എം. ലെനിൻ തങ്കപ്പ
എം. ലെനിൻ തങ്കപ്പ | |
|---|---|
 എം. ലെനിൻ തങ്കപ്പ | |
| മരണം | പുതുച്ചേരി |
| ദേശീയത | ഇന്ത്യൻ |
| തൊഴിൽ | തമിഴ് എഴുത്തുകാരനും ഭാഷാപണ്ഡിതനും |
തമിഴ് എഴുത്തുകാരനും ഭാഷാപണ്ഡിതനുമായിരുന്നു എം. ലെനിൻ തങ്കപ്പ. സംഘകാല കവിതകളുടെ വിവർത്തനത്തിനും എ.ആർ. വെങ്കിടാചലപതിയുടെ ‘ലൗ സ്റ്റാൻഡ്‌സ് എലോൺ’ എന്ന കൃതിയുടെ വിവർത്തനത്തിനും രണ്ടുതവണ കേന്ദ്രസാഹിത്യ അക്കാദമി പുരസ്‌കാരം ലഭിച്ചിട്ടുണ്ട്.[1] ഇംഗ്ലീഷ്, തമിഴ് ഭാഷകളിലായി അമ്പതോളം കൃതികൾ രചിച്ചു.
ജീവിതരേഖ[തിരുത്തുക]
തിരുനെൽവേലി കുറുംബലപ്പേരിയിൽ 1934-ൽ ജനിച്ച ലെനിൻ തങ്കപ്പ തമിഴിലും ഇംഗ്ലീഷിലും ഒരുപോലെ എഴുതിയിരുന്നു. തമിഴ്‌സാഹിത്യത്തിൽ ബിരുദാനന്തര ബിരുദം നേടിയ ശേഷം പുതുച്ചേരിയിലെത്തന്നെ ടാഗോർ ആർട്സ് കോളേജ് ഉൾപ്പെടെ കോളേജുകളിൽ തമിഴ് അധ്യാപകനായി. 1994-ലാണ് വിരമിച്ചത്.സംഘകാല കവിതകൾ കൂടാതെ രാമലിംഗ സ്വാമികൾ, സുബ്രഹ്മണ്യ ഭാരതി, ഭാരതിദാസൻ എന്നിവരുടെ കവിതകളും അദ്ദേഹം ഇംഗ്ലീഷിലേക്കു മൊഴിമാറ്റം നടത്തി. തേൻമൊഴി സാഹിത്യ മാസികയുടെ സ്ഥാപക പത്രാധിപരാണ്. പുതുച്ചേരിയിലെ സ്‌കൂളുകളിൽ ഇംഗ്ലീഷ് അധ്യാപകനായിരുന്നു.
2018 മേയ് 31ന് പുതുച്ചേരിയിൽ അന്തരിച്ചു.
കൃതികൾ[തിരുത്തുക]
- സംഘകാല കവിതകളുടെ വിവർത്തനം
- എ.ആർ. വെങ്കിടാചലപതിയുടെ ‘ലൗ സ്റ്റാൻഡ്‌സ് എലോൺ’ എന്ന കൃതിയുടെ വിവർത്തനം
- ആന്തൈപ്പുപാട്ട്,
- അദിച്ച ചുവടുകൾ,
- കല്ലും മൊന്തയും,
- മയക്കുരു മക്കൾ,
- അകമും പുറമും,
- പിന്നിരുന്തു ഒരു കുറൽ,
- പുയർപ്പുപാട്ട്
പുരസ്കാരങ്ങൾ[തിരുത്തുക]
- കേന്ദ്രസാഹിത്യ അക്കാദമി പുരസ്‌കാരം
- 1991-ൽ തമിഴ്‌നാട് സർക്കാരിന്റെ ഭാരതിദാസൻ പുരസ്‌കാരം
- സിർപ്പി സാഹിത്യ പുരസ്‌കാരം (2007)
അവലംബം[തിരുത്തുക]
- ↑ "ആർക്കൈവ് പകർപ്പ്". Archived from the original on 2018-06-07. Retrieved 2018-06-02.