കടങ്കഥ
പെട്ടെന്ന് ഉത്തരം കണ്ടെത്താൻ കഴിയാത്തതും ഗൂഢമായ അർത്ഥം ഉള്ളതുമായ ചെറിയ ചോദ്യങ്ങളെയാണ് കടങ്കഥകൾ എന്ന് പറയുന്നത്. (ഇംഗ്ലീഷ്: Riddle). അല്പം ചിന്തിക്കാതെ സൂക്ഷ്മാർത്ഥം ഗ്രഹിക്കാൻ സാധ്യമല്ലാത്ത ചോദ്യങ്ങളോ ഉത്തരങ്ങളോ ആയ ഇത്തരം കടങ്കഥകൾ ലോകത്തിലെല്ലായിടത്തും പ്രചാരത്തിലുണ്ട്. കടങ്കഥകൾ ഒരുസാഹിത്യ വിനോദം കൂടിയാണ്. കുസൃതി ചോദ്യം എന്നും, അഴിപ്പാൻകഥ, തോൽക്കഥ എന്നീ പേരുകളും ഇതിന് ഉണ്ട്.
മലയാളത്തിൽ കടങ്കഥകൾക്ക് കുട്ടികളുടെ ഇടയിൽ വൻ പ്രചാരം നൽകിയത് കുഞ്ഞുണ്ണിമാഷ് എന്നറിയപ്പെട്ടിരുന്ന കവി കുഞ്ഞുണ്ണി ആയിരുന്നു. കടങ്കഥകളുമായി ബന്ധപ്പെട്ട നിരവധി പുസ്തകങ്ങളും സമാഹരണങ്ങളും കുഞ്ഞുണ്ണിമാഷ് പ്രസിദ്ധീകരിച്ചിട്ടുണ്ട്. കേരളത്തിൽ പ്രചാരത്തിലുണ്ടായിരുന്ന കടങ്കഥകൾ സമാഹരിച്ച് വിവിധ പ്രസാധകർ പ്രസിദ്ധീകരിച്ച
കടങ്കഥകൾക്ക് ഉദാഹരണം[തിരുത്തുക]
- കിക്കിലുക്കും കിലുകിലുക്കും, ഉത്തരത്തിൽ ചത്തിരിക്കും - ഉത്തരം താക്കോൽക്കൂട്ടം
- ആനകേറാമല, ആളുകേറാമല, ആയിരം കാന്താരി പൂത്തിറങ്ങി - ഉത്തരം നക്ഷത്രങ്ങൾ
- കാള കിടക്കും കയറോടും - ഉത്തരം മത്തൻവള്ളി
- ഓടും കുതിര ചാടും കുതിര വെള്ളം കണ്ടാൽ നിൽകും കുതിര - ഉത്തരം ചെരുപ്പ്
- ഞെട്ടില്ല വട്ടേല? - ഉത്തരം പപ്പടം
- മുറ്റത്തെ ചെപ്പിനു അടപ്പില്ല? - ഉത്തരം കിണർ
- ഇട്ടാൽ പൊട്ടും ഇംഗ്ലീഷ് മുട്ട? - ഉത്തരം കടുക്
- ഒരു അമ്മ പെറ്റതെല്ലാം തൊപ്പികുട്ടന്മാർ? - ഉത്തരം പാക്ക്/അടക്ക
- അടി പാറ, നാട് വടി, മീതെ കുട? - ഉത്തരം ചേന
- അകത്തുരോമം പുറത്തിറച്ചി? - ഉത്തരം മൂക്ക്
- അങ്ങോട്ടോടും, ഇങ്ങോട്ടോടും. നേരെനിന്ന് സത്യം പറയും? - ഉത്തരം ത്രാസ്സ്
- അടി മുള്ള്, നടു കാട്, തല പൂവ്? - ഉത്തരം പൈനാപ്പിൾ
- മുള്ളുണ്ട് മുരിക്കല്ല, കൈപ്പുണ്ട് കാഞ്ഞിരമല്ല? - ഉത്തരം പാവക്ക
- ആയിരം പോലീസുകാർക്ക് ഒരു ബെൽറ്റ് - ഉത്തരം ചൂല്
- ആയിരം പറ അവളിൽ ഒരു നുള്ള് കൊട്ടത്തേങ്ങ? - ഉത്തരം ചന്ദ്രക്കല
റഫറൻസുകൾ[തിരുത്തുക]
100+ (കടങ്കഥകൾ) Kadamkathakal | Riddles in Malayalam
പുറത്തേക്കുള്ള കണ്ണികൾ[തിരുത്തുക]
- Riddles ഓപ്പൺ ഡയറക്റ്ററി പ്രൊജക്റ്റിൽ – An active listing of riddle links.
- Isbell, Billy Jean. "Riddle Games among Quechua Speakers." Journal of Latin American Lore 3:1 (1977), 19-49. (pdf)
|
ഈ ലേഖനം അപൂർണ്ണമാണ്‌. ഇതു പൂർത്തിയാക്കുവാൻ സഹകരിക്കുക. |