ദ വിഗ്ഗിൾസ്

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
ദ വിഗ്ഗിൾസ്
63423main wiggles wave.jpg
വിഗ്ഗിൾസ് 2004-ൽ
ജീവിതരേഖ
സ്വദേശംHiT Entertainment
Mackinnon & Saunders
Australian Broadcasting Corporation
സംഗീതശൈലികുട്ടികളുടെ സംഗീതം
സജീവമായ കാലയളവ്1991–2015
ലേബൽഎബിസി ഫോർ കിഡ്സ് (ആസ്ത്രേലിയ)
റേസർ ആൻഡ് ടൈ, എൻസർക്കിൾ എന്റർടൈന്മെന്റ് (യു.എസ്.)
വെബ്സൈറ്റ്www.thewiggles.com.au
അംഗങ്ങൾആന്റണി ഫീൽഡ്
ലാച്ലൻ ഗില്ലസ്പി
സൈമൺ പ്രൈസ്
എമ്മാ വാട്ട്കിൻസ്
മുൻ അംഗങ്ങൾമറേ കുക്ക്
ജെഫ് ഫാറ്റ്
സാം മോറാൻ
ഗ്രെഗ് പേയ്ജ്
ഫിലിപ് വിൽചർ

ആസ്ത്രേലിയയിലെ സിഡ്നിയിൽ 1991-ൽ രൂപീകരിക്കപ്പെട്ട, കുട്ടികൾക്കായുള്ള ഒരു സംഗീത ട്രൂപ്പാണ് ദ വിഗ്ഗിൾസ്. ആന്റണി ഫീൽഡ്, ഫിലിപ് വിൽചർ, മറേ കുക്ക്, ഗ്രെഗ് പേയ്ജ്, ജെഫ് ഫാറ്റ് എന്നിവരായിരുന്നു ആദ്യ അംഗങ്ങൾ. ആദ്യ ആൽബത്തിനു ശേഷം വിൽചർ ട്രൂപ്പ് വിട്ടു. 2006-ൽ അനാരോഗ്യം നിമിത്തം പേയ്ജ് മാറിനിൽക്കുകയും പകരം സാം മോറാൻ അംഗമാകുകയും ചെയ്തുവെങ്കിലും 2012-ൽ പേയ്ജ് തിരിച്ചെത്തി. മേയ് 2012-ൽ കുക്ക്, പേയ്ജ്, ഫാറ്റ് എന്നിവർ വിരമിക്കുകയും പകരം എമ്മാ വാട്ട്കിൻസ്, സൈമൺ പ്രൈസ്, ലാച്ലൻ ഗില്ലസ്പി എന്നിവർ പകരക്കാരായി എത്തുകയും ചെയ്തു.

മക്‌ക്വാറീ യൂണിവേഴ്സിറ്റിയിൽ പ്രീ-സ്കൂൾ അദ്ധ്യാപകരാവാൻ പരിശീലനം നേടവേ ഫീൽഡ്, കുക്ക്, പേയ്ജ് എന്നിവർ ചെയ്ത ഒരു സ്കൂൾ പ്രൊജക്റ്റാണ് യഥാർത്ഥത്തിൽ 17 ദശലക്ഷം ഡിവിഡികളും 4 ദശലക്ഷം സിഡികളും വിറ്റഴിച്ച ബാൻഡായി മാറിയത്. നിങ്ങളുടെ കുട്ടിയുടെ ആദ്യ റോക്ക് ബാൻഡ്, ലോകത്തിലെ ഏറ്റവും മികച്ച പ്രീ-സ്കൂൾ സംഗീത ട്രൂപ്പ് എന്നിങ്ങനെയൊക്കെ വിഗ്ഗിൾസ് വിശേഷിപ്പിക്കപ്പെട്ടു. തുടർച്ചയായി 4 വർഷം ആസ്ത്രേലിയയിലെ ഏറ്റവും വരുമാനം നേടിയ കലാകാരന്മാർ എന്ന ബിസിനസ്സ് റിവ്യൂ വീക്ക്‌ലിയുടെ ബഹുമതി ഇവരെ തേടിയെത്തി.

നഴ്സറി ഗാനങ്ങൾ, നാടൻ പാട്ടുകൾ, റോക്ക് സംഗീതം എന്നിവയിൽ നിന്നും പ്രചോദനമുൾക്കൊണ്ട ഗാനങ്ങളാണ് ദ വിഗ്ഗിൾസ് സൃഷ്ടിച്ചത്. ഇവ കുട്ടികൾക്കിടയിലും മാതാപിതാക്കൾക്കിടയിലും ഒരുപോലെ ജനപ്രീതിയാർജിച്ചു.

"https://ml.wikipedia.org/w/index.php?title=ദ_വിഗ്ഗിൾസ്&oldid=3258324" എന്ന താളിൽനിന്ന് ശേഖരിച്ചത്