ചൈനയിലെ അതിവേഗ റെയിൽ ഗതാഗതം

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search

മണിക്കൂറിൽ 200 കിലോമീറ്ററിലേറെ വേഗത്തിലോടുന്ന തീവണ്ടികളെയാണ് അതിവേഗ റെയിൽ ഗതാഗതം എന്ന് പറയുന്നത്. ലോകത്തിലെ ഏറ്റവും വലിയ അതിവേഗ റെയിൽ ഗതാഗത ശൃംഖല ചൈനയിലാണ്. [1] 16,000-ലേറെ കിലോമീറ്റർ പാതയാണ് 2014-ലെ കണക്കുകളനുസരിച്ച് നിർമ്മിക്കപ്പെട്ടിട്ടുള്ളത്. മറ്റൊരു 16,775 കിലോമീറ്റർ നിർമ്മാണഘട്ടത്തിലാണ്. 2007 ഏപ്രിലിൽ തുറന്നശേഷം ഉപയോക്താക്കളുടെ എണ്ണം ദിവസത്തിൽ രണ്ടുലക്ഷത്തിൽനിന്നും[2] 2014-ൽ ഇരുപത്തിയഞ്ച് ലക്ഷത്തിലേക്ക്[3] ഉയർന്നു. 2011-ൽ ഒരു അപകടത്തെത്തുടർന്ന് നിർമ്മാണത്തിന്റെ വേഗത കുറഞ്ഞുവെങ്കിലും വീണ്ടും ഉയർന്നുകഴിഞ്ഞു. സുരക്ഷയും ഉയർന്ന റ്റിക്കറ്റുനിരക്കും പാരിസ്ഥിതിക ആഘാതവും അതിവേഗ റെയിൽ നേരിടുന്ന വെല്ലുവിളികളാണ്.[4] ആദ്യ തീവണ്ടികൾ ആൽസ്റ്റോം, സീമൻസ്, ബോംബാർഡിയർ, കവാസാക്കി തുടങ്ങിയ കമ്പനികളാണ് നിർമ്മിച്ചത്. എന്നാൽ ഇപ്പോൾ ചൈനീസ് എഞ്ചിനിയർമാർ സ്വന്തമായി തീവണ്ടികൾ രൂപകൽപ്പന ചെയ്ത് നിർമ്മിച്ചുകഴിഞ്ഞു.[5][6]

240 കിലോമീറ്റർ വേഗതയുള്ള ശാവോഷാൻ-8
2001-ൽ നിർമിച്ച 293 കിലോമീറ്റർ വേഗതയുള്ള ഡി. ജേ. എഫ്. 2

1990-ലാണ് അതിവേഗ ഗതാഗതത്തെക്കുറിച്ച് റെയിൽവേ മന്ത്രാലയം ചിന്തിച്ചു തുടങ്ങിയത്. ബെയ്ജിങ് - ശാങ്ഹായ് പാതയാണ് ആദ്യം പരിഗണിക്കപ്പെട്ടത്.[7] 1993 മുതൽ 2004 വരെയുള്ള കാലയളവിൽ വൈദ്യുതവത്ക്കരണവും പാത ഇരട്ടിപ്പിക്കലും വഴി തീവണ്ടികളുടെ ശരാശരി വേഗത മണിക്കൂറിൽ 48 കിലോമീറ്ററിൽനിന്നും[8] 160 കിലോമീറ്ററിലെത്തിച്ചിരുന്നു.[9] ഇതിനുപുറമേ വേഗം കൂടിയ സീ. ആർ. എച്ച്. തീവണ്ടികൾ ഉപയോഗിക്കുകയും ചെയ്തു. എന്നാൽ പുതിയ തീവണ്ടികൾ മുന്നിലുള്ള വേഗം കുറഞ്ഞ തീവണ്ടികൾക്കായി കാത്തുനിൽക്കേണ്ടിവന്നു.

ആദ്യ അതിവേഗതീവണ്ടികൾ ബോംബാർഡിയർ കമ്പനിയുടെ 'റെജീന' എന്ന മോഡലിൽനിന്നുമാണ് വികസിപ്പിച്ചത്(സീ. ആർ. എച്ച്. 1A). ഇവ 2006-ൽ ഓടിത്തുടങ്ങി. സീമൻസിന്റെ 'ഐസ്-3' മോഡൽ ഉപയോഗിച്ചുണ്ടാക്കിയ സീ. ആർ. എച്ച്. 3 ആണ് ഏറ്റവും പുതിയ വർഗ്ഗം. ഇവയ്ക്ക് മണിക്കൂറിൽ 350 കിലോമീറ്റർ വേഗത്തിൽ സഞ്ചരിക്കാൻ കഴിയും.

ഐസ്-3
സീ. ആർ. എച്ച്. 3

2011 ജൂലൈ 23-ന് രണ്ട് തീവണ്ടികൾ കൂട്ടിയിടിച്ച് 40 പേർ മരിച്ചു. തുടർന്ന് തീവണ്ടികളുടെ വേഗത മണിക്കൂറിൽ 350-ൽനിന്നും 300 കിലോമീറ്റർ ആയി കുറച്ചു.[10] എന്നാൽ 2012-നുശേഷം നിർമ്മാണം വേഗതയ്യോടെത്തന്നെ തുടരുന്നു.[11][12] 2013-ൽ പാതകളുടെ ആകെ നീളം 10,000 കിലോമീറ്റർ കടന്നു.[13]

തീവണ്ടിപാത നിർമ്മാണം വഴി അനേകംപേർക്ക് ജോലി ലഭിക്കുമെന്നതും വിമാനങ്ങൾ പരിസ്ഥിതിക്കുണ്ടാക്കുന്ന നാശം തടയാമെന്നതും വൻനഗരങ്ങളിൽനിന്നും ജനങ്ങൾ അയൽനഗരങ്ങളിലേക്ക് താമസം മാറ്റുമെന്നതുമാണ് അതിവേഗ ഗതാഗത ശൃംഖലയുടെ ഗുണങ്ങളായി ചൈനീസ് സർക്കാർ എടുത്തുപറയുന്നത്.[14]

പുറത്തേയ്ക്കുള്ള കണ്ണികൾ[തിരുത്തുക]

Wikivoyage-Logo-v3-icon.svg വിക്കിവൊയേജിൽ നിന്നുള്ള ചൈനയിലെ അതിവേഗ റെയിൽ ഗതാഗതം യാത്രാ സഹായി

അവലംബങ്ങൾ[തിരുത്തുക]

  1. "China boasts world's largest highspeed railway network". Xinhua. 2015-01-30.
  2. "铁道部:中国高铁已累计安全运送旅客6亿多人次-大众之声-景德镇铁路建设办公室". Tjb.jingdezhen.gov.cn. ശേഖരിച്ചത് 2011-08-14.
  3. "铁路2014年投资8088亿元 超额完成全年计划". 人民网. 2015-01-30. ശേഖരിച്ചത് 2015-01-30.
  4. "China acts on high-speed rail safety fears". Financial Times. 2011-04-14. ശേഖരിച്ചത് 2011-08-17.
  5. "China's fastest high speed train 380A rolls off production line" Xinhua 2010-05-27
  6. "时速380公里高速列车明年7月开行" 2010-11-02
  7. "京沪高速铁路的论证历程大事记" Accessed 2010-10-04
  8. "China plans five-year leap forward of railway development " Accessed 2006-09-30
  9. (Chinese) "中国铁道部六次大提速" Sina News Center Accessed 2010-10-04
  10. Tania Branigan in Beijing and agencies (2011-08-12). "Chinese bullet trains recalled in wake of fatal crash | World news". The Guardian. UK. ശേഖരിച്ചത് 2011-10-17.
  11. Fischer, Elizabeth (2012-11-21). "China's high-speed rail revolution". Railway-technology.com. ശേഖരിച്ചത് 2013-05-04.
  12. Shasha, Deng (2012-12-26). "World's longest high-speed rail line makes debut". Xinhua. ശേഖരിച്ചത് 2013-05-04.
  13. "China's railways mileage tops 100,000 km" Xinhua 2013-12-28
  14. "China's high-speed-rail network and the development of second-tier cities". JournalistsResource.org, retrieved Feb. 20, 2014.