എമ്മി റോസം
എമ്മി റോസം | |
|---|---|
 Rossum at the 25th Independent Spirit Awards in March 2010 | |
| ജനനം | ഇമ്മാനുവൽ ഗ്രേ റോസം[1] സെപ്റ്റംബർ 12, 1986 |
| വിദ്യാഭ്യാസം | കൊളമ്പിയ സർവ്വകലാശാല (ബി.എ.) |
| തൊഴിൽ(കൾ) |
|
| സജീവ കാലം | 1993 – present |
| ജീവിതപങ്കാളികൾ | Justin Siegel
(m. 2008; div. പ്രയോഗരീതിയിൽ പിഴവ്: അപ്രതീക്ഷിതമായ < ഓപ്പറേറ്റർ)
|
ഒരു അമേരിക്കൻ നടിയും, ടെലിവിഷൻ സംവിധായികയും ഗായികയും ഗാനരചയിതാവുമാണ് ഇമ്മാനുവൽ ഗ്രേ റോസം[1] (ജനനം:സെപ്റ്റംബർ 12, 1986). ന്യൂയോർക്ക് നഗരത്തിലെ മാൻഹാട്ടനിൽ[3] 1986 സെപ്തംബർ 12 -നാണ് അവർ ജനിച്ചത്.[4] ഷെയിംലെസ് എന്ന ടെലിവിഷൻ പരമ്പരയിലെ ഫിയോണ ഗാല്ലഘർ എന്ന കഥാപാത്രത്തിലൂടെ അവർ പ്രേക്ഷകർക്കു ഏറെ സുപരിചിതയാണ്.[5] മിസ്റ്റിക് റിവർ (2003) എന്ന ചിത്രത്തിലെ വേഷത്തിലൂടെയാണ് തുടക്കത്തിൽ അവർ അംഗീകാരം നേടിയത്. സോങ്ങ്കാച്ചർ (2000), ആൻ അമേരിക്കൻ റാപ്സോഡി, (2001), പാഷനാഡാ (2002), മിസ്റ്റിക് റിവർ (2003) എന്നിങ്ങനെ ഏതാനും സിനിമകളിൽ അവർ ഒരു അഭിനേത്രിയായും അവർ കലാരംഗത്ത് തന്റെ സാന്നിദ്ധ്യം അറിയിച്ചിട്ടുണ്ട്. മിസ്റ്റിക് റിവർ (2003) എന്ന സിനിമയിലെ അഭിനയം അവരിൽ ഒരു കഴിവുള്ള നടി ഒളിഞ്ഞിരിപ്പുണ്ടെന്നു ലോകത്തോടു വിളിച്ചുപറഞ്ഞു. ഒരു സയൻസ് ഫിക്ഷൻ സിനിമയായ ദ ഡേ ആഫ്റ്റർ ടുമോറോ (2004) എന്ന ചിത്രത്തിലെ നായിക അവരുടെ പ്രതിഭയുടെ ആഴം പ്രേക്ഷകർക്കു മുമ്പിൽ തുറന്നു കാട്ടി. അതുപോലെ തന്നെ എടുത്തു പറയേണ്ടതാണ്. ദ ഫാൻറം ഓഫ് ദ ഓപ്പറയിലെ ക്രിസ്റ്റീന് ഡായ് എന്ന കഥാപാത്രവും. പൊസീഡൻ (2006), ഡ്രാഗൺബോൾ: എവലൂഷൻ (2009), ഡയർ (2009), ബ്യൂട്ടിഫുൾ ക്രീച്ചേർസ് (2013), ബിഫോർ ഐ ഡിസപ്യർ (2014), യു ആർ നോട്ട് യു (2014), കോമറ്റ് (2014) എന്നിങ്ങനെ അവരുടെ പ്രതിഭ വെളിപ്പെടുത്തുന്ന ഏതാനും ചിത്രങ്ങൾക്കൂടി പുറത്തിറങ്ങിയിരുന്നു. 2007 ൽ റോസം അവരുടെ ആദ്യ സംഗീത ആൽബം "ഇൻസൈഡ് ഔട്ട്" എന്ന പേരിൽ പുറത്തിറക്കി. അതേ വർഷം തന്നെ "കരോൾ ഓഫ് ദ ബെൽസ്" എന്ന പേരിൽ മറ്റൊരു ആൽബവും പുറത്തിറക്കി. അതിനു പിന്നാലെ 2013 ൽ സെൻറിമെൻൽ ജേർണി എന്ന പേരിൽ മറ്റൊന്നു കൂടി പുറത്തിറക്കിയിരുന്നു.
ആദ്യകാലജീവിതം
[തിരുത്തുക]1986 സെപ്റ്റംബർ 12 ന് ന്യൂയോർക്ക് നഗരത്തിലാണ് ഇമ്മാനുവൽ ഗ്രേ റോസം[1] ജനിച്ചത്.[2] ഒരു ഛായാഗ്രഹകയായ ചെറി റോസം എന്ന മാതാവിന്എറെ ഏക മകളായിരുന്നു എമ്മി.[6][7][8] എമ്മിയുടെ മാതാവ് റഷ്യൻ പിന്തുടർച്ചയുള്ള ഒരു ജൂത കുടുംബത്തിൽ നിന്നായിരുന്നു. പിതാവ് ഇമ്മാനുവൽ ഒരു ഇംഗ്ലീഷ്-ഡച്ച് പിന്തുടർച്ചയുള്ള പ്രൊട്ടസ്റ്റന്റ് വിഭാഗത്തിൽ നിന്നുള്ള വ്യക്തിയായിരുന്നു.[9] എമ്മിയെ ഗർഭം ധരിച്ചിരുന്ന വേളയിൽ മാതാപിതാക്കൾ വേർപിരിഞ്ഞു. 2007 കാലഘട്ടത്തിൽ രണ്ടു പ്രാവശ്യം മാത്രമേ അവൾ പിതാവിനെ കണ്ടുമുട്ടിയിട്ടുള്ളൂ.[10][11]
ഏകദേശം 7 വയസ്സു മുതൽ എമ്മി സംഗീതത്തിന്റെ മാസ്മരിക ലോകത്തേയ്ക്കു കാലെടുത്തു വച്ചു തുടങ്ങി. കുട്ടിക്കാലത്തെ 5 വർഷത്തെ സംഗീത പഠനത്തിലൂടെ അവളുടെ ഉള്ളിലെ സംഗീത പ്രതിഭ വെളിവാക്കപ്പെട്ടു. പ്ലസിഡോ ഡോമിംഗോ, ലൂസിയാനോ പാവറൊട്ടി തുടങ്ങിയ പ്രശസ്ത ഗായകരോടൊപ്പം പിന്നണി പാടുവാനുള്ള അവസരങ്ങളും ലഭിച്ചു. ഒരു അഭിമുഖത്തിൽ തന്റെ സംഗീതാഭിരുചി അമ്മയിൽ നിന്നു പകർന്നു കിട്ടിയതാണെന്ന് അവർ പറഞ്ഞിരുന്നു. ഗർഭകാലത്തു് മാതാവ് എല്ലായ്പ്പോഴും ക്ലാസിക്കൽ സംഗീതം തുടങ്ങിയവ ശ്രവിക്കുമായിരുന്നുവത്രേ.
12 വയസ്സായപ്പോഴേയ്ക്കും സംഗീതത്തോടോപ്പം അഭിനയത്തിലും അവർക്ക് അഭിരുചി തോന്നിത്തുടങ്ങി. ഇതിനിടെ ന്യൂയോർക്കിലെ ദ ന്യൂ ആക്ടേർസ് വർക്ക്ഷോപ്പിൽ അഭിനയ പരിശീലനത്തിനും ചേർന്നു.
മാൻഹാട്ടനിലെ സ്പെൻസ് സ്കൂളിൽ പഠനം നടത്തുന്നുണ്ടായിരുന്നുവെങ്കിലും സംഗീതവും അഭിനയവുമായി സമയം ചിലവഴിച്ചതിനാൽ വിദ്യാലയത്തിലെ പഠനം ഇടയ്ക്കുവച്ചു മുടങ്ങി. പിന്നീട്15 വയസ്സിൽ ഓൺലൈൻ വഴി ഹൈസ്ക്കൂൾ വിദ്യാഭ്യാസം എമ്മി റോസം പൂർത്തിയാക്കി. പിന്നീട് കൊളമ്പിയ യൂണിവേഴ്സിറ്റിയിൽ തുടർപഠനത്തിനു ചേർന്നു.
അഭിനയജീവിതം
[തിരുത്തുക]ആദ്യകാലത്ത് (1997) ഏതാനും ടെലിവിഷൻ പരമ്പരകളിൽ അഭിനയിച്ചുകൊണ്ടാണ് അവരുടെ അഭ്രപാളികളിലേയ്ക്കുള്ള അരങ്ങേറ്റം. 14 വയസ്സിൽ സോംഗ്ക്യാച്ചർ എന്ന സിനിമയിൽ അഭിനയിക്കുവാൻ അവസരം ലഭിച്ചു (2000) സൺഡാൻസ് ഫിലിം ഫെസ്റ്റിവലിൽ ഈ ചിത്രത്തിലെ തകർപ്പൻ പ്രകടനത്തിന് സ്പെഷ്യൽ ജൂറി പുരസ്കാരം ലഭിച്ചു. അതോടൊപ്പം ഇൻഡിപെൻഡൻസ് സ്പിരിറ്റ് അവർഡിനും അവർ നോമിനേറ്റ് ചെയ്യപ്പെട്ടിരുന്നു. സോങ്ങ്ക്യച്ചറിന്റെ സൌണ്ട് ട്രാക്കിൽ ഡോളി പാർട്ടൺ എന്ന ഗായകനോടൊപ്പം ഒരു യുഗ്മഗാനം പാടാൻ ലഭിച്ച അവസരം എടുത്തു പറയേണ്ടതുണ്ട്.
നോള (2003) എന്ന സിനിമയിൽ റോസം നായികയുടെ റോളിൽ പ്രത്യക്ഷപ്പെട്ടു. അതിനു ശേഷം ക്ലിന്റ് ഈസ്റ്റ് വുഡിന്റെ മിസ്റ്റിക് റിവർ എന്ന സിനിമയിലെ കാത്തി മർക്കം എന്ന കഥാപാത്രമായുള്ള വേഷപ്പകർച്ച അവിസ്മരണീയമായി. പാരിസ്ഥിതിക സംതുലനം തകർന്ന് ഒരു വൻദുരന്തത്തിലേയ്ക്ക് നയിക്കുന്ന കഥ പറയുന്ന ദ ഡേ ആഫ്റ്റർ ടുമോറോ എന്ന ചിത്രം വൻ വിജയമായിരുന്നു. ദ ഫാന്റം ഓഫ് ദ ഓപ്പറയിലെ ക്രിസ്റ്റീൻ ഡേ എന്ന കഥാപാത്രത്തിനു നല്ല നടിയ്ക്കുള്ള ഗോൾഡൻ ഗ്ലോബ് പുരസ്കാരത്തിന് നാമനിർദ്ദേശം ചെയ്യപ്പെട്ടു. ഇതേ ചിത്രത്തിലെ അഭിനയത്തിനു മറ്റൊരു ക്രട്ടിക്സ് ചോയ്സ് അവാർഡ്, സാറ്റൺ അവാർഡ് ഫോർ ബെസ്റ്റ് പെർഫോർമൻസ് ബൈ എ യംഗർ ആക്ടർ എന്നിവയും ലഭിച്ചു. 2006 ൽ ദ പോസിഡൺ അഡ്വഞ്ചർ എന്ന ചിത്രത്തിൽ ഒരു ശ്രദ്ധേയമായ വേഷം ചെയ്തു. കർട്ട് റസ്സൽ എന്ന നടൻറെ മകളുടെ വേഷമായ ജെന്നിഫർ റാംസേ നാനാതുറയിലുമുള്ള പ്രേക്ഷകരുടെ അഭിനന്ദനങ്ങൾക്കു പാത്രമായി. 2006 ലെ വില്ല്യം ഷേക്സ്പിയറിൻറെ നാടകത്തെ ആസ്പദമാക്കിയുള്ള റോമിയോ ആന്റ് ജൂലിയറ്റ് എന്ന ചിത്രത്തിലെ ജൂലിയറ്റ് കാപ്പുലറ്റ് എന്ന കഥാപാത്രം എടുത്തു പറയേണ്ടതുണ്ട്. 2009 ൽ ഡ്രാഗൺബോൾ എവലൂഷൻ എന്ന ചിത്രത്തിൽ അഭിനയിച്ചു. അതേ വർഷം അഭിനയിച്ച ഡെയർ സൺഡെയ്ൻ ഫിലിം ഫെസ്റ്റിവലിലേയ്ക്ക് ഔദ്ദ്യോഗികമായി തെരഞ്ഞടുക്കപ്പെട്ട ചിത്രമായിരുന്നു. ലൂസി ടൈബർഗേൻ സംവിധാനം ചെയ്ത ഡെയിലി ബ്രഡ് എന്ന സിനിമയിലും അവർക്ക് ശ്രദ്ധേയമായ വേഷമായിരുന്നു.
2011 ൻറെ പകുതിയിൽ റോസം ഡി.ജെ. ക്രൂസോയുടെ സാമൂഹിക ചിത്രമായ ഇൻസൈഡിൽ അഭിനയിച്ചു. ഇത് തോഷിബയും ഇൻറലും ഒരുമിച്ചു സ്പോൺസർ ഒരു ഓൺലൈൻ ചലച്ചിത്രമായിരുന്നു. തുടർന്നുള്ള വർഷങ്ങളിൽ ഷെയിംലെസ് എന്ന ടെലിവിഷൻ പരമ്പരയുടെ തുടർഭാഗങ്ങളിൽ അഭിനയിച്ചു. 2013 ൽ ബ്യൂട്ടിഫുൾ ക്രച്ചേർസ് എന്ന സിനിമയിൽ ഒരു സഹ വേഷത്തിൽ അഭിനയിച്ചതു പ്രേക്ഷക ശ്രദ്ധ പിടിച്ചു പറ്റുന്നതായിരുന്നു. ഇതേ പേരിലുള്ള നോവലിൻറെ ചലച്ചിത്രാവിഷ്കാരമായിരുന്നു ആ ചിത്രം. യു ആർ നോട്ട് യൂ (2013) എന്ന ചിത്രത്തിലെ ബെക് എന്ന നഴ്സ്, സാം എസ്മായിൽ സംവിധാനം ചെയ്ത കോമറ്റ് (2013), ബിഫോർ ഐ ഡസപ്പിയർ (2013), കർഫ്യൂ (2013) എന്നിവയാണ് എമ്മി റോസം അഭിനയിച്ച ശ്രദ്ധേയങ്ങളായ മറ്റു ചിത്രങ്ങൾ.
സംഗീതരംഗം
[തിരുത്തുക]ദ ഫാൻറം ഓഫ് ദ ഓപ്പറയിലെ കഥാപാത്രത്തിനു ശേഷം ക്ലാസിക്കൽ ആൽബങ്ങളിൽ പാടുന്നതിനുള്ള അനേകം അവസരങ്ങൾ അവർ നിരസിച്ചിരുന്നു. പിന്നീട് സ്റ്റുവാർട്ട് ബ്രോളിയുടെ സംവിധാനത്തിൽ എമ്മി റോസം നിർമ്മിച്ചു റോസം സ്വയം പാടി പുറത്തിറക്കിയ സംഗീത ആൽബമായ ഇൻസൈഡ് ഔട്ട് വൻവിജയമായിരുന്നു. 2007 ഒക്ടോബർ 23 നാണ് ഇത് പുറത്തിറങ്ങിയത്. 2007 ഡിസംബറിൽ എമ്മി റോസം കരോൾ ഓഫ് ദ ബെൽസ് എന്ന പേരിൽ ക്രിസ്തുമസ് ഗാനങ്ങളുടെ ഒരു ആൽബം പുറത്തിറക്കി. അലക്സ് ബാന്റിന്റെ ആദ്യ സോളോ ആൽബമായ വി ഹാവ് ആൾ ബീൻ ദേറിൽ ശ്രദ്ധേയമായ "ക്രൂവൽ വൺ" എന്ന ഗാനം ആലപിച്ചു. 2013, ജനുവരിയിൽ പുറത്തിറങ്ങിയ സെന്റിമെന്റൽ ജേണി എന്ന ആൽബത്തിലെ ഗാനങ്ങൾ എമ്മി റോസം സ്വന്തമായി എഴുതി തയ്യാറാക്കുകയായിരുന്നു. ഈ ആൽബം വില്പനയില് സകലകാല റിക്കാർഡുകളും ഭേദിച്ചിരുന്നു.
ജീവകാരുണ്യ പ്രവർത്തനങ്ങളും മറ്റു പൊതു പ്രവർത്തനങ്ങളും
[തിരുത്തുക]റോസം യൂത്ത്എയ്ഡ്സ് അംബാസഡർ ആണ്.[12] 2008 ൽ, സ്തനാർബുദ അവബോധം വളർത്താൻ സഹായിക്കുന്നതിനായി പിങ്ക് പാന്തർ കഥാപാത്രത്തിൽ നിന്ന് പ്രചോദനം ഉൾക്കൊണ്ട ഒരു വസ്ത്ര നിരയായ പിങ്കിറ്റ്യൂഡിന്റെ വക്താവായി അവർ ഒപ്പിട്ടു.[13] 2010 ൽ നാച്ചുറൽ റിസോഴ്‌സസ് ഡിഫൻസ് കൗൺസിൽ (NRDC) ആക്ഷൻ ഫണ്ടിനായുള്ള പൊതു സേവന പ്രഖ്യാപനങ്ങളിൽ അവർ പ്രത്യക്ഷപ്പെട്ടു.[14] അതുപോലെ തന്നെ ഒരു പരിസ്ഥിതി പ്രവർത്തകയും. ഗ്ലോബൽ ഗ്രീൻ യു.എസ്.എ. എന്ന സംഘടനയുമായി സഹകരിച്ച് പാരിസ്ഥിതിക സംരക്ഷണത്തിനു വേണ്ടി പണം പൊതുവേദികളിൽ നിന്ന് സംഭരിക്കുകയും പരിസ്ഥിതികളിലെ മാറ്റം ആവാസവ്യവസ്ഥയിലുണ്ടാക്കുന്ന മാറ്റങ്ങളെക്കുറിച്ച് പൊതുജനങ്ങളെ ബോധവൽക്കരിക്കുവാൻ ശ്രമിക്കുകയും ചെയ്യുന്നു.[15][16] മൃഗങ്ങളെ ദത്തെടുക്കുന്നതിനെ പ്രോത്സാഹിപ്പിക്കുന്നതിനായി 2015 ൽ റോസ്സം ബെസ്റ്റ് ഫ്രണ്ട്സ് അനിമൽ സൊസൈറ്റിയുമായി പ്രചാരണം നടത്തി.[17]
സ്വകാര്യജീവിതം
[തിരുത്തുക]2008 ഫെബ്രുവരി 17 ന് റോസ്സം ജസ്റ്റിൻ സീഗലിനെ വിവാഹം കഴിക്കുകയും എന്നാൽ അവർ വിവാഹബന്ധത്തിലല്ല എന്ന് പരസ്യമായി പ്രചരിപ്പിക്കുകയും ചെയ്തു.[18] പൊരുത്തപ്പെടാനാവാത്ത വ്യത്യാസങ്ങൾ ചൂണ്ടിക്കാട്ടി 2009 സെപ്റ്റംബർ 25 ന് ലോസ് ഏഞ്ചൽസിൽ അദ്ദേഹം വിവാഹമോചനത്തിന് അപേക്ഷ നൽകുകയും, 2010 ഡിസംബർ 28 ന് വിവാഹമോചനത്തിന് അന്തിമരൂപം നൽകപ്പെടുകയും ചെയ്തു.[19][20] രണ്ട് വർഷത്തെ പ്രണയത്തിന്ശേഷം 2015 ഓഗസ്റ്റിൽ എഴുത്തുകാരനും സംവിധായകനുമായ സാം എസ്മായിലുമായി റോസം വിവാഹനിശ്ചയം നടത്തുകയും 2017 മെയ് 28 ന് ഇരുവരും വിവാഹിതരാകുകയും ചെയ്തു.[21] റോസം ഒരു സെലിയാക് ഡിസീസ് ബാധിച്ച വ്യക്തിയാണ്.[22]
അഭിനയിച്ച ചിത്രങ്ങൾ
[തിരുത്തുക]
| വർഷം | ചിത്രം | കഥാപാത്രം | കുറിപ്പുകൾ |
|---|---|---|---|
| 1999 | ജീനിയസ് | ക്ലയർ അഡിസൺ | |
| 2000 | സോങ്ങ്കാച്ചർ | ഡെലാഡിസ് സ്ലോകംബ് | |
| 2000 | ഇറ്റ് ഹാഡ് ടു ബീ യൂ | ചെറുപ്പക്കാരി | |
| 2001 | ആൻ അമേരിക്കൻ റാപ്സോഡി | ഷൈല – 15 വയസ് | |
| 2001 | ഹാപ്പി നൌ | നിക്കി ട്രെന്റ് / ജെന്നി തോമസ് | |
| 2002 | പസനാഡ | വിക്കി അമണ്ട് | |
| 2003 | നോള | നോള | |
| 2003 | മിസ്റ്റിക് റിവർ | കാത്തി മാർക്കം | |
| 2004 | ദ ഡേ ആഫ്റ്റർ ടുമോറോ | ലോറ ചാപ്മാൻ | |
| 2004 | ദ ഫാന്റം ഓഫ് ദ ഓപ്പറ | ക്രിസ്റ്റീൻ ഡെയ് | |
| 2006 | പൊസീഡൻ | ജെന്നിഫർ റാംസെ | |
| 2009 | ഡ്രാഗൺബോൾ: എവലൂഷൻ | ബൾമ | |
| 2009 | ഡയർ | അലക്സ വാക്കർ | |
| 2011 | ഇൻസൈഡ് | ക്രിസ്റ്റീന പെറാസോ | |
| 2013 | ബ്യൂട്ടിഫുൾ ക്രീച്ചേർസ് | റിഡ്‍ലി ഡക്കാനസ് | |
| 2014 | ബിഫോർ യൂ ഡിസപ്യർ | മാഗി | |
| 2014 | യൂ ആർ നോട്ട് യു | ബെക് | |
| 2014 | കോമറ്റ് | കിംബർലി | |
| 2018 | എ ഫ്യൂറ്റൽ സ്റ്റുപ്പിഡ് ജെസ്റ്റർ | കാതറിൻ വാക്കർ | Filming |
| 2018 | ദാറ്റ്സ് ഹരാസ്മെന്റ് | പത്രപ്രവർത്തക | ഹ്രസ്വ ചിത്രം |
| 2019 | കോൾഡ് പർസ്യൂട്ട് | കിം ഡാഷ് |
| വർഷം | ടെലിഫിലിം/സീരിയൽ | കഥാപാത്രം | കുറിപ്പുകൾ |
|---|---|---|---|
| 1996 | ഗ്രേസ് & ഗ്രോറി | ലൌന്ന | ടെലിവിഷൻ സിനിമ |
| 1997 | ആസ് ദ വേൾഡ് ടേൺസ് | അബിഗയിൽ വില്യംസ് | |
| 1997 | ലോ ആന്റ് ഓർഡർ | അലിസൺ മാർട്ടിൻ | എപ്പിസോഡ്: "റിച്വൽ" |
| 1998 | എ വിൽ ഓഫ് ദെയർ ഓൺ | യുവതിയായ സാ | മിനി പരമ്പര |
| 1998 | ഒൺളി ലവ് | ലിലി | ടെലിവിഷൻ സിനിമ |
| 1999 | സ്നൂപ്സ് | കരോളിൻ ബീൽസ് | 2 എപ്പിസോഡുകൾ |
| 1999 | ജീനിയസ് | ക്ലയർ അഡിസൺ | ടെലിവിഷൻ സിനിമ |
| 2000 | ദ ഓഡ്രി ഹെപ്‌ബർൺ സ്റ്റോറി | യുവതിയായ ആൻഡ്രെ ഹെപ്‍ബേൺ | ടെലിവിഷൻ സിനിമ |
| 2001 | ദ പ്രാക്ടീസ് | അല്ലിസൺ എല്ലിസൺ | എപ്പിസോഡ്: "ദ കാൻഡിഡേറ്റ്" |
| 2011–2019 | ഷെയിംലസ് | ഫിയോണ ഗാല്ലഘർ | പ്രധാന കഥാപാത്രം |
| 2017 | ആനിമൽ കിങ്ഗം | Director; episode: "Broken Boards" | |
| 2019 | മി. റോബോട്ട് | കരോൾ ഗായിക (അപ്രധാനം) | 1 എപ്പിസോഡ് |
| 2019 | മോഡേൺ ലവ് | സംവിധായിക; എപ്പിസോഡ്: "സോ ഹി ലുക്ഡ് ലൈക് ഡാഡ്. ഇറ്റ് വാസ് ജസ്റ്റ് ഡിന്നർ, റൈറ്റ്?" | |
| 2020 | ഏഞ്ചലൈൻ | ഏഞ്ചലൈൻ |
അവലംബം
[തിരുത്തുക]- ↑ 1.0 1.1 1.2 Heldman, Breanne L.; Rosenbaum, Claudia (August 10, 2009). "Emmy Rossum: Secretly Married, Now Not-So-Secretly Splitting". E!. Archived from the original on April 20, 2018. Retrieved April 19, 2009.
- ↑ 2.0 2.1 Lightstone, Miranda. "15 Questions With Emmy Rossum". AskMen. Archived from the original on January 4, 2009. Retrieved April 19, 2018.
- ↑ "Emmy Rossum Biography (1986–)". FilmReference.com. Archived from the original on April 18, 2015. Retrieved May 1, 2008.
- ↑ "Emmy Rossum Biography (1986–)". FilmReference.com. Archived from the original on April 18, 2015. Retrieved May 1, 2008.
- ↑ "'Shameless' Star Emmy Rossum to Make Directorial Debut With Showtime Series (Exclusive)".
- ↑ Lightstone, Miranda. "15 Questions With Emmy Rossum". AskMen. Archived from the original on January 4, 2009. Retrieved April 19, 2018.
- ↑ "Emmy Rossum biography". E!. Archived from the original on April 23, 2008. Retrieved May 1, 2008.
- ↑ Dickie, George (January 20, 2013). "What it takes to make Emmy Rossum 'Shameless'". Zap2it. Archived from the original on May 8, 2013. Retrieved May 16, 2013.
- ↑ Interfaith Celebrities: "Interfaith Celebrities: Take Me Out to the Ballpark with Emmy Rossum" By Nate Bloom April 26, 2011
- ↑ Thomas, Karen (October 24, 2007). "From movies to music, Emmy Rossum is doing it all". USA Today.
- ↑ Dickie, George (ജനുവരി 20, 2013). "What it takes to make Emmy Rossum 'Shameless'". Archived from the original on മേയ് 8, 2013. Retrieved മേയ് 16, 2013.
- ↑ "Population Services International: Youthaids Ambassadors". Population Services International. Archived from the original on February 23, 2009. Retrieved October 24, 2008.
- ↑ "Emmy Rossum speaks for Pinkitude". Variety. August 13, 2008. Archived from the original on April 21, 2018. Retrieved April 20, 2018.
- ↑ Alwill, Cara (January 29, 2010). "Leonardo DiCaprio, Chace Crawford and more stars star in new PSA for clean energy bill". MTV. Archived from the original on April 21, 2018. Retrieved April 20, 2018.
- ↑ "Natural Beauty | An Emmy Rossum Fansite". Emmyweb.net. Archived from the original on March 11, 2012. Retrieved October 23, 2012.
- ↑ Shapouri, Beth (September 18, 2013). "Beauty Q&A: Emmy Rossum on Her Curly Hair, Her Cat-Eye Makeup Trick, and Looking Good While Giving Back to Good Causes". Glamour. Archived from the original on April 21, 2018. Retrieved April 20, 2018.
- ↑ Shanahan, Christina (July 23, 2015). "Emmy Rossum Doesn't Mess Around When It Comes to Animal Rights". InStyle. Archived from the original on April 21, 2018. Retrieved April 20, 2018.
- ↑ Greenberg, Josh (December 29, 2010). "Emmy Rossum's Low-Budget Divorce: How Much Did Split Cost Her?". E! News. Archived from the original on December 17, 2014. Retrieved September 1, 2015.
- ↑ Greenberg, Josh (December 29, 2010). "Emmy Rossum's Low-Budget Divorce: How Much Did Split Cost Her?". E! News. Archived from the original on December 17, 2014. Retrieved September 1, 2015.
- ↑ "Notice of Entry of Judgment" (PDF). Superior Court of California, County of Los Angeles. December 28, 2010. Archived from the original (PDF) on January 9, 2016. Retrieved September 1, 2015.
- ↑ Talarico, Brittany (May 28, 2017). "Emmy Rossum Marries Mr. Robot Creator Sam Esmail — See Her Stunning Dress". People. Archived from the original on April 13, 2018. Retrieved April 19, 2018.
- ↑ Glazer, Mikey (December 5, 2014). "Emmy Rossum on Going Gluten-Free: 'I Don't Think It's Cool, the Chefs Were Definitely Terrified' (Video)". TheWrap. Archived from the original on September 9, 2018. Retrieved April 20, 2018.