കരിപ്പിടി
| കരിപ്പിടി | |
|---|---|
| |
| Anabas testudineus | |
| Scientific classification | |
| Kingdom: | |
| Phylum: | |
| Class: | |
| Order: | |
| Family: | |
| Genus: | |
| Species: | A. testudineus
|
| Binomial name | |
| Anabas testudineus (Bloch, 1792)
| |
| Synonyms | |
കേരളത്തിൽ കാണപ്പെടുന്ന ഒരു ശുദ്ധജലമത്സ്യമാണ് കരിപ്പിടി അഥവാ അനാബസ്. (ശാസ്ത്രനാമം: Anabas testudineus). അതീവ രുചികരവും പോഷക സമൃദ്ധവുമായ ഒരു മത്സ്യമായി ഇത് അറിയപ്പെടുന്നു. കരട്ടി , കല്ലട, കല്ലത്തി, കറൂപ്പ്, കല്ലടമുട്ടി, കല്ലേമുട്ടി, കൈതമുള്ളൻ, കൈതക്കോര, കല്ലേരീ, കല്ലുരുട്ടി, എരിക്ക്, കരികണ്ണി , കൽപ്പാസ് , അണ്ടികള്ളി തുടങ്ങിയ പ്രാദേശികമായ പല പേരുകളിൽ ഇവ അറിയപ്പെടുന്നു. ക്ലൈബിങ് പെർച്ച് (Climbing Perch), ക്ലൈബിങ് ഗൗരാമി (Climbing Gourami) തുടങ്ങിയ പല ഇംഗ്ലീഷ് പേരുകളും പ്രാദേശികമായി ഉപയോഗിക്കപ്പെടാറുണ്ട്. കരയിലൂടെ നിശ്ചിത ദൂരം സഞ്ചരിക്കാൻ കഴിവുള്ളത് കൊണ്ടാണ് ഈ പേര് ഉണ്ടായി വന്നത്.[1].
ഏഷ്യയിൽ ഭൂമദ്ധ്യരേഖാ പ്രദേശങ്ങളിലെ ശുദ്ധജല ജലാശയങ്ങളിൽ സ്വാഭാവികമായി കണ്ടുവരുന്ന ഒരിനമാണിത്. ഏഷ്യയിലെമ്പാടുമായി 36 സഹോദര ഉപജാതികളെ തിരിച്ചറിഞ്ഞിട്ടുണ്ട്. അനാബസ് കേരളത്തിലെ ഒരു തദ്ദേശീയ മത്സ്യമാണ്. ഇന്നിതൊരു വളർത്തു മത്സ്യം കൂടിയാണ്. ബംഗ്ളാദേശ്, വിയറ്റ്നാം വഴി കേരളത്തിൽ എത്തിച്ചേർന്ന ഒരു മത്സ്യമാണിത്.
ഗാംഗറ്റിക് കോയി, അനാബസ് ടെസ്റ്റ്യുഡിനിയസ്, കോബോജിയസ് എന്നിങ്ങനെ വിവിധ വകഭേദങ്ങളിൽ ഈ മത്സ്യം അറിയപ്പെടും.
പ്രത്യേകതകൾ
[തിരുത്തുക]ധാരാളം പ്രത്യേകതകൾ ഉള്ള ഒരു മത്സ്യമാണിത്. തീർത്തും ജലംകുറഞ്ഞ അവസരങ്ങളിലും ഈർപ്പത്തിന്റെ സാന്നിദ്ധ്യമുണ്ടെങ്കിൽ ജീവൻനിലനിർത്താനുള്ള ശേഷിയുണ്ട്. ലാബ്രിന്ത് എന്ന പ്രത്യേകതരം ശ്വസനാവയവം ഉള്ളതു കൊണ്ട് വെള്ളത്തിലെ പ്രാണവായു കുറഞ്ഞാലും ജീവിക്കാനുള്ള അസാമാന്യ കഴിവാണ് ഇതിന്റെ പ്രത്യേകത. കരയിൽ ചെറിയദൂരങ്ങളൊക്കെ ഇഴഞ്ഞ് നീങ്ങാനും ഇവയ്ക്ക് കഴിവുണ്ട്. അര മീറ്റർ വരെ ഉയരത്തിൽ ചാടുകയും ചെയ്യും. ആറ് മാസം കൊണ്ടുതന്നെ ശരാശരി 400 ഗ്രാം തൂക്കമെത്തും. അമ്ലക്ഷാരനിലയിൽ 4–10 വരെയുള്ള വ്യതിയാനം സഹിക്കാൻ ഇവയ്ക്ക് കഴിവുണ്ട്.
ശരീര ഘടന
[തിരുത്തുക]ശരീരം കട്ടിയേറിയ ചെതുമ്പലുകൾ കൊണ്ട് മൂടിയിരിക്കും. കേരളത്തിൽ കണ്ടുവരുന്ന കരിപ്പിടികൾക്ക് ഏറ്റവും കൂടുതൽ 20 സെന്റീമീറ്റർ വരെ നീളമുണ്ടായേക്കാം. ശരീരത്തിന്റെ മുകളിലും താഴെയുമായി മുള്ളുകളുടെ ഒരു നിരയുണ്ടാകും. കറുപ്പ് കലർന്ന പച്ചനിറമാണ് ശരീരത്തിനുണ്ടാവുക. കുഞ്ഞുങ്ങൾ താരതമ്യേന ഇളംനിറത്തിൽ കാണപ്പെടുന്നു. മുട്ടകളും കുഞ്ഞുങ്ങളേയും മാതാപിതാക്കൾ സംരക്ഷിക്കുന്നു. ജലത്തിൽ പാറകളോട് ചേർന്നോ തറനിരപ്പിലായോ ആണ് സാധാരണ കാണപ്പെടുക. അത്തരം അവസരങ്ങളിൽ തിരിച്ചറിയാൻ ബുദ്ധിമുട്ടാണ്. അനങ്ങാതെ നിൽക്കുന്നതായി അനുഭവപ്പെടുമെങ്കിലും, അപകടമെന്നു തോന്നുന്ന അവസരത്തിൽ അതിവേഗം വെട്ടി മാറാൻ കഴിവുണ്ട്. ഭക്ഷണയോഗ്യമായ എന്തും ഭക്ഷിക്കുമെന്നതിനാൽ ശുദ്ധീകാരിയായി പ്രവർത്തിക്കുന്നു.
മത്സ്യ കൃഷി
[തിരുത്തുക]രുചികരവും, പോഷക സമൃദ്ധവുമായ മത്സ്യമായതിനാലും, എളുപ്പത്തിൽ ഇവയെ വളർത്താം എന്നതിനാലും കരിപ്പിടി അഥവാ അനാബസ് മത്സ്യത്തിന്റെ കൃഷി ഇന്ന് പലയിടത്തും വ്യാപകമാണ്. ചെറിയ കുളങ്ങളിലും പാടത്ത് വെള്ളമിറക്കിയും ടാങ്കുകളിലും മറ്റും ഇവയെ വളർത്താം. ഓരു ജലാശയത്തിലും വലവളപ്പിലും അനാബസിനെ വളർത്താം. ആറു മാസം കൊണ്ടുതന്നെ ഇവ പൂർണ വളർച്ചയെത്തും.
വിതരണം
[തിരുത്തുക]ഏഷ്യൻ ഭൂഖണ്ഡത്തിലെ ഇന്ത്യ തൊട്ട് ചൈനയടക്കം വോലസ് രേഖ(Wallace Line) വരെയുള്ള പ്രദേശങ്ങളിലാണ് ഈ മത്സ്യം സാധാരണയായി കാണപ്പെടുന്നത്. അക്വേറിയങ്ങളിൽ വളർത്തുമീനായും കാണപ്പെടാറുണ്ട്.
ആവാസവ്യവസ്ഥ
[തിരുത്തുക]വിപരീത സാഹചര്യങ്ങളിലും ജീവിക്കുന്ന മത്സ്യമാണ് കരിപ്പിടി. വെള്ളമില്ലാതെ മണിക്കൂറുകളോളം ഇവയ്ക്ക് ജീവിയ്ക്കാനാകും. വെള്ളം വറ്റാറായ കുളങ്ങളിലേയും തോടുകളിലേയും ചെളിമാത്രമുള്ള അവസ്ഥയിൽ ഇവ ആഴ്ചകളോളം നിലനിൽക്കുന്നു. അന്തരീക്ഷത്തിൽ നിന്ന് നേരിട്ട് ശ്വസിക്കാനുള്ള (Accessory air-breathing organ) ഉള്ള ഒരു മത്സ്യമാണിത്[2]. പുല്ലിനിടയിലൂടെ ഇഴഞ്ഞ് നീങ്ങാൻ ഇതിനു പ്രത്യേക കഴിവുണ്ട്.
ചിത്രശാല
[തിരുത്തുക]-
കല്ലട - വശം -
കല്ലട - മുകൾ ഭാഗം
അവലംബം
[തിരുത്തുക]- ↑ ഡോ. വി വി ബിനോയ്. "നമുക്ക് കൊതുക് വേണ്ട; ഗപ്പിയും". ദേശാഭിമാനി. Archived from the original (പത്രലേഖനം) on 2014-05-29. Retrieved 29 മെയ് 2014.
{{cite news}}: Check date values in:|accessdate=(help) - ↑ http://www.fishbase.org/summary/Anabas-testudineus.html