ചന്ദ്രമുഖി ബസു

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
ചന്ദ്രമുഖി ബസു
Chandramukhi Bose.jpg
ജനനം1860
മരണം1944
തൊഴിൽഅദ്ധ്യാപിക
ജീവിതപങ്കാളി(കൾ)പണ്ഡിറ്റ് കേശ്വരാനന്ദ് മാംഗയേൻ

ബ്രിട്ടീഷ് ഇന്ത്യയിലെ ആദ്യത്തെ രണ്ടു വനിതാ ബിരുദധാരികളിൽ ഒരാളായിരുന്നു ചന്ദ്രമുഖി ബസു (1860–1944). 1883-ൽ കൽക്കട്ട സർവകലാശാലയിൽ നിന്നും ആർട്സ് ബിരുദം നേടി.

ആദ്യകാലജീവിതം[തിരുത്തുക]

ഒരു ബംഗാളി ക്രിസ്ത്യൻ കുടുംബത്തിൽ ഭുബൻ മോഹൻ ബസുവിന്റെ മകളായി 1860-ൽ ഡെറാഡൂണിൽ ജനിച്ചു. 1880-ൽ കൽക്കട്ടയിലെ 'ഫ്രീ ചർച്ച് ഇൻസ്റ്റിറ്റ്യൂഷനിൽ'(ഇന്നത്തെ സ്കോട്ടിഷ് ചർച്ച് കോളേജ്)[1] നിന്നും എഫ്.എ ('ഫെഡറൽ ഓഫ് ആർട്സ്) പാസ്സായി[2].

അഹിന്ദുക്കൾക്ക് പ്രവേശനമനുവദിക്കാതിരുന്ന ബെതൂൺ കോളേജ്, ചന്ദ്രമുഖി ബസുവിന് വേണ്ടി നിയമത്തിൽ അയവു വരുത്തി. 1883-ൽ ഒരുമിച്ച് ബിരുദമെടുത്ത ചന്ദ്രമുഖി ബസു, കാദംബിനി ഗാംഗുലി എന്നിവർ ഇംഗ്ലണ്ടിനു പുറത്തെ ബ്രിട്ടീഷ് സാമ്രാജ്യത്തിലെ തന്നെ ബിരുദധാരികളായ ആദ്യത്തെ വനിതകളായി[3]. 1884-ൽ എം.എ ബിരുദം നേടിയ ആദ്യവനിതയായി.

ഔദ്യോഗിക ജീവിതം[തിരുത്തുക]

1886-ൽ ബെതൂൺ കോളേജിൽ ലെക്ചററായി ജോലിയിൽ പ്രവേശിച്ചു. 1886-ൽ ബെതൂൺ കോളേജും സ്കൂളും വേർതിരിക്കപ്പെട്ടു. ബെതൂൺ കോളേജ് പ്രിൻസിപ്പലായി ചുമതലയേറ്റ ചന്ദ്രമുഖി, ഒരു ബിരുദ കോളേജിന്റെ ചുമതലയേൽക്കുന്ന തെക്കൻ ഏഷ്യയിലെ തന്നെ ആദ്യവനിതയായി.

1891-ൽ അനാരോഗ്യം നിമിത്തം ജോലി രാജി വച്ചു. ശിഷ്ടകാലം അവർ ഡെറാഡൂണിൽ ചിലവഴിച്ചു.

പുറത്തേക്കുള്ള കണ്ണികൾ[തിരുത്തുക]

അവലംബം[തിരുത്തുക]

  1. "History of Scottish Church College" (PDF). www.scottishchurch.ac.in. മൂലതാളിൽ (PDF) നിന്നും 2009-12-22-ന് ആർക്കൈവ് ചെയ്തത്. ശേഖരിച്ചത് 2009-03-10.
  2. Sengupta, Subodh Chandra and Bose, Anjali (editors), 1976/1998, Sansad Bangali Charitabhidhan (Biographical dictionary) Vol I, (in Bengali), p152, ISBN 81-85626-65-0
  3. http://articles.timesofindia.indiatimes.com/2011-07-18/kolkata/29786744_1_trinamool-congress-brigade-rallies-first-indian-woman Archived 2013-02-28 at the Wayback Machine. ടൈംസ് ഓഫ് ഇന്ത്യ, 18 ജൂലൈ 2011
"https://ml.wikipedia.org/w/index.php?title=ചന്ദ്രമുഖി_ബസു&oldid=3631016" എന്ന താളിൽനിന്ന് ശേഖരിച്ചത്