ഉള്ളടക്കത്തിലേക്ക് പോവുക

ചാർമിനാർ

വിക്കിപീഡിയ, ഒരു സ്വതന്ത്ര വിജ്ഞാനകോശം.
ചാർമിനാർ
അടിസ്ഥാന വിവരങ്ങൾ
സ്ഥലംപഴയ നഗരം, ഹൈദരാബാദ്, തെലങ്കാന, ഇന്ത്യ
മതവിഭാഗംShia Islam[അവലംബം ആവശ്യമാണ്]
മുനിസിപ്പാലിറ്റിGHMC
ജില്ലഹൈദരാബാദ് ജില്ല
സംസ്ഥാനംതെലങ്കാന
രാജ്യംഇന്ത്യ
ഭരണകാര്യംതെലങ്കാന സർക്കാർ
പ്രതിഷ്ഠയുടെ വർഷം1591 (435 വർഷങ്ങൾ മുമ്പ്) (1591)
പൈതൃക പദവിദേശീയ പ്രാധാന്യമുള്ള സ്മാരകം, യുനെസ്കോ താൽക്കാലിക പട്ടിക
വാസ്തുവിദ്യാ വിവരങ്ങൾ
ശില്പിമിർ മോമിൻ അസ്തറാബാദി[1][2]
വാസ്‌തുവിദ്യാ മാതൃകഇന്തോ-ഇസ്ലാമിക് വാസ്തുവിദ്യ
സ്ഥാപകൻമുഹമ്മദ് ഖുലി ഖുതുബ് ഷാ
Specifications
ഉയരം (ആകെ)56 മീറ്റർ (184 അടി)
മിനാരം4
മിനാരം ഉയരം48.7 മീറ്റർ (160 അടി)
നിർമ്മാണസാമഗ്രിgranite, limestone, mortar and pulverized marble

ഇന്ത്യയിലെ തെലങ്കാന സംസ്ഥാനത്ത് ഹൈദരാബാദ് നഗരത്തിൽ സ്ഥിതി ചെയ്യുന്ന ഒരു ചരിത്ര സ്മാരകമാണ് ചാർമിനാർ. 1591 ൽ നിർമ്മിക്കപ്പെട്ട ഈ ലാൻഡ്മാർക്ക് ഹൈദരാബാദിന്റെ പ്രതീകവും കൂടാതെ തെലങ്കാനയുടെ ചിഹ്നത്തിൽ ഔദ്യോഗികമായി ഉൾപ്പെടുത്തിയിട്ടുള്ളതുമാണ്.[3] 434 വർഷത്തിലേറെയായി ഇതിനു മുകളിലത്തെ നിലയിൽ നിലനിൽക്കുന്ന ഒരു പള്ളിയും ചാർമിനാറിന്റെ നീണ്ട ചരിത്രത്തിൽ ഉൾപ്പെടുന്നു. ചരിത്രപരമായും മതപരമായും പ്രാധാന്യമുള്ളതാണെങ്കിലും, ഘടനയെ ചുറ്റിപ്പറ്റിയുള്ള ജനപ്രിയവും തിരക്കേറിയതുമായ പ്രാദേശിക വിപണികൾക്കും ഇത് പേരുകേട്ടതാണ്. ഹൈദരാബാദിലെ ഏറ്റവും കൂടുതൽ ആളുകൾ സന്ദർശിക്കുന്ന വിനോദസഞ്ചാര കേന്ദ്രങ്ങളിലൊന്നായി ഇത് മാറിയിരിക്കുന്നു. നഗരത്തിലെ പ്രധാന പള്ളിയായ മക്ക മസ്ജിദിനോട് ചേർന്ന് സ്ഥിതിചെയ്യുന്നതിനാൽ ഈദ്-ഉൽ-അദ്ഹ, ഈദ്-ഉൽ-ഫിത്തർ[4] തുടങ്ങിയ നിരവധി ഉത്സവ ആഘോഷങ്ങളുടെ ഒരു സ്ഥലം കൂടിയാണ് ചാർമിനാർ.

മൂസി നദിയുടെ കിഴക്കേ കരയിലാണ് ചാർമിനാർ സ്ഥിതി ചെയ്യുന്നത്.[5] ഇതിന്റെ പടിഞ്ഞാറ് ലാദ് ബസാറും തെക്ക് പടിഞ്ഞാറ് സമൃദ്ധമായി അലങ്കരിച്ച മക്ക മസ്ജിദും സ്ഥിതിചെയ്യുന്നു.[6] ആർക്കിയോളജിക്കൽ സർവേ ഓഫ് ഇന്ത്യ തയ്യാറാക്കിയ സ്മാരകങ്ങളുടെ ഔദ്യോഗിക പട്ടികയിൽ ഇത് ഒരു പുരാവസ്തു, വാസ്തുവിദ്യാ നിധിയായി പട്ടികപ്പെടുത്തിയിട്ടുണ്ട്.[7]

ഹൈദരാബാദിൽ നിന്ന്‌ പ്ലേഗ്‌ നിർമാർജ്ജനം ചെയ്തതിന്റെ ഓർമക്കായി 1591-ൽ നിർമ്മിച്ചതാണ് ചാർമിനാർ[8]. 2012-ൽ ഈ സ്മാരകം ലോക ഭൂപടത്തിൽ സ്ഥാനം നേടി. 'ചാർമിനാർ' എന്നാൽ നാലു മിനാരങ്ങളുള്ള പള്ളി എന്നാണർഥം. ഇംഗ്ലീഷ് പേര് ചാർ, മിനാർ എന്നീ ഉറുദു പദങ്ങളുടെ വിവർത്തനവും സംയോജനവുമാണ്, അതായത് "നാല് തൂണുകൾ"; അഥവാ ഗോപുരങ്ങൾ നാല് വലിയ കമാനങ്ങളാൽ ബന്ധിപ്പിച്ചിരിക്കുന്നതും താങ്ങിനിർത്തുന്നതുമായ അലങ്കരിച്ച മിനാരങ്ങളാണ്.[9] കുതുബ് ഷാഹി രാജവംശത്തിലെ സുൽത്താൻ മുഹമ്മദ് ഷാഹി കുതുബ് ഷാ ആണ് ഈ സ്മാരകം സ്ഥാപിച്ചത്.[10] പ്ളേഗ് നിർമാജനം ചെയ്തതിൻറെ സ്മരണാർത്തം ആണ് 1591 ൽ ചാർമിനാർ നിർമ്മിച്ചത്.

ചാർമിനാറിലെ 4 മിനാരങ്ങൾ പ്രതിനിധാനം ചെയ്യുന്നത് ഇസ്ലാമിലെ 4 ഖലീഫകളെയാണ് .(ഇസ്ലാം മതത്തിലെ ആദ്യ ഖലീഫ അബൂബക്കർ). സുൽത്താൻ തന്റെ തലസ്ഥാനനഗരി ഗോൾക്കൊണ്ടയിൽ നിന്ന് ഹൈദരാബാദിലേക്ക് മാറ്റിയ ശേഷമാണ് ചാർമിനാർ നിർമ്മാണം തുടങ്ങിയത്.[11] ഗ്രാനൈറ്റ്, ചുണ്ണാമ്പുകല്ല്, കരിങ്കല്ല് എന്നിവകൊണ്ടാണ് ചാർമിനാർ നിർമ്മിച്ചിരിക്കുന്നത്. ചാർമിനാറിന്റെ ഓരോ വശത്തിനും 20 മീറ്റർ നീളമാണുള്ളത്. മിനാരങ്ങൾക്ക് 48.7 മീറ്റർ നീളമുണ്ട്. മിനാരങ്ങൾക്കുള്ളിൽ 149 പടവുകളുണ്ട്. ഹൈദരാബാദിൽ നഗരത്തിന്റെ മദ്ധ്യഭാഗത്തായി പേർഷ്യൻ നിർമ്മാണ രീതികളുപയോഗിച്ചാണ് സ്മരകം നിർമ്മിച്ചത്.

ചാർമിനാറിനു തറക്കല്ലിടുന്ന വേളയിൽ കുതുബ് ഷാ ഇപ്രകാരം പ്രാർഥിച്ചു - "അള്ളാഹുവേ, ഈ നഗരത്തിനു ശാന്തിയും ഐശ്വര്യവും നൽകേണമേ. എല്ലാ ജാതിയിലും മതത്തിലും പെട്ട കോടിക്കണക്കിനാളുകൾക്ക് ഈ നഗരം തണലേകണമേ".

ലോക ഭൂപടം

[തിരുത്തുക]

2012 ജനുവരിയിൽ സ്മരകം ലോകഭൂപടത്തിൽ സ്ഥാനം നേടി. ഛായാഗ്രാഹകൻ ഡി. രവീന്ദർ റെഡ്ഡി എടുത്ത ചിത്രമാണ് ഭൂപടത്തിൽ സ്ഥാനം നേടിയത്[12].

ചിത്രശാല

[തിരുത്തുക]

അവലംബം

[തിരുത്തുക]
  1. ↑ Khan, Asif Yar (18 June 2013). "Here sleeps the earliest urban planner". The Hindu.
  2. ↑ "Remembering the man behind Charminar's architecture". thehansindia.com. 5 April 2016. Retrieved May 24, 2023.
  3. ↑ "Kakatiya arch, Charminar in Telangana state logo". The Deccan Chronicle. 30 May 2014. Retrieved 1 July 2015.
  4. ↑ "Charminar Hyderabad Tourism". simplefoodreviews.com. 19 April 2023. Retrieved May 24, 2023.
  5. ↑ ചാർമിനാർ at Encyclopædia Britannica
  6. ↑ "Charminar: Hyderabad". Britannica Compton's Encyclopedia. Archived from the original on August 25, 2010. Retrieved May 24, 2023.
  7. ↑ "Alphabetical List of Monuments - Andhra Pradesh". Archaeological Survey of India. Archived from the original on 25 ജൂൺ 2014. Retrieved 27 ഓഗസ്റ്റ് 2015.
  8. ↑ http://timesofindia.indiatimes.com/articleshow/1589895010.cms
  9. ↑ "Charminar: Hyderabad". Britannica Compton's Encyclopedia. Archived from the original on August 25, 2010. Retrieved May 24, 2023.
  10. ↑ http://www.indianexpress.com/news/year-after-repair-rain-damages-charminar-minaret/674648/0[പ്രവർത്തിക്കാത്ത കണ്ണി]
  11. ↑ "Qutb Shahi Style (mainly in and around Hyderabad city)". AP Government. Archived from the original on 2013-01-10. Retrieved 2010-05-16.
  12. ↑ "'ചാർമിനാർ' ലോക അറ്റ്‌ലസിൽ". Archived from the original on 2012-01-16. Retrieved 2012-01-13.

പുറത്തേക്കുള്ള കണ്ണികൾ

[തിരുത്തുക]

ഇന്ത്യയിലെ കെട്ടിടങ്ങളെയും നിർമ്മിതികളെയും കുറിച്ചുള്ള ഈ ലേഖനം അപൂർണ്ണമാണ്‌. ഇതു വികസിപ്പിക്കുവാൻ സഹായിക്കുക. സഹായത്തിനു ഈ ലേഖനത്തിന്റെ ഇംഗ്ലീഷ് പതിപ്പും കാണുക.

"https://ml.wikipedia.org/w/index.php?title=ചാർമിനാർ&oldid=4549428" എന്ന താളിൽനിന്ന് ശേഖരിച്ചത്