കൽബെലിയ

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search

കൽബെലിയ ഗോത്രത്തിൽ പെട്ട ആളുകൾ ഇന്ദ്രിയ വേദ്യമായ രാജസ്ഥാനി നിർത്തരൂപമാണ് കൽബെലിയ. [1] തങ്ങളുടെ സംസ്കാരത്തിൻറെ അഭിവാജ്യഘടകമായ നൃത്തത്തിലൂടെയാണ് അവർ പ്രശസ്തി നേടിയത്. സന്തോഷാവസരങ്ങൾ ആഘോഷിക്കാൻ സ്ത്രീകളും പുരുഷന്മാരും കൽബെലിയയിൽ പങ്കെടുക്കും.

കൽബെലിയ ഗോത്രം[തിരുത്തുക]

ഒരു സ്ഥലത്തുനിന്നു മറ്റൊരു സ്ഥലത്തേക്ക് ഇടയ്ക്കിടെ മാറുന്നതിൽ അറിയപ്പെടുന്നവരാണ്‌ കൽബെലിയകൾ. പാമ്പുകളെ പിടിച്ച് അവയുടെ വിഷം വിൽക്കുന്നതാണ് കുലത്തൊഴിൽ. അതുകൊണ്ടുതന്നെ അവരുടെ വേഷവും നൃത്തച്ചുവടുകളും പാമ്പുകളുടേതിനു സമാനമാണ്. സപേര, ജോഗിര, ജോഗി എന്നീ പേരുകളിലും ഇവർ അറിയപ്പെടുന്നു. ഗുരു ഗോരഖ്നാഥിൻറെ പന്ത്രെണ്ടാമത്തെ ശിഷ്യനായ കണ്ലിപരിൽനിന്നാണ് ഇവരുടെ പരമ്പരയുടെ തുടക്കം. കൽബെലിയകൾ ഏറ്റവും കൂടുതൽ ഉള്ളത് പാലി ജില്ലയിലാണ്, പിന്നെ അജ്മീർ, ചിറ്റോർഗർ, ഉദൈപൂർ എന്നീ ജില്ലകളിലും. നാടോടി ജീവിതം നയിക്കുന്ന ഇവർ പട്ടിക വർഗത്തിൽ പെട്ടവരാണ്. [2][3]

രാജസ്ഥാനിലെ അജ്മീർ ജില്ലയിലെ ഒരു പട്ടണമാണ്‌ അജ്മീർ. എല്ലാ വശവും പർ‌വതങ്ങളാൽ ചുറ്റപ്പെട്ട അജ്മീർ ഒരു മനോഹരമായ നഗരമാണ്‌. ആരവല്ലി മലനിരകളാണ്‌ അജ്മീരിനെ ചുറ്റി നിലകൊള്ളുന്നത്. പൃഥ്വിരാജ് ചൗഹാൻ ഭരിച്ചിരുന്ന കാലത്തെ പേരായ അജയമേരു എന്നും അജ്മീർ അറിയപ്പെടുന്നു. 2001-ലെ കനേഷുമാരി അടിസ്ഥാനമാക്കി നഗരത്തിലെ ജനസംഖ്യ അഞ്ചു ലക്ഷത്തോളമാണ്‌. ബ്രിട്ടീഷ് ഇന്ത്യയിൽ അജ്മീർ-മേർ‌വാഡ പ്രവിശ്യയുടെ ഭാഗമായിരുന്നു ഈ നഗരം. ഇന്ത്യ സ്വതന്ത്രമായതിനു ശേഷം 1956 നവംബർ ഒന്നിന്‌ രാജസ്ഥാൻറെ ഭാഗമാകുന്നതുവരെ പ്രത്യേക സംസ്ഥാനമായിരുന്നു.

കൽബെലിയ നൃത്തം[തിരുത്തുക]

എല്ലാ സന്തോഷ വേളകളിലും കൽബെലിയ ഗോത്രക്കാർ നടത്തുന്ന കൽബെലിയ നൃത്തം അവരുടെ സംസ്കാരത്തിൻറെ പ്രധാന ഭാഗമാണ്. അവരുടെ നൃത്തവും പാട്ടും കൽബെലിയക്കാർക്ക് വളരെ അഭിമാനം നൽകുന്നവയാണ്, രാജസ്ഥാനിലെ പ്രാന്തപ്രദേശങ്ങളിൽ തങ്ങൽ പാമ്പുപിടിത്തക്കാരുടെ വ്യക്തിത്വം അടയാളപ്പെടുത്തുന്നവയുമാണ് അവ. കറുത്ത വസ്ത്രമിട്ട സ്ത്രീകളാണ് നർത്തകർ, അവർ പാമ്പിനെപ്പോലെ വളയുകയും പുളയുകയും ചെയ്യും. എല്ലാ വസ്ത്രങ്ങളും കറുപ്പും ചുവപ്പും നിറത്തിലായിരിക്കും. നൃത്തപ്രകടനം തുടരുമ്പോൾ താളവും നൃത്തവും വേഗത കൂടി കൂടി വരുന്നതാണ്. [4] 2010-ൽ കൽബെലിയ നോടോടി നൃത്തവും പാട്ടും യുനെസ്കോയുടെ ഇൻടാഞ്ചിബിൽ ഹെറിറ്റേജ് ലിസ്റ്റിൽ ഉൾപ്പെട്ടതായി പ്രഖ്യാപിച്ചു.

പാമ്പ് വിഷം[തിരുത്തുക]

പാമ്പുകളുടെ കവിളിൽ സ്ഥിതി ചെയ്യുന്ന വിഷഗ്രന്ഥികൾ ഉല്പാദിപ്പിക്കുന്ന സ്രവമാണ് പാമ്പിൻ വിഷം. പാമ്പിൻ വിഷം സാധാരണ മഞ്ഞ നിറത്തിൽ കാണപ്പെടുന്നു. വിഷഗ്രന്ഥികളോട് ബന്ധിപ്പിച്ചിരിക്കുന്ന ഒരു ജോഡി വിഷപ്പല്ലുകൾ ഇവയുടെ മേൽത്താടിയിൽ ഇരുവശത്തുമായി സ്ഥാപിച്ചിരിക്കുന്നു. ഈ പല്ലുകളിലൂടെയാണ് പാമ്പുകൾ വിഷം ഇരയുടെ ശരീരത്തിലേക്ക് കുത്തി വെയ്ക്കുന്നത്. ശത്രുക്കളിൽ നിന്നും രക്ഷ നേടുവാനും ഇര പിടിക്കുവാനുമാണ് പാമ്പുകൾ വിഷം കുത്തിവെയ്ക്കുന്നത്. പാമ്പിൻ വിഷം ആമാശയത്തിൽ പ്രവേശിക്കപ്പെട്ടാൽ സാധാരണ അപകടം സംഭവിക്കുന്നില്ല. മറിച്ച് വിഷം രക്തത്തിൽ കലർന്ന് ശാരീരികപ്രവർത്തനങ്ങളുടെ സന്തുലനാവസ്ഥയിൽ മാറ്റം ഉണ്ടാകുക വഴി മരണം സംഭവിക്കുന്നു. വ്യത്യസ്തങ്ങളായ പോഷകങ്ങളുടേയും ദീപനരസങ്ങളുടേയും മിശ്രിതമാണ് പാമ്പിൻവിഷം.[5]

രാജവെമ്പാല, മൂർഖൻ, ശംഖുവരയൻ എന്നിവയുടെ വിഷം മനുഷ്യ നാഡീമണ്ഡലത്തെ ബാധിക്കുന്നു. അണലിയുടെ വിഷം രക്തമണ്ഡലത്തെയാണ് ബാധിക്കുന്നത്. നാഡീമണ്ഡലത്തെ ബാധിക്കുന്ന വിഷബാധയേറ്റാൽ കാഴ്ച മങ്ങൽ, ശ്വാസതടസ്സം, അമാശയവേദന എന്നിവ ഉണ്ടാകുന്നു. രക്തമണ്ഡലത്തെ ബാധിക്കുന്ന വിഷബാധ മൂലം കടിയേറ്റ ഭാഗത്ത് നീരും തലകറക്കവും ഉണ്ടാകുന്നു. കൂടാതെ രോമകൂപങ്ങളിലൂടെ രക്തം പൊടിയുകയും ചെയ്യുന്നു.

പ്രധാനമായും പാമ്പിൻ വിഷത്തിനു പ്രതിവിധിയായിത്തന്നെ വിഷം ഉപയോഗിക്കുന്നു. അലോപ്പതി, ആയുർവേദം, ഹോമിയോപ്പതി എന്നീ ചികിത്സാ രീതികളിലെല്ലാം പാമ്പിൻ വിഷം ഉപയോഗിക്കുന്നു. ആയുർവേദത്തിൽ ക്ഷയരോഗചികിത്സക്കായി വിഷം ഉപയോഗിക്കുന്നു. ഹോമിയോപ്പതിയിൽ മൂർഖൻ പാമ്പിൻറെ വിഷം ഹൃദ്രോഗചികിത്സകൾക്കായും ആസ്മ, അപസ്മാരം എന്നീ രോഗങ്ങൾക്കു പ്രതിവിധിയായും ഉപയോഗിക്കുന്നു. അലോപ്പതിയിൽ കൊബ്രോക്സിൻ എന്ന വേദനാസംഹാരിയുടെ നിർമ്മാണത്തിനായി പാമ്പിൻ വിഷം ഉപയോഗിക്കുന്നു. മൂർഖൻ പാമ്പിൻറെ വിഷത്തിൽ നിന്നുമാണ് കൊബ്രോക്സിൻ നിർമ്മിക്കുന്നത്. ക്യാൻസർ ചികിത്സക്കായും പാമ്പിൻ വിഷം ഉപയോഗിക്കുന്നുണ്ട്.

പാമ്പിൻ വിഷത്തിനു പ്രതിവിധിയായി പാമ്പിൻ വിഷം കുതിര, ചെമ്മരിയാട് എന്നിവയുടെ ശരീരത്തിൽ കുറേശ്ശേയായി കുത്തിവെച്ചാണ് ആന്റിവെനം നിർമ്മിക്കുന്നത്. വിഷം കുതിരയുടെ ശരീരത്തിൽ എത്തിച്ചേരുമ്പോൾ അവയിൽ പ്രതിദ്രവ്യങ്ങൾ രൂപം കൊള്ളുന്നു. ഇവ ശാസ്ത്രീയമായി വേർതിരിച്ചെടുത്താണ് പ്രതിവിഷമായി ഉപയോഗിക്കുന്നത്. ഇന്ത്യയിൽ പ്രധാനമായും മുംബൈയിലെ ഹാഫ്കിൻ ഇൻസ്റ്റിറ്റ്യൂട്ട്, പൂനെയിലെ സിറം ഇൻസ്റ്റിറ്റ്യൂട്ട്, ചെന്നൈയിലെ കിങ്സ് ഇൻസ്റ്റിറ്റ്യൂട്ട് എന്നിവിടങ്ങളിൽ പ്രതിവിഷം നിർമ്മിക്കുന്നു.

അവലംബം[തിരുത്തുക]

  1. "Kalbelia Folk Dances of Rajasthan".
  2. Kumar Suresh Singh; B. K. Lavania; D. K. Samanta; S. K. Mandal; N. N. Vyas; Anthropological Survey of India. "Suthar". People of India Vol. XXXVIII. Popular Prakashan. p. 1012.
  3. Miriam Robertson (1998). Snake Charmers: The Jogi Nath Kalbelias of Rajastan. Illustrated Book Publishers. p. 323. ISBN 81-85683-29-8.
  4. http://www.unesco.org/culture/ich/index.php?lg=en&pg=00011&RL=00340
  5. http://www.unesco.org/culture/ich/en/lists

പുറത്തേക്കുള്ള കണ്ണികൾ[തിരുത്തുക]

"https://ml.wikipedia.org/w/index.php?title=കൽബെലിയ&oldid=2746443" എന്ന താളിൽനിന്ന് ശേഖരിച്ചത്