ചെമ്പല്ലി

ചെമ്പല്ലി
	ചെമ്പല്ലി
ശാസ്ത്രീയ വർഗ്ഗീകരണം
കിങ്ഡം:	ജന്തു
Phylum:	കോർഡേറ്റ
Class:	ആക്റ്റിനോറ്റെറിജിയൈ
Order:	Perciformes
Family:	Lutjanidae; T. N. Gill, 1861
Genera
	Aphareus; Aprion; Apsilus; Etelis; Hoplopagrus; Lipocheilus; Lutjanus; Macolor; Ocyurus; Paracaesio; Parapristipomoides; Pinjalo; Pristipomoides; Randallichthys; Rhomboplites; Symphorichthys; Symphorus;

Lutjanus

Lutjanus

ലുത്ജനിഡേ (Lutjanus) കുടുംബത്തിലെ പെർസിഫോം മത്സ്യങ്ങളുടെ വിഭാഗത്തെയാണ് സ്‌നാപ്പർ മത്സ്യങ്ങൾ എന്ന് പറയുന്നത്. ഈ വിഭാഗത്തിലെ ചില മത്സ്യങ്ങൾ സമുദ്രങ്ങളിൽ വസിക്കുകയും ശുദ്ധജലത്തിൽ ഇര തേടുകയും ചെയ്യുന്നു. സ്‌നാപ്പർ കുടുംബത്തിൽ ഏകദേശം 113 ഇനം ഉൾപ്പെടുന്നു. ചിലത് പ്രധാനപ്പെട്ട ഭക്ഷ്യ ഇനങ്ങളൂം മറ്റുള്ളവ അലങ്കാരമത്സ്യങ്ങളും ആണ്. ഇവയിൽ ഏറ്റവും അറിയപ്പെടുന്ന വിഭാഗമാണ് സ്‌നാപ്പർ (Snapper or Red Snapper) അഥവാ ചെമ്പല്ലി. പഹരി, മുറുമീൻ ^[2] എന്നും അറിയപ്പെടുന്നു.^[3]

ചില ചെമ്പല്ലി ഇനങ്ങൾ

ഇന്ത്യയിൽ അറിയപ്പെടുന്ന ചെമ്പല്ലി ഇനങ്ങളാണ് താഴെ പറയുന്നവ

കണ്ടൽ ചെമ്പല്ലി Mangrove red snapper Lutjanus argentimaculatus
മലബാർ ചെമ്പല്ലി the Malabar blood snapper, Lutjanus malabaricus
ഗോൾഡൻ ചെമ്പല്ലി golden snapper, Lutjanus johnii
വൈഗു ചെമ്പല്ലി (Waigeu Snapper) Lutjanus fulvus
ബംഗാൾ ചെമ്പല്ലി Lutjanus bengalensis
ഇരുപുള്ളി ചെമ്പല്ലി Lutjanus bohar
ചതുരംഗ ചെമ്പല്ലി Lutjanus decussatus
കരിംപുള്ളി ചെമ്പല്ലി Lutjanus ehrenbergii
കടുംചുവപ്പ് ചെമ്പല്ലി Lutjanus erythropterus
കൂനൻ ചെമ്പല്ലി Lutjanus gibbus
മോസസ് ചെമ്പല്ലി Lutjanus johnii
മഞ്ഞ ചെമ്പല്ലി Lutjanus kasmira
പെരുംകണ്ണൻ ചെമ്പല്ലി Lutjanus lutjanus
ഇന്ത്യൻ ചെമ്പല്ലി Lutjanus madras
ഒരുപുള്ളി ചെമ്പല്ലി Lutjanus monosigma
അഞ്ചുവരയൻ ചെമ്പല്ലി Lutjanus quinquelineatus
കൊഴുപ്പ്ചുണ്ടൻ ചെമ്പല്ലി Lutjanus rivulatus
റസ്സൽ ചെമ്പല്ലി Lutjanus russellii
ചക്രവർത്തി ചെമ്പല്ലി Lutjanus sebae
തവിട്ടുവരയൻ ചെമ്പല്ലി Lutjanus vita.

കൂടാതെ പ്രാദേശികമായ നിരവധി സ്നാപ്പർ മത്സ്യങ്ങളും ഈ പേരിൽ അറിയപ്പെടുന്നു.

പോക്ഷകങ്ങളും നാട്ടറിവും

ചെമ്പല്ലി മത്സ്യത്തിൽ ഡോകോസാഹെക്‌സസെയിനോയിക് ആസിഡ്(ഡിഎച്ച്എ) എന്ന കൊഴുപ്പ് ഉയർന്ന അളവിൽ അടങ്ങിയിരിക്കുന്നു. നവജാത ശിശുവിന്റെ നാഡീവ്യവസ്ഥയുടെ വികാസത്തിന് ഡിഎച്ച്എ സഹായിക്കും. വിറ്റാമിൻ ബി 12, പ്രോട്ടീൻ എന്നിവയും ചെമ്പല്ലിയിൽ ധാരാളമായി അടങ്ങിയിരിക്കുന്നു. പ്രസവാനന്തരമുണ്ടാകുന്ന മാനസിക സമ്മർദ്ദം തടയാൻ ചെമ്പല്ലി കഴിക്കുന്നത് ഫലപ്രദമാണ്.^[4]