ജവഹർ ദ്വീപ്
മുംബൈ ഹാർബറിൽ സ്ഥിതിചെയ്യുന്ന ഒരു ദ്വീപാണ് ജവഹർ ദ്വീപ്. ബുച്ചർ ഐലൻഡ് എന്ന പഴയ പേരിലാണ് അറിയപ്പെടുന്നത്[1]. മുംബൈ പോർട്ട് ട്രസ്റ്റിന്റെ അധീനതയിലുള്ള ഈ ദ്വീപിൽ പൊതുജനങ്ങൾക്ക് പ്രവേശനം നിരോധിച്ചിരിക്കുന്നു.
എണ്ണ സംഭരണി[തിരുത്തുക]
മുഖ്യമായും ഈ ദ്വീപ് ഒരു എണ്ണ ടെർമിനൽ എന്ന നിലക്ക് ഉപയോഗിക്കപ്പെടുന്നു. കപ്പലുകളിൽ എത്തുന്ന ക്രൂഡ് ഓയിൽ ബുച്ചർ ദ്വീപിലെ വലിയ എണ്ണ സംഭരണികളിലാണ് സംഭരിക്കപ്പെടുന്നത്. അവിടെ നിന്ന് അവർ വഡാലയിലേയ്ക്ക് കടലിനടിയിലൂടെയുള്ള പൈപ്പുകൾ വഴി എത്തിക്കുകയും റിഫൈനറികളിൽ ശുദ്ധീകരിക്കപ്പെടുകയും ചെയ്യുന്നു[2]. മുംബൈ നഗരത്തിന്റെ സുരക്ഷക്ക് ഈ രീതി സഹായകരമാകുന്നു. ഇവിടെ രണ്ടാം എണ്ണ ടെർമിനൽ വികസിപ്പിക്കാൻ ടെൻഡർ ക്ഷണിച്ചിട്ടുണ്ട്[3]. പുതിയ ടെർമിനലിനു ചുറ്റുമുള്ള കടലിന്റെ ആഴം വർദ്ധിപ്പിക്കുന്നതിനായി ഇപ്പോൾ ഡ്രഡ്ജിംഗ് ജോലികൾ നടക്കുന്നുണ്ട്.
ഭൂമിശാസ്ത്രം[തിരുത്തുക]
ദ്വീപിന്റെ മിക്ക ഭാഗവും ഇടതൂർന്ന സസ്യങ്ങൾ നിറഞ്ഞതാണ്. ദ്വീപിന്റെ നടുവിലായി ഒരു കുന്ന് ഉയർന്നു നിൽക്കുന്നു. ഗേറ്റ് വേ ഓഫ് ഇന്ത്യയിൽ നിന്ന് 8.3 കിലോമീറ്റർ ദൂരെയാണ് ബുച്ചർ ദ്വീപിന്റെ സ്ഥാനം[1]. 2017 ഒക്റ്റോബറിൽ ഇടിമിന്നൽ ഏറ്റതിനെത്തുടർന്ന് ഈ ദ്വീപിലെ ഒരു സംഭരണി, ഓയിൽ ടാങ്ക് നമ്പർ 13, തീപിടിച്ച് നശിച്ചിരുന്നു. നാല് ദിവസത്തോളം അഗ്നിബാധ നീണ്ടുനിന്നു[4].
അവലംബം[തിരുത്തുക]
- ↑ 1.0 1.1 https://www.financialexpress.com/india-news/mumbais-butcher-island-fire-ends-after-four-days/888757/
- ↑ https://economictimes.indiatimes.com/news/politics-and-nation/fire-fighting-operation-on-butcher-island-over-mumbai-port/articleshow/61001283.cms
- ↑ https://www.dredgingtoday.com/2018/10/05/mercator-submits-lowest-bid-for-jawahar-dweep-reclamation-project/
- ↑ https://www.hindustantimes.com/mumbai-news/mumbai-s-butcher-island-fire-brought-under-control-after-three-days/story-2NUzhSCZidFJ7sm1QIckiP.html