ജാസ്മീൻ പതേജ
ജാസ്മീൻ പതേജ | |
|---|---|
.jpg) | |
| ജനനം | 11 നവംബർ 1979 |
ഇന്ത്യയിലെ ഒരു മനുഷ്യാവകാശ പ്രവർത്തകയാണ് ജാസ്മിൻ പത്തേജ. പശ്ചിമ ബംഗാളിലെ കൊൽക്കത്തയിലാണ് അവർ ജനിച്ചത്. സൃഷ്ടി സ്കൂൾ ഓഫ് ആർട്ട് ഡിസൈൻ ആൻഡ് ടെക്നോളജിയിൽ നിന്ന് ഫൈൻ ആർട്ട്സിൽ ബിരുദം നേടി. മുൻ അശോക ഫെല്ലോ ആയ അവർ ലിംഗസമത്വ ബോധവൽക്കരണത്തിനായി പ്രവർത്തിക്കുന്നു. ഇന്ത്യയിൽ വളരെ സാധാരണമായ ലൈംഗികാതിക്രമത്തിന്റെ ഒരു രൂപമായ ഈവ് ടീസിംഗ് പോലുള്ള രൂപങ്ങളിൽ അവർ ശ്രദ്ധ പതിപ്പിക്കുന്നു. [1] അതേ ആവശ്യത്തിനായി അവൾ ബ്ലാങ്ക് നോയ്സ് എന്ന പ്രസ്ഥാനം സ്ഥാപിച്ചു.
ബ്ലാങ്ക് നോയ്സ്[തിരുത്തുക]
2003-ൽ ബാംഗ്ലൂരിലെ സൃഷ്ടിയിൽ വിദ്യാർത്ഥി പ്രോജക്റ്റായി ജാസ്മിൻ ബ്ലാങ്ക് നോയ്സ് ആരംഭിച്ചു. പിന്നീട് ഇത് ഇന്ത്യയിലെ മറ്റ് നഗരങ്ങളിലേക്കും ആഗോളതലത്തിലേക്കും വ്യാപിച്ചു. [2] തെരുവ് ശല്യം, ഈവ് ടീസിംഗ് എന്നിവയുമായി ബന്ധപ്പെട്ട് ബോധവൽക്കരണം സൃഷ്ടിക്കുക എന്നതായിരുന്നു ബ്ലാങ്ക് നോയിസിന്റെ ലക്ഷ്യം. പ്രോജക്റ്റ് ലിംഗാധിഷ്ഠിത അക്രമത്തെ നേരിടാൻ മാത്രമായി പ്രവർത്തിക്കുന്നു. ഈവ് ടീസിംഗിന്റെ കുറ്റം ഇരകളിൽ നിന്ന് കുറ്റവാളികളിലേക്ക് മാറ്റാൻ ഇത് ഉദ്ദേശിക്കുന്നു. സ്ത്രീകൾ ലൈംഗികാതിക്രമത്തിന് നിയമപരമായ പരിഹാരം ആഗ്രഹിക്കുന്ന സാഹചര്യത്തിൽ ഇത് നിയമപരമായ കൗൺസിലിംഗും നൽകുന്നു. നിലവിലുള്ള നിയമങ്ങൾ മെച്ചപ്പെടുത്തുന്നതിനൊപ്പം തെരുവ് ശല്യത്തിനെതിരെ കർശനമായ നിയമങ്ങൾ നിർദ്ദേശിക്കാൻ ശ്രമിക്കുന്നു. തെരുവ് പ്രകടനങ്ങൾ, പ്രതിഷേധങ്ങൾ എന്നിവ പോലുള്ള നൂതനമായ വഴികളിലൂടെ പ്രോജക്റ്റ് ഈ പ്രശ്നത്തെ അഭിസംബോധന ചെയ്യുന്നു.
വിഷയത്തെക്കുറിച്ചുള്ള അവബോധം പ്രചരിപ്പിക്കാൻ ജാസ്മിൻ മുഖ്യധാരാ മാധ്യമങ്ങളും ഉപയോഗിക്കുന്നു. ചർച്ചകൾ, ചോദ്യാവലികൾ, സാക്ഷ്യപത്രങ്ങൾ, ഫോട്ടോഗ്രാഫുകൾ എന്നിവയിലൂടെ വൈവിധ്യമാർന്ന ആളുകളെ ഒരുമിച്ച് കൊണ്ടുവരുന്ന ഒരു ബ്ലോഗ് അവൾ സൃഷ്ടിച്ചു. ബ്ലാങ്ക് നോയ്‌സിന്റെ പൊതു പ്രകടനങ്ങളിലും കാമ്പെയ്‌നുകളിലും പങ്കെടുക്കാൻ ആളുകൾ പലപ്പോഴും സന്നദ്ധരാണ്. യുവജന ഗ്രൂപ്പുകൾ, ചേരികളിൽ നിന്നുള്ള സന്നദ്ധ പ്രവർത്തകർ, വനിതാ ബസ് കണ്ടക്ടർമാർ, പോലീസ്, പുരുഷന്മാർ എന്നിവരുൾപ്പെടെയുള്ളവരുമായി സഹകരിക്കാൻ ജാസ്മീൻ ബോധപൂർവം പുതിയ കമ്മ്യൂണിറ്റികൾ തേടിയിട്ടുണ്ട്.
സ്വകാര്യ ജീവിതം[തിരുത്തുക]
കൊൽക്കത്തയിൽ ജനിച്ച അവരുടെ കുടുംബം 1960 കളിൽ ബർമ്മയിൽ നിന്ന് ഇന്ത്യയിലേക്ക് കുടിയേറിയവരാണ്. അവരുടെ ജീവിതത്തിൽ സ്വന്തം മുത്തശ്ശി ശക്തമായ സ്വാധീനം ചെലുത്തിയിട്ടുണ്ട്. തെരുവു ശല്യം ഒരു വ്യവസ്ഥാപിത പ്രശ്നമാണെന്ന് തിരിച്ചറിഞ്ഞപ്പോൾ ബിരുദ വിദ്യാർത്ഥിയായിരിക്കെ കോളേജിൽ പഠിക്കുന്ന കാലം മുതൽ അവർ ആക്ടിവിസത്തിൽ ഏർപ്പെടാൻ തുടങ്ങി. [1]
അവർ ഒരു ടെഡ് [3]ഉം, അശോക ഫെല്ലോയും ആയിരുന്നു . [4]
അവലംബം[തിരുത്തുക]
- ↑ 1.0 1.1 "Jasmeen Patheja | Ashoka - India". india.ashoka.org (ഭാഷ: ഇംഗ്ലീഷ്). മൂലതാളിൽ നിന്നും 11 December 2017-ന് ആർക്കൈവ് ചെയ്തത്. ശേഖരിച്ചത് 2017-12-16.
- ↑ "Case Study: Blank Noise". മൂലതാളിൽ നിന്നും 24 May 2013-ന് ആർക്കൈവ് ചെയ്തത്. ശേഖരിച്ചത് 17 March 2013.
- ↑ "TED Fellow: Jasmeen Patheja". മൂലതാളിൽ നിന്നും 2014-05-31-ന് ആർക്കൈവ് ചെയ്തത്. ശേഖരിച്ചത് 31 May 2014.
- ↑ "Jasmeen Patheja". മൂലതാളിൽ നിന്നും 11 December 2017-ന് ആർക്കൈവ് ചെയ്തത്. ശേഖരിച്ചത് 31 May 2014.
പുറം കണ്ണികൾ[തിരുത്തുക]
- https://www.blindaim.com/2018/11/jasmeen-patheja.html Archived 2019-03-30 at the Wayback Machine.
- http://fellows.ted.com/profiles/jasmeen-patheja Archived 2014-05-31 at the Wayback Machine.
- http://www.bangaloremirror.com/heroesshow/25071399.cms
- http://stream.wsj.com/story/latest-headlines/SS-2-63399/SS-2-293803/ Archived 2013-10-23 at the Wayback Machine.