ഉപയോക്താവ്:Azeezmanjiyil

വിക്കിപീഡിയ, ഒരു സ്വതന്ത്ര വിജ്ഞാനകോശം.

തൃശൂർ ജില്ലയിലെ മുല്ലശ്ശേരി തിരുനെല്ലൂർ ,രായംമരയ്‌ക്കാർ വീട്ടിൽ  മഞ്ഞിയിൽ ഖാദർ ,ഐഷ ദമ്പതികളുടെ പത്ത്‌ മക്കളിൽ ആറാമത്തവനായി 1959 ലാണ്‌ ജനനം.

തിരുനെല്ലൂർ പൗര പ്രമുഖനായിരുന്ന രായം മരക്കാർ വീട്ടിൽ മഞ്ഞിയിൽ ബാപ്പുട്ടി സാഹിബിന്റെ മകൻ ഖാദർ മഞ്ഞിയിലാണ്‌ അബ്‌ദുൽ അസീസിന്റെ പിതാവ്‌ .1982 ൽ പിതാവ്‌ ഇഹലോക വാസം വെടിഞ്ഞു.പാരമ്പര്യ ഭിഷഗ്വരന്മാരിൽ പ്രസിദ്ധനായിരുന്ന തൊയക്കാവ്‌ ഏർ‌ച്ചം വീട്ടിൽ അമ്മുണ്ണി വൈദ്യരുടെ മകളാണ്‌ മാതാവ്‌ ഐഷ.  അല്ലാഹുവിന്റെ അനുഗ്രഹത്താൽ തൊണ്ണൂറു കഴിഞ്ഞ മാതാവ്‌ ആരോഗ്യവതിയായി ജീവിച്ചിരിപ്പുണ്ട്‌.

1985 ലായിരുന്നു വിവാഹം.1999 അവസാനം വരെ കുടും‌ബം ദോഹയിലുണ്ടായിരുന്നു.അഞ്ച്‌ മക്കളുടെ പിതാവ്‌.ഖത്തറിലെ മാഫ്‌കൊ എന്ന സ്ഥാപനത്തിൽ ജോലി.മൂത്ത മകൻ അബ്‌സ്വാർ പതിമൂന്നാമത്തെ വയസ്സിൽ പരലോകം പൂകി.രണ്ടാമത്തെ മകൻ അൻസാർ അന്തർ ദേശീയ ഓൺലൈൻ സ്ഥപനമായ ആമസോൺ ചെന്നൈ ഓഫീസിൽ ജോലി ചെയ്യുന്നു. മുന്നാമത്തെ മകൾ ഹിബ ഡിഗ്രി പൂർ‌ത്തികരിച്ചു കൊണ്ടിരിക്കുന്നു.നാലമത്തെ മകൻ ഹമദ്‌ സിവിൽ സർവീസ്‌ പരിക്ഷക്ക്‌ ഒരുങ്ങുന്നു.താഴെയുള്ള മകൾ അമീന അഞ്ചാം തരത്തിൽ പഠിക്കുന്നു.മക്കളെല്ലാവരും സർഗസിദ്ധികളാൽ അനുഗഹിക്കപ്പെട്ടവരാണ്‌.മുതിർ‌ന്ന മക്കൾ മൂന്നു പേരും ഇസ്‌ലാമിക പ്രസ്ഥാനത്തിന്റെ ജില്ലാ പ്രാദേശിക ഉപ ഘടകങ്ങളിൽ നേതൃസ്ഥാനം വഹിക്കുന്നു. 

2000 മുതൽ മുല്ലശ്ശേരി ആരോഗ്യ കേന്ദ്രത്തിനു തൊട്ടാണ്‌ താമസം.വിശാല മഹല്ലിനും പ്രദേശത്തിനും വേണ്ടി സാധ്യമാകുന്ന സേവനങ്ങളിൽ സഹകരിച്ചു വരുന്നു.2010 മുതൽ അധികവും നാട്ടിലാണ്‌.കമ്പനി ആവശ്യപ്പെടുമ്പോൾ മാത്രം ദോഹയിലുണ്ടാകാറുള്ളൂ.ഇസ്‌ലാം ഓൺ‌ലൈവിലും തൂലികയിലും സോഷ്യൽ മീഡിയകളിലും സജീവം.

1966 മുതൽ 69 വരെ തിരുനെല്ലൂർ എ.എം.എൽ.പി സ്‌കൂളിലായിരുന്നു പ്രൈമറി വിദ്യാഭ്യാസം. സെന്റ്‌ ആന്റണീസ്‌ പുവ്വത്തൂരിൽ അപ്പർ പ്രൈമറിയും,ഹൈസ്‌കൂൾ പഠനം 1974 - 76 കളിൽ  വന്മേനാട്‌ എം.എ. എസ്.എം കലാലയത്തിലുമാണ്‌ അഭ്യസിച്ചത്‌.

1973 ൽ ഏഴാം തരം വരെയുള്ള മദ്രസാ പഠനത്തിനു വിരാമമിട്ടു.പിന്നീട്‌ ഏകദേശം ഒരു വർ‌ഷം കുടും‌ബ പേരിൽ അറിയപ്പെടുന്ന മഞ്ഞിയിൽ പള്ളിയിൽ പെരിഞ്ഞനം സുലൈമാൻ മുസ്‌ല്യാരുടെ ശിക്ഷണത്തിൽ ദർ‌സിൽ ചേർ‌ന്നു.ഇടക്ക്‌ വെച്ച്‌ പഠനം നിന്നു.വീണ്ടും 76/77 കളിൽ വന്മേനാട്‌ അബൂബക്കർ മുസ്‌ല്യാരുടെ ശിക്ഷണത്തിൽ പഠനം പുരോഗമിച്ചു.ഏകദേശം രണ്ട്‌ വർ‌ഷത്തിലധികം.ഇത്രയുമാണ്‌ മത പഠന രം‌ഗത്തെ പഴയ കാല ചരിത്രം.

1977 ൽ തിരുനെല്ലൂരിലേയും സമീപ പ്രദേശത്തേയും കലാകാരന്മാർ ഒരുക്കിയ ശാസ്‌ത്രീയ സംഗീത പ്രാധാന്യമുള്ള നാടകത്തിന്‌ ഗാനങ്ങളെഴുതാനുള്ള അവസരമാണ്‌ കലാ സാഹിത്യ രംഗത്തേയ്‌ക്കുള്ള കടന്നു വരവിന്റെ പ്രാരംഭം.വേലായുധൻ കൈരളി ആയിരുന്നു സംഗീത സംവിധാനം നിർവഹിച്ചത്‌. സംഗീത സംവിധാന മേഖലയിൽ പ്രസിദ്ധനായ മോഹൻ സിത്താരയെപ്പോലെയുള്ള കലാകാരന്മരുടെ ആദ്യ സംഗീതക്കളരിയായിരുന്നു കൈരളി.ഹൈസ്‌കൂൾ പഠനകാലത്ത് തന്നെ ഒട്ടേറെ രചനകൾ   പ്രസിദ്ധ ഗായകൻ കെ.ജി സത്താറിന്റെ ശബ്‌ദത്തിൽ ആകശവാണി പ്രക്ഷേപണം ചെയ്‌തിട്ടുണ്ട്.

ഹൈസ്‌കൂൾ  വിദ്യാഭ്യാസത്തിന്‌ ശേഷം ബോംബയിൽ ബിസിനസ്സ്‌ നടത്തിയിരുന്ന പിതാവിനൊപ്പം ചേർന്നു.ബോംബയിൽ സായാഹ്ന കോളേജിൽ നിന്ന്‌ ഹിന്ദി ഇംഗ്ലീഷ് ഭാഷകളിൽ പ്രാവീണ്യം നേടി.

1980 ഫിബ്രുവരി 15 നായിരുന്നു പ്രവാസത്തിന്റെ പ്രാരം‌ഭം.എന്നാൽ കമ്പനി രൂപീകരണവും മറ്റും നടന്നത്‌ രണ്ട്‌ വർ‌ഷങ്ങൾ‌ക്ക് ശേഷമായിരുന്നു.അതുവരെയുള്ള കാലം ഉടമയുടെ റുവൈസിലുള്ള അതിഥി മന്ദിരത്തിൽ കഴിയാനായിരുന്നു നിയോഗം.ഖത്തറിന്റെ തലസ്ഥാന നഗരിയായ ദോഹയിൽ നിന്നും നൂറിലേറെ കിലോമീറ്റർ ദൂരത്താണ്‌ റുവൈസ്‌ സ്ഥിതിചെയ്യുന്നത്.ഏകദേശം ബഹറൈനുമായി അഭിമുഖം നിൽ‌ക്കുന്ന പഴയ കാല ജനവാസ കേന്ദ്രങ്ങളിലൊന്നാണ്‌ റുവൈസ്.ഇവിടെ നിന്നും  മൂന്നു കിലോമീറ്റർ കിഴക്കു ഭാഗത്ത്‌ കടലോരത്താണ്‌ പ്രസ്‌തുത അതിഥി മന്ദിരം.

1982 മാഫ്കോ എന്ന കമ്പനിയുടെ സെക്രട്ടറി തസ്ഥികയിലായിരുന്നു തുടക്കം.തുടർ‌ന്ന്‌ അറബികൾ‌ക്കിടയിൽ ഏറെ പ്രസിദ്ധമായ തമീമ ട്രേഡിങിലും പിന്നീട്‌ ഈ കമ്പനിയുടെ വിവിധ വിഭാഗങ്ങളിലും പ്രവർ‌ത്തിക്കാൻ അവസരം ലഭിച്ചിരുന്നു.സജീവ ബ്ളോഗ് എഴുത്തുകാരനും കേരളത്തിലെ പ്രസിദ്ധമായ ഡി 4 മീഡിയയുടെ ഇസ്‌ലാം ഓൺ‌ലൈവ്‌ എന്ന ഇന്റർനെറ്റ്‌ പോർട്ടലിൽ കോളമിസ്റ്റുമാണ്‌.

മാണിക്യച്ചെപ്പ് എന്ന കവിതാ സമാഹാരം 1993-ൽ പ്രതീക്ഷ തൃശ്ശൂർ പുറത്തിറക്കിയിട്ടുണ്ട്. പ്രവാസി നാടകക്കാരൻ അഡ്വ:ഖാലിദ് അറയ്ക്കൽ എഴുതി അവതരിപ്പിച്ച നാടകങ്ങൾക്ക് വേണ്ടി ഗാനരചന നിർ‌വഹിച്ചിട്ടുണ്ട്‌.എ.വി എം ഉണ്ണിയുടെ ഉമറുബ്‌നു അബ്ദുൾ അസീസ് എന്ന ചരിത്രാഖ്യായികയ്ക്ക് വേണ്ടിയും ഗാനങ്ങളെഴുതിയിട്ടുണ്ട്.

1980 കളിൽ ബോംബെയിൽ നിന്നിറങ്ങിയിരുന്ന ഗൾഫ് മലയാളിയിൽ നിന്നു തുടങ്ങി നിരവധി ഓൺലൈൻ മാഗസിനുകളിലും ആനുകാലികങ്ങളിലും എഴുതുന്നുണ്ട്.1999 അവസാനത്തിൽ മധ്യേഷ്യയിൽ നിന്നുള്ള ആദ്യത്തെ ദ്വിഭാഷ വെബ്‌സൈറ്റ് (മലയാളം ഇംഗ്‌ളീഷ്‌)ലോഞ്ച് ചെയ്‌തുകൊണ്ടായിരുന്നു ഇന്റർനെറ്റ്‌ ലോകത്തേക്കുള്ള പടികയറ്റം.തൂലിക,കവിത,രചന,സാമൂഹികം എന്നീ തലക്കെട്ടുകളിൽ മഞ്ഞിയിൽ എന്ന ബ്ളോഗ്‌ ഓൺലൈൻ ലോകത്ത്‌ പ്രസിദ്ധമാണ്‌.

2003 ൽ കാലിക്കറ്റ്‌ സർവകലാശാലയുടെ വിദൂരവിദ്യാഭ്യാസ പദ്ധതിവഴി ഉപരി പഠനം  പൂർത്തീകരിച്ചു വരുമ്പോഴായിരുന്നു ദീർഘകാല അവധിയിൽ നാട്ടിൽ കഴിയേണ്ട സാഹചര്യം ഉണ്ടായത്. തന്റെ കഴിവുകൾ കൊണ്ട്‌ സഹൃദയരെ അത്ഭുതപ്പെടുത്തിയ മൂത്ത പുത്രൻ അബ്‌സാർ എന്ന പ്രതിഭയുടെ ആകസ്‌മിക വിയോഗം.

പ്രസംഗം എഴുത്ത് എന്നീ രംഗങ്ങളിൽ അബ്‌സാർ നടത്തിയ മികവ്` സമാനതകളില്ലാത്തവയായിരുന്നു. മഞ്ഞിയിൽ  കുടുംബത്തിനപ്പുറം സമൂഹത്തിനൊന്നടങ്കം ഇന്നും വേദനയൂറുന്ന ഓർമ്മയാണ്‌ അബ്‌സാർ.ഈ ബാലപ്രതിഭയുടെ ഓർമ്മകൾ രചനകൾ എന്നിവ പകർത്തിയ ബ്ളോഗ് ഏറെ വായനക്കാരുള്ള ഒന്നാണ്‌.

സ്വന്തം ഗ്രാമമായ തിരുനെല്ലൂരിനെ അടുത്തറിയാനുതകുന്ന സൈറ്റും പ്രാദേശിക കൂട്ടായ്‌മയായ ഉദയം പഠനവേദിയുടെ പേജും വെന്മേനാട്‌ പൂർവ വിദ്യാർഥി അദ്ധ്യാപക കൂട്ടായ്‌മയുടെ ബ്ളോഗും ഏറെ പ്രശംസ പിടിച്ചുപറ്റിയ ഓൺലൈൻ പ്രവർത്തനങ്ങളാണ്‌.പ്രാദേശിക സാമൂഹിക സാംസ്‌കാരിക രാഷ്‌ട്രീയ രംഗങ്ങളിൽ വിശിഷ്യാ ഓൺലൈൻ രംഗത്തെ സംഭാവനകൾ നിരവധിയത്രെ.കൾ‌ച്ചറൽ ഫോറം തൃശൂരിനു വേണ്ടിയുള്ള ബ്ലോഗും ഒരുക്കിയിരിക്കുന്നു.

സുബൈറയാണ് ഭാര്യ.അൻസാർ, ഹിബ, ഹമദ്, അമീന,പതിമൂന്നാം വയസ്സിൽ പൊലിഞ്ഞു പോയ ബാലപ്രതിഭ അബ്‌സ്വാർ എന്നിവരാണ് മക്കൾ.

azeezmanjiyil@gmail.com

www.facebook.com/azeezmanjiyil

"https://ml.wikipedia.org/w/index.php?title=ഉപയോക്താവ്:Azeezmanjiyil&oldid=2593444" എന്ന താളിൽനിന്നു ശേഖരിച്ചത്