മുഹമ്മദ് അസദ്

ഇംഗ്ലീഷ് വിലാസം

http://ml.wikipedia.org/wiki/Mohammed_Asad

മുഹമ്മദ് അസദ്
ജനനം	ലിയൊപോൾഡ് വെയ്സ് ജൂലൈ 2, 1900 ലിവിവ്, ഉക്രൈൻ (നേരത്തെ ലൊവോവ്, ആസ്ട്രോ-ഹംങ്കേറിയൻ സാമ്രാജ്യം)
മരണം	ഫെബ്രുവരി 20, 1992 സ്പെയിൻ
ഭവനം	സ്പെയിൻ
തൊഴിൽ	എഴുത്തുകാരൻ
മതം	ഇസ്‌ലാം (മുമ്പ് ജൂതമതം)
ജീവിത പങ്കാളി	പൗള ഹമീദ അസദ്

ഒരു ഗ്രന്ഥകാരനും പാകിസ്താന്റെ മുൻ യു.എൻ അംബാസഡറുമാണ്‌ മുഹമ്മദ് അസദ് അഥവാ ലിയോ പോൾഡ് വെയ്‌സ്(ഇംഗ്ലീഷ്:Mohammed Asad/Leopold Weiss). മുഹമ്മദ് അസദിന്റെ "റോഡ് ടു മക്ക" (മക്കയിലേക്കുള്ള പാത) എന്ന പ്രശസ്ത ഗ്രന്ഥം മലയാളമുൾപ്പെടെയുള്ള നിരവധി ഭാഷകളിലേക്ക് വിവർത്തനം ചെയ്യപ്പെട്ടിട്ടുണ്ട്. പ്രഗല്ഭനായ നരവംശ ശാസ്ത്രജ്ഞൻ തലാൽ അസദ് മുഹമ്മദ് അസദിന്റെ മകനാണ്‌. 1900 ജൂലൈ 2 ന്‌ ഇന്നത്തെ ഉക്രൈനിലെ ലിവിവ് എന്ന സ്ഥലത്ത് ജനിച്ച അസദ് തന്റെ തൊണ്ണൂറ്റി രണ്ടാം വയസ്സിൽ സ്‌പെയ്നിൽ വെച്ച് മരണമടഞ്ഞു. ജൂതമതസ്ഥനായിരുന്ന ഇദ്ദേഹം പിൽക്കാലത്ത് ഇസ്‌ലാം മതം സ്വീകരിച്ചിരുന്നു.

ജീവിതരേഖ

റബ്ബികളുടെ നീണ്ട പാരമ്പര്യമുള്ള ആളായിരുന്നു മുഹമ്മദ് അസദ്. അച്ഛൻ ഒരു ബാരിസ്റ്ററായിരുന്നു. നല്ല മതവിദ്യാഭ്യാസം നേടിയ അസദ് ചെറുപ്പത്തിലേ ഹീബ്രുവും അരാമികും വശമാക്കി. പഴയനിയമ‌വും തൽമൂദും അദ്ദേഹം പഠിച്ചു.വിയന്ന സർ‌വ്വകലാശാലയിലെ പഠനമുപേക്ഷിച്ച അസദ്,1920 കളിൽ കുറച്ചു കാലം ജർമനിയിൽ അലക്ഷ്യനായി അലഞ്ഞു.

പിന്നീട് ബ്രിട്ടീഷ് മാൻഡേറ്റിലുള്ള പലസ്തീനിലേക്കു പോവുകയും തന്റെ അമ്മാവന്റെ കുടെ താമസമാക്കുകയും ചെയ്തു. അവിടെ ഒരു സ്വതന്ത്ര പത്രപ്രവത്തകനായി “ഫ്രാങ്ക്ഫർട്ട സീറ്റൻ‌ക്” എന്ന പത്രസ്ഥാപനത്തിനുവേണ്ടി ജോലി ചെയ്തു. അദ്ദേഹത്തിന്റെ ലേഖനങ്ങൾ സയണിസത്തിനെതിരെ അറബികളുടെ പ്രയാസങ്ങളും ഭയവും തിരിച്ചറിഞ്ഞുള്ളവയായിരുന്നു. യാദൃച്ഛികമായി ഈ പത്രത്തിന്റെ മുഴുസമയ വിദേശകാര്യ ലേകഖനായി അസദ് പിന്നീട് തിരഞ്ഞെടുക്കപ്പെട്ടു. ഇസ്‌ലാമുമായുള്ള അദ്ദേഹത്തിന്റെ ബന്ധം ഈ അവസരത്തിലാണ്‌ ശക്തമാകുന്നത്. ഈ ബന്ധം ഇസ്‌ലാം സ്വീകരിക്കാൻ അദ്ദേഹത്തെ പ്രേരിപ്പിക്കുകയും 1926 ഇസ്‌ലാം മതം സ്വീകരിക്കുകയും ചെയ്തു. ഇസ്‌ലാമിനെ കുറിച്ച് അദ്ദേഹം പറയുന്നു:

“ഒരു തികവുറ്റ ശില്പമായിട്ടാണ്‌ ഇസ്‌ലാം എനിക്ക് അനുഭവപ്പെട്ടത്. അതിന്റെ ഓരോ ഭാഗങ്ങളും പരസ്പരംപൂരകമായതും ഇണങ്ങി നിൽകുന്നതുമായി തോന്നി. ഏതിന്റെയെങ്കിലും അഭാവമുള്ളതായോ അല്ലെങ്കിൽ എന്തെങ്കിലും മുഴച്ചു നിൽകുന്നതായോ കാണുന്നില്ല. സന്തുലിതവും ശക്തവുമായ ഒരു ഘടനയാണ്‌ അതിനുള്ളത്.”

ഗ്രന്ഥങ്ങൾ

നിരവധി ഗ്രന്ഥങ്ങൾ രചിച്ചിട്ടുണ്ട് മുഹമ്മദ് അസദ്. ചില പുസ്തകങ്ങൾ താഴെ:

• റോഡ് ടു മക്ക
• ദ മെസ്സേജ് ഓഫ് ദ ഖുർ‌ആൻ
• സ്വഹീഹുൽ ബുഖാരിയുടെ വിവർത്തനവും വ്യാഖ്യാനവും
• ദിസ് ലാ ഓഫ് അവേഴ്സ്
• ഇസ്‌ലാം അറ്റ് ദ ക്രോസ് റോഡ്

"റോഡ് ടു മക്ക" മലയാളത്തിൽ

അസദിന്റെ "റോഡ് ടു മക്ക" എന്ന ഗ്രന്ഥം സാഹിത്യകാരൻ എം.എൻ. കാരശ്ശേരി "മക്കയിലേക്കുള്ള പാത" എന്ന പേരിൽ വിവർത്തനം ചെയ്ത് കോഴിക്കോട്ടെ ഇസ്‌ലാമിക് പബ്ലിഷിങ് ഹൗസ് പ്രസിദ്ധീകരിച്ചിട്ടുണ്ട്. അസദിന്റെ ജീവചരിത്രാംശമുള്ള ഈ ഗ്രന്ഥം തന്റെ ഇസ്‌ലാം മതം ആശ്ലേഷിക്കുന്നതിലേക്ക് നയിച്ച മധ്യേഷ്യൻ യാത്രകൾ കോറിയിടുന്നു. ഒപ്പം സയണിസത്തിന്റെ വളർച്ചയെ കുറിച്ച ചിന്തകളും പങ്കുവെക്കുന്നു

പുറം കണ്ണികൾ

• പ്രബോധനം ഹദീഥ് പതിപ്പ്2007
• Online Quran Project includes the Qur'an translation of Muhammad Asad (both the original English and the Spanish translation).

• The English translation by Muhammad Asad at the Online Quran Project
• The Spanish translation by Muhammad Asad at the Online Quran Project

• M. Asad's Contributions to Pakistan
• Brief Biography
• Compared Translations of the meaning of the Quran
• The Message of the Qur'an: Complete with commentary (HTML)
• Translation with commentary
• Translation without commentary
• Ben-David, Amir. Leopold of Arabia. Haaretz.com. [1][2]
• Martin Kramer. The Road from Mecca: Muhammad Asad
• Film by Georg Misch: A ROAD TO MECCA - The Journey of Muhammad Asad
• Short commentary on The Road To Mecca