വെൽഫെയർ പാർട്ടി ഓഫ് ഇന്ത്യ

വിക്കിപീഡിയ, ഒരു സ്വതന്ത്ര വിജ്ഞാനകോശം.
വെൽഫെയർ പാർട്ടി ഓഫ് ഇന്ത്യ
നേതാവ് മുജ്തബ ഫാറൂഖ്
രൂപീകരിക്കപ്പെട്ടത് 2011
ആസ്ഥാനം ഡൽഹി
ആശയം മൂല്യാധിഷ്ഠിത രാഷ്ട്രീയം , ക്ഷേമരാഷ്ട്രം
തിരഞ്ഞെടുപ്പ് കമ്മീഷൻ പദവി പ്രാദേശിക പാർട്ടി(അൺറെക്കഗ്നൈസ്ഡ്)
വെബ്സൈറ്റ്
welfarepartykerala.org

2011-ൽ ഇന്ത്യയിൽ രൂപവൽകരിക്കപ്പെട്ട ഒരു രാഷ്ട്രീയ സംഘടനയാണ് വെൽഫെയർ പാർട്ടി ഓഫ് ഇന്ത്യ. 2011 ഏപ്രിൽ 18 ന് ഡൽഹിയിലെ മാവ്‌ല‌ങ്കർ ഹാളിലാണ് സംഘടന രൂപീകരിക്കപ്പെട്ടത്. പ്രഥമ അദ്ധ്യക്ഷൻ മുജ്തബാ ഫാറൂഖ് ആണ്[1]. ചുവപ്പ്, വെള്ള, പച്ച എന്നീ നിറങ്ങൾക്ക് നടുവിൽ ഗോതമ്പ് കതിർ ആലേഖനം ചെയ്തതാണ് സംഘടനയുടെ പതാക[2].

മൂല്യാധിഷ്ഠിത രാഷ്ട്രീയം;ക്ഷേമരാഷ്ട്ര സങ്കല്പം[തിരുത്തുക]

മൂല്യാധിഷ്ഠിതരാഷ്ട്രീയം ഉൾക്കൊള്ളുന്ന ബദൽ രാഷ്ടീയമാണ് സംഘടന ഉയർത്തിപ്പിടിക്കുക എന്ന് സംഘടന അവകാശപ്പെടുന്നു. അഴിമതി, കുറ്റകൃത്യം,സ്വാർഥത തുടങ്ങിയ എല്ലാതരത്തിലുള്ള ഇടുങ്ങിയ മുൻവിധികളിൽ നിന്നും മുക്തമായ ഉന്നത ധാർമ്മിക, നൈതിക മൂല്യങ്ങളെ അടിസ്ഥാനപ്പെടുത്തിയുള്ളതായിരിക്കും സംഘടനയുടെ രാഷ്ട്രീയം. ക്ഷേമരാഷ്ട്രമാണ് സംഘടനയുടെ ലക്ഷ്യം. ജനങ്ങളുടെ പോഷകാഹാരം, മാന്യമായ വസ്ത്രം,അനുയോജ്യമായ വീട്,മതിയായ ആരോഗ്യ സംരക്ഷണ സൗകര്യം പ്രാഥമിക വിദ്യാഭ്യാസം എന്നിവ ഒരു പൗരന്റെ അടിസ്ഥാന അവകാശമാണെന്നും അത് ഒരോ പൗരനും പൂർത്തീകരിച്ചു കൊടുക്കേണ്ടത് ഒരു രാഷ്ട്രത്തിന്റെ ബാധ്യതയാണെന്നും സംഘടന കണക്കാക്കുന്നു.

തെരഞ്ഞെടുപ്പ് രാഷ്ട്രീയം[തിരുത്തുക]

16ാം ലോക്സഭാ തെരഞ്ഞെടുപ്പിൽ(2014) വിവിധ സംസ്ഥാനങ്ങളിലായി 26 മണ്ഡലങ്ങളിൽ വെൽഫെയർപാർട്ടി സ്ഥാനാർഥികൾ മത്സരിച്ചു.[3] രൂപീകരിച്ച ശേഷം ആദ്യമായാണ് പാർട്ടി പൊതുതെരഞ്ഞെടുപ്പിനെ അഭിമുഖീകരിക്കുന്നത്[4][5]. 2,37,310 വോട്ട് നേടി.[6].

16മത് ലോകസഭാ തെരെഞ്ഞെടുപ്പ്[തിരുത്തുക]

കേരളം[തിരുത്തുക]

2014 ലെ തെരഞ്ഞെടുപ്പിൽ 5 സ്ഥാനാർഥികൾ മത്സരിച്ചു. 68,332 വോട്ട് (1.55 ശതമാനം) ലഭിച്ചു.

ക്രമ ന: സ്ഥാനാർഥി മണ്ഡലം ലഭിച്ച വോട്ട് സ്ഥാനം ശതമാനം
1 പ്രൊഫ. പി.ഇസ്മായീൽ മലപ്പുറം 29216 5 3.42
2 കെ.അംബുജാക്ഷൻ ചാലക്കുടി 12942 5 1.46
3 റംല മമ്പാട് വയനാട് 12645 5 1.38
4 തെന്നിലാപുരം രാധാകൃഷ്ണൻ പാലക്കാട് 8667 5 0.95
5 പ്രിയാ സുനിൽ ആറ്റിങ്ങൽ 4862 7 0.57

പശ്ചിമ ബംഗാൾ[തിരുത്തുക]

2012 പശ്ചിമബംഗാളിലെ ജംഗിപ്പൂരിൽ നടന്ന ഉപതെരഞ്ഞെടുപ്പിൽ 41,620 വോട്ട്(4.9ശതമാനം) വോട്ട് നേടിയിരുന്നു.[7].7 സ്ഥാനാർഥികൾ 2014 തെരഞ്ഞെടുപ്പിൽ മത്സരിച്ചു. 48,581 വോട്ട് നേടി. [8]

ക്രമ ന: സ്ഥാനാർഥി മണ്ഡലം ലഭിച്ച വോട്ട് സ്ഥാനം
6 മുനീറുൽ ഇസ്ലാം ജംഗിപ്പൂർ 9476 7
7 നൂറുൽ ഇസ്ലാം മൽദ ഉത്തർ 7128 7
8 അഡ്വ.പിജൂഷ് ബർമൻ കൂച്ച് ബീഹാർ 5731 10
9 മന്തു റാം ഹാൾഡർ മധുരാപൂർ 4674 6
10 മാനസാ സെൻ ശ്രീരാപൂർ 3406 8
11 നസ്മ യാസ്മീൻ ഡയമണ്ട് ഹാർബർ 3272 9
12 അഡ്വ.റഫീഖുൽ ഇസ്ലാം ബാരസാത് 6895 7
13 Md.ഹിശാമുദ്ദീൻ ദക്ഷിണ കൊൽക്കത്ത 1554 12
14 Md.ഖോദ ബക്ഷ് മുർശിദാബാദ് 6445 7

മഹാരാഷ്ട്ര[തിരുത്തുക]

ഏഴ് മണ്ഡലങ്ങളിലായാണ് മത്സരിച്ചത്. ആകെ 23,997 വോട്ടാണ് ലഭിച്ചത്.

ക്രമ ന: സ്ഥാനാർഥി മണ്ഡലം ലഭിച്ച വോട്ട് സ്ഥാനം
15 ശൈഖ് മുഖ്താര് കാസിം ധുലെ 765 18
16 ഫിറോസ് ഖാന് (സ്വ) നന്ദേഡ് 8088 5
17 അബ്റാര് അഹ്മദ് വാഷിം/യവറ്റ്മൽ 5672 9
18 സയ്യിദ് അബ്ദുൽ റഹീം പർഭാണി 2492 16
19 മിർസാ അഫ്സർബെഗ് ജൽന 2467 13
20 ഇഫ്തിഖാർ സാകി ബീഡ് 1628 21
21 സയ്യദ് സഫിയുദ്ദീന് ഔറംഗാബാദ് 2885 9

കർണ്ണാടക[തിരുത്തുക]

2013 ല് കര്ണാടകയില് നടന്ന നിയമസഭാ തെരഞ്ഞെടുപ്പില് 16 മണ്ഡലങ്ങളില് മത്സരിച്ചിരുന്നു.[9]

ക്രമ ന: സ്ഥാനാർഥി മണ്ഡലം ലഭിച്ച വോട്ട് സ്ഥാനം
22 അബ്ദുൽ ഹമീദ് ഫാറാൻ ബിദർ 3747 10

ആന്ധ്രാപ്രദേശ്[തിരുത്തുക]

ആന്ധ്രാപ്രദേില് തദ്ദേശ സ്വയംഭരണ തെരഞ്ഞെടുപ്പിലേക്ക് നടന്ന തെരഞ്ഞെടുപ്പില് ശ്രദ്ധേടമായ മത്സരം കാഴ്ചവെച്ചു. 2014 ല് 4 ലോക്സഭാ മണ്ഡലത്തിലേക്കും (ലഭിച്ച വോട്ട്-92653) 13 അസംബ്ലി മണ്ഡലത്തിലങ്ങളിലേക്കും (ലഭിച്ച വോട്ട്-8619)മത്സരിച്ചു.[10]

ക്രമ ന: സ്ഥാനാർഥി മണ്ഡലം ലഭിച്ച വോട്ട് സ്ഥാനം
23 മലിക് മുഅ്തസിം ഖാൻ നിസാമാബാദ് 43814 4
24 ശൈഖ് മഹ്മദൂദ് കരിംനഗര് 39,325 4
25 നഗെല്ല ഏലിയ കുർനൂൽ 1990 11
26 കമ്പള സുബ്രമണ്യൻ വിജയവാഡ 7524 4

ഭാരവാഹികൾ[തിരുത്തുക]

  • അധ്യക്ഷൻ: മുജ്തബ ഫാറൂഖ് [2]
  • ഉപാധ്യക്ഷന്മാർ: ഇല്യാസ് അസ്മി, ഫാദർ അബ്രഹാം ജോസഫ്, മൗലാന അബ്ദുൽ വഹാബ് കിൽജി, സഫർ ഇസ്ലാം ഖാൻ
  • ജനറൽ സെക്രട്ടറിമാർ: ഡോ. എസ്.ക്യു.ആർ ഇല്യാസ്, പ്രൊഫ. സുഹൈൽ അഹമദ് ഖാൻ, പ്രൊഫ. രമ പഞ്ചൽ, ഖാലിദ പർവീൺ, പി.സി. ഹംസ.
  • ഖജാൻജി: ഡോ. അബ്ദുസ്സലാം വാണിയമ്പലം
  • സെക്രട്ടറിമാർ: പ്രൊഫ. രമ സൂര്യ റാവു, അക്തർ ഹുസൈൻ അക്തർ, അഡ്വ. ആമിർ റഷീദ്, സുബ്രമണി

കേരളത്തിൽ[തിരുത്തുക]

2011 ഒക്ടോബർ 19 ന് കേരള ഘടകം നിലവിൽ വന്നു.[11]

വെൽഫെയർ പാർട്ടി സംസ്ഥാന പ്രഖ്യാപനത്തിൽ പ്രസിഡന്റ് കൂട്ടിൽ മുഹമ്മദാലി നയപ്രഖ്യാപനം നടത്തുന്നു
  • പ്രസിഡന്റ്: അബ്ദുൽ ഹമീദ് വാണിയമ്പലം
  • വൈസ് പ്രസിഡന്റുമാർ: തെന്നിലാപുരം രാധാകൃഷ്ണൻ, പ്രേമ ജി. പിഷാരടി, സുരേന്ദ്രൻ കരിപ്പുഴ,
  • ജനറൽ സെക്രട്ടറിമാർ: കെ. അംബുജാക്ഷൻ, പി.എ. അബ്ദുൽ ഹകീം
  • ഖജാൻജി: പ്രഫ. പി. ഇസ്മായീൽ
  • സെക്രട്ടറിമാർ: കെ.എ. ഷെഫീഖ്, ശ്രീജ നെയ്യാറ്റിൻകര, റസാഖ് പാലേരി, ശശി പന്തളം,
  • എക്‌സിക്യൂട്ടീവ് അംഗങ്ങൾ: കെ.സജീദ്, പ്രിയ സുനിൽ
  • വർക്കിങ് കമ്മിറ്റിയംഗങ്ങൾ: ഡോ. കൂട്ടിൽ മുഹമ്മദലി, ഇ.സി. ആയിശ, പി.സി. ഭാസ്‌കരൻ, നാണി ടീച്ചർ, ടി. മുഹമ്മദ്, ഡോ.സി.എം. നസീമ, റംല മമ്പാട്, ജോസഫ് ജോൺ, ബിനു വയനാട്, സി. അഹ്മദ് കുഞ്ഞി, കെ.ജി. മോഹനൻ വൈദ്യർ, സലീം മമ്പാട്, ജോൺ അമ്പാട്ട്, ഉഷാകുമാരി, എം.ടി. ഷിബു

ആരോപണങ്ങൾ[തിരുത്തുക]

ജമാഅത്തെ ഇസ്ലാമിയുമായുള്ള ബന്ധം[തിരുത്തുക]

വർഷങ്ങളോളം രാഷ്ട്രീയത്തിൽ നേരിട്ട് ഇടപെടാതിരുന്ന ജമാഅത്തെ ഇസ്ലാമി മുൻ കൈ എടുത്തു രൂപം കൊടുത്തതാണ് [12] വെൽഫെയർ പാർട്ടി എന്ന് വിലയിരുത്തപ്പെടുന്നു.

പുറം കണ്ണികൾ[തിരുത്തുക]

Commons:Category
വിക്കിമീഡിയ കോമൺസിലെ Welfare Party of India എന്ന വർഗ്ഗത്തിൽ ഇതുമായി ബന്ധപ്പെട്ട കൂടുതൽ പ്രമാണങ്ങൾ ലഭ്യമാണ്:

അവലംബങ്ങൾ[തിരുത്തുക]