കേരളമിത്രം (അച്ചുകൂടം)

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search

കേരളത്തിലെ കൊച്ചിയിൽ 1866-ൽ ദേവ്ജി ഭീംജി എന്ന ഗുജറാത്തി ആരംഭിച്ച അച്ചടിശാലയാണ് കേരളമിത്രം. കല്ലച്ച് അച്ചടി സമ്പ്രദായം ആദ്യമായി പരീക്ഷിച്ച കേരളത്തിലെ അച്ചടിശാലയാണിത്. ആദ്യകാലങ്ങളിൽ സംസ്കൃത പുസ്തകങ്ങളായിരുന്നു പ്രസിദ്ധീകരിച്ചിരുന്നത്. ഇതിലെ ആദ്യകാല എഡിറ്റർമാരിൽ പ്രധാനിയായിരുന്നു പിന്നീട് മലയാള മനോരമ സ്ഥാപകനായ കണ്ടത്തിൽ വറുഗീസ് മാപ്പിള. 1881-ൽ കേരളമിത്രം അച്ചുകൂടത്തിൽ നിന്നും പ്രസിദ്ധീകരണം ആരംഭിച്ച മലയാള പത്രമാണ് കേരളമിത്രം.[1] അന്ന് കണ്ടത്തിൽ വർഗ്ഗീസ് മാപ്പിളയായിരുന്നു പത്രത്തിന്റെ പത്രാധിപർ. ടി.ജി. പൈലിയായിരുന്നു ഡെപ്പൂട്ടി എഡിറ്റർ. നീണ്ട 14 വർഷത്തോളം മുടക്കമില്ലാതെ കേരളമിത്രം പ്രവർത്തിച്ചെങ്കിലും സ്ഥാപകനായ ദേവ്ജി ഭീംജിയുടെ മരണത്തോടുകൂടി അച്ചടിശാലയുടെയും പത്രത്തിന്റെ പ്രവർത്തനം നിലച്ചു.

അവലംബം[തിരുത്തുക]

  1. "ആർക്കൈവ് പകർപ്പ്". മൂലതാളിൽ നിന്നും 2016-11-10-ന് ആർക്കൈവ് ചെയ്തത്. ശേഖരിച്ചത് 2013-11-20.
"https://ml.wikipedia.org/w/index.php?title=കേരളമിത്രം_(അച്ചുകൂടം)&oldid=3629442" എന്ന താളിൽനിന്ന് ശേഖരിച്ചത്