ദ്രൗപദി മുർമു

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
ദ്രൗപതി മുർമു
9th ജാർഖണ്ഡ് ഗവർണർ
ഓഫീസിൽ
2015 മെയ് 18 – 2021 ജൂലൈ 12
ജാർഖണ്ഡ് മുഖ്യമന്ത്രിരഘുബർ ദാസ്
ഹേമന്ത് സോറൻ
മുൻഗാമിസയ്യിദ് അഹമ്മദ് (രാഷ്ട്രീയക്കാരൻ)
പിൻഗാമിരമേഷ് ബൈസ്
സഹമന്ത്രി (സ്വതന്ത്ര ചുമതല), ഒഡീഷ സർക്കാർ
ഓഫീസിൽ
2000 മാർച്ച് 6 - 2004 മെയ് 16
ഒഡീഷയിലെ ഗവർണർഎം. എം. രാജേന്ദ്രൻ
ഒഡീഷ മുഖ്യമന്ത്രിനവീൻ പട്നായിക്
2000 മാർച്ച് 6 - 2002 ഓഗസ്റ്റ് 6
6 ഓഗസ്റ്റ് 2002 - 16 മെയ് 2004
വാണിജ്യവും ഗതാഗതവും
മത്സ്യബന്ധന,മൃഗവിഭവ വികസനം
ഒഡീഷ നിയമസഭയിലെ അംഗം (MLA)
ഓഫീസിൽ
2000–2009
മുൻഗാമിലക്ഷ്മൺ മജ്ഹി
പിൻഗാമിശ്യാം ചരൺ ഹൻസ്ദാ
മണ്ഡലംറായിരംഗ്പൂർ അസംബ്ലി മണ്ഡലം
വ്യക്തിഗത വിവരങ്ങൾ
ജനനം (1958-06-20) 20 ജൂൺ 1958  (64 വയസ്സ്)
ഉപർബേഡ,മയൂർഭഞ്ച് ജില്ല, ഒഡീഷ, ഇന്ത്യ
രാഷ്ട്രീയ കക്ഷിഭാരതീയ ജനതാ പാർട്ടി
കുട്ടികൾ3
അൽമ മേറ്റർരമാ ദേവി വിമൻസ് യൂണിവേഴ്സിറ്റി
ജോലിരാഷ്ട്രീയ പ്രവർത്തക
തൊഴിൽഅധ്യാപിക

ഇന്ത്യയുടെ 15-ാമത്തെ രാഷ്ട്രപതിയാണ് ദ്രൗപതി മുർമു (Draupadi Murmu) (ജനനം 20 ജൂൺ 1958). 2015 മുതൽ 2021 വരെ അവർ ജാർഖണ്ഡിന്റെ ഒമ്പതാമത്തെ ഗവർണറായി സേവനമനുഷ്ഠിച്ചിട്ടുണ്ട്.[1][2] ഇന്ത്യയിലെ ഒഡീഷ സംസ്ഥാനത്ത് നിന്നുള്ള പട്ടികവർഗ്ഗ സമുദായത്തിൽ പെട്ട വ്യക്തിയാണ് മുർമു. അഞ്ച് വർഷത്തെ കാലാവധി പൂർത്തിയാക്കുന്ന ജാർഖണ്ഡിലെ ആദ്യ ഗവർണറും ഇന്ത്യയുടെ രാഷ്ട്രപതി സ്ഥാനത്തേക്ക് നാമനിർദ്ദേശം ചെയ്യപ്പെടുകയും, തെരഞ്ഞെടുക്കപ്പെടുകയും ചെയ്യുന്ന ആദ്യ ഗോത്രവർഗക്കാരിയുമാണ് ഇവർ.

ആദ്യകാല ജീവിതം[തിരുത്തുക]

1958 ജൂൺ 20ന് ഒഡീഷയിലെ മയൂർഭൻജ് ജില്ലയിലെ ഉപർബേഡ ഗ്രാമത്തിലെ ഒരു സന്താലി ഗോത്രവർഗ കുടുംബത്തിലാണ് ദ്രൗപതി മുർമു ജനിച്ചത്.[3] അച്ഛനും മുത്തച്ഛനും പഞ്ചായത്തീരാജ് സംവിധാനത്തിന് കീഴിൽ ഗ്രാമത്തലവന്മാരായിരുന്നു.

ദ്രൗപതി മുർമു, ഒരു ബാങ്കർ ആയിരുന്ന ശ്യാം ചരൺ മുർമുവിനെ വിവാഹം കഴിച്ചു. 2014-ൽ അദ്ദേഹം അന്തരിച്ചു. ദമ്പതികൾക്ക് രണ്ട് ആൺമക്കളും ഒരു മകളും ഉണ്ടായിരുന്നു. ആൺമക്കൾ ഇരുവരും മരിച്ചു.

അദ്ധ്യാപന ജീവിതം[തിരുത്തുക]

സംസ്ഥാന രാഷ്ട്രീയത്തിൽ പ്രവേശിക്കുന്നതിന് മുമ്പ് മുർമു സ്കൂൾ അധ്യാപികയായിരുന്നു. അവർ റായിരംഗ്പൂരിലെ ശ്രീ അരബിന്ദോ ഇന്റഗ്രൽ എജ്യുക്കേഷൻ ആൻഡ് റിസർച്ച് ഇൻസ്റ്റിറ്റ്യൂട്ടിൽ അസിസ്റ്റന്റ് പ്രൊഫസറായും, ഒഡീഷ സർക്കാരിന്റെ ജലസേചന വകുപ്പിൽ ജൂനിയർ അസിസ്റ്റന്റായും ജോലി ചെയ്തു.

രാഷ്ട്രീയ ജീവിതം[തിരുത്തുക]

1997 ൽ ഭാരതീയ ജനതാ പാർട്ടിയിൽ (ബിജെപി) ചേർന്ന മുർമു റായ്രങ്ക്‌പൂർ നഗർ പഞ്ചായത്ത് കൗൺസിലറായി തിരഞ്ഞെടുക്കപ്പെട്ടു. 2000-ൽ അവർ റായ്‌രംഗ്‌പൂർ നഗർ പഞ്ചായത്തിന്റെ ചെയർപേഴ്‌സണായി. ബി.ജെ.പി പട്ടികവർഗ മോർച്ചയുടെ ദേശീയ വൈസ് പ്രസിഡന്റായും അവർ സേവനമനുഷ്ഠിച്ചിട്ടുണ്ട്.

2000 മുതൽ 2004 വരെ ഒഡീഷയിലെ റയ്‌റങ്ക്പൂർ അസംബ്ലി നിയോജക മണ്ഡലത്തിൽ നിന്നുള്ള എംഎൽഎ ആയിരുന്നു.[4] ഒരു ഇന്ത്യൻ സംസ്ഥാനത്തിന്റെ ഗവർണ്ണറാവുന്ന ആദ്യ ഒഡീഷ വനിതയാണ് ഇവർ.[5] 2000 മാർച്ച് ആറു മുതൽ 2002 ഓഗസ്റ്റ് ആറുവരെ ഒഡീഷയിലെ ബിജു ജനതാദൾ, ബിജെപി സഖ്യ സർക്കാരിൽ സ്വതന്ത്ര ചുമതലയുള്ള വാണിജ്യ - ഗതാഗത മന്ത്രിയായിരുന്നു. 2002 ഓഗസ്റ്റ് ആറു മുതൽ 2004 മെയ് 16 വരെ ഫിഷറീസ് ആൻഡ് ആനിമൽ റിസോഴ്‌സസ് ഡവലപ്‌മെന്റ് മന്ത്രിയായിരുന്നു.[6] 2007-ൽ ഒഡീഷ ലെജിസ്ലേറ്റീവ് അസംബ്ലി അവർക്ക് മികച്ച എം.എൽ.എ.ക്കുള്ള നിലകാന്ത അവാർഡ് നൽകി ആദരിച്ചു.[7]

ജാർഖണ്ഡ് ഗവർണർ[തിരുത്തുക]

2015 മെയ് 18 മുതൽ 2021 ജൂലൈ 12 വരെ ഝാർഖണ്ഡ് സംസ്ഥാനത്തെ ഗവർണ്ണർ ആയിരുന്നു. ജാർഖണ്ഡിന്റെ ആദ്യ വനിതാ ഗവർണറും, ഒഡീഷയിൽ നിന്നുള്ള ഒരു ഇന്ത്യൻ സംസ്ഥാനത്തിന്റെ ഗവർണറായി നിയമിക്കപ്പെട്ട ആദ്യത്തെ വനിതാ ഗോത്ര നേതാവുമായിരുന്നു അവർ.

ഛോട്ടാനാഗ്പൂർ ടെനൻസി ആക്ട്, 1908, സന്താൽ പർഗാന ടെനൻസി ആക്റ്റ്, 1949 എന്നിവയിൽ ഭേദഗതികൾ ആവശ്യപ്പെട്ട് ജാർഖണ്ഡ് നിയമസഭ അംഗീകരിച്ച ബില്ലിന് 2017-ൽ ഗവർണർ എന്ന നിലയിൽ അനുമതി നൽകാൻ മുർമു വിസമ്മതിച്ചിരുന്നു. ഗോത്രവർഗക്കാരുടെ ക്ഷേമത്തിനായി കൊണ്ടുവരുന്ന മാറ്റങ്ങളെക്കുറിച്ച് രഘുബർ ദാസിന്റെ നേതൃത്വത്തിലുള്ള ബിജെപി സർക്കാരിനോട് മുർമു വിശദീകരണം തേടി.

അവലംബം[തിരുത്തുക]

  1. "Draupadi Murmu sworn in as first woman Governor of Jharkhand-I News - IBNLive Mobile". IBNlive. 18 May 2015. ശേഖരിച്ചത് 18 May 2015.
  2. "Modi government names new governors for Jharkhand, five NE states". The Times of India. ശേഖരിച്ചത് 2015-05-12.
  3. "Smt. Droupadi Murmu". Odisha Helpline. മൂലതാളിൽ നിന്നും 2020-10-08-ന് ആർക്കൈവ് ചെയ്തത്. ശേഖരിച്ചത് 27 July 2015.
  4. "Narendra Modi government appoints four Governors". IBN Live. മൂലതാളിൽ നിന്നും 2015-05-15-ന് ആർക്കൈവ് ചെയ്തത്. ശേഖരിച്ചത് 2015-05-12.
  5. "Ex Odisha minister Draupadi Murmu new Jharkhand Guv". Odisha SunTimes. ശേഖരിച്ചത് 2015-05-12.
  6. "Draupadi Murmu Jharkhand Guv". New Indian Express. ശേഖരിച്ചത് 2015-05-13.
  7. "ചരിത്രമെഴുതി ദ്രൗപദി മുർമു; ഇന്ത്യയുടെ പതിനഞ്ചാം രാഷ്ട്രപതി". ശേഖരിച്ചത് 2022-07-24.
"https://ml.wikipedia.org/w/index.php?title=ദ്രൗപദി_മുർമു&oldid=3762822" എന്ന താളിൽനിന്ന് ശേഖരിച്ചത്