുന്ന നരി(കടുവ)കളെ വലയിൽക്കുടുക്കി കുന്തം കൊണ്ട് കുത്തിക്കൊല്ലുന്നതാണ് നരിക്കുത്ത്. [1]
അങ്കം[തിരുത്തുക]
നരിക്കുത്ത് ഒരുതരം അങ്കമായിട്ടാണ് കരുതപ്പെട്ടിരുന്നത്. ആക്രമണകാരിയായ കടുവയെ ഇരുമ്പ് കൊണ്ടുള്ള അഗ്രത്തോടുകൂടിയ നീളമുള്ള കുന്തം കൊണ്ട് കുത്തിക്കൊലപ്പെടുത്തണം. കൊല്ലപ്പെട്ട കടുവയെ പ്രത്യേകസ്ഥലത്ത് കെട്ടിത്തുക്കുന്നു. നരിക്കണ്ടി എന്നാണ് ഇത് അറിയപ്പെടുന്നത്. അംശം അധികാരിയെ വിവരമറിയിക്കുന്നു. അദ്ദേഹം സ്ഥലം സന്ദർശിച്ച് മഹസ്സർ തയ്യാറാക്കുന്നു.
