സീതമ്മക്കുണ്ട് വെള്ളച്ചാട്ടം
വയനാട് ജില്ലയിലെ ഒരു വെള്ളച്ചാട്ടമാണ് സീതമ്മക്കുണ്ട് വെള്ളച്ചാട്ടം[1]. സൂചിപ്പാറ വെള്ളച്ചാട്ടത്തിൽ നിന്നും അഞ്ചു കിലോമീറ്റർ ദൂരെയാണ് ഈ വെള്ളച്ചാട്ടം സ്ഥിതി ചെയ്യുന്നത്. പാറക്കെട്ടുകൾക്ക് നടുവിൽ നിന്നും അധികം ഉയരത്തിലല്ലാതെ താഴെ പ്രകൃത്യാലുള്ള തടാകത്തിലേക്ക് ജലം പതിക്കുന്നു. വനത്തിൽ നിന്നും ഒഴുകുന്ന അരുവിയുടെ ഒരു ഭാഗമാണ് ഈ വെള്ളച്ചാട്ടം. മുണ്ടക്കൈ മാരിയമ്മൻ ക്ഷേത്രോത്സവത്തിന്റെ ഭാഗമായി കുംഭം ഇവിടെയാണ് ഒഴുക്കുന്നത്.
സീതാ ദേവിയ്ക്കു ദാഹിച്ചപ്പോൾ ജലം നൽകിയതിവിടെയാണെന്നും സീതാദേവി ഭൂമി പിളർന്നു താഴ്ന്നു പോയതിവിടെ വെച്ചാണെന്നും വിശ്വസിക്കപ്പെടുന്നു.
സീതാദേവിക്ക് വേണ്ടിയുള്ള പൂജകൾ ഇവിടെ പണ്ട് നടത്തിയിരുന്നു.
എത്തിച്ചേരാൻ[തിരുത്തുക]
ചൂരൽമലയിൽ നിന്നു നാലുകിലോമീറ്റർ ദൂരെയായി മുണ്ടക്കൈയിൽ ടൗൺ പരിസരത്തായാണ് വെള്ളച്ചാട്ടത്തിന്റെ സ്ഥാനം.
അവലംബം[തിരുത്തുക]
- ↑ "wayanadtravelinfo". Archived from the original on 2012-12-20. Retrieved 2012-01-10.
|
വയനാട് ജില്ലയുടെ ഭൂമിശാസ്ത്രവുമായി ബന്ധപ്പെട്ട ഈ ലേഖനം അപൂർണ്ണമാണ്‌. ഇതു വികസിപ്പിക്കുവാൻ സഹായിക്കുക. |