പി.സി. അലക്സാണ്ടർ

വിക്കിപീഡിയ, ഒരു സ്വതന്ത്ര വിജ്ഞാനകോശം.
പി.സി. അലക്സാണ്ടർ


പദവിയിൽ
12 ജനുവരി 1993 – 13 ജൂലൈ2002
മുൻ‌ഗാമി സി. സുബ്രഹ്മണ്യം
പിൻ‌ഗാമി മൊഹമ്മദ് ഫസൽ

പദവിയിൽ
17 ഫെബ്രുവരി 1988 – 24 മേയ് 1990
മുൻ‌ഗാമി സുന്ദർ ലാൽ ഖുറാന
പിൻ‌ഗാമി സുർജിത് സിങ് ബർണാല

പദവിയിൽ
19 ജൂലൈ1996 – 15 ജനുവരി 1998
മുൻ‌ഗാമി രമേഷ് ഭണ്ഡാരി
പിൻ‌ഗാമി ടി.ആർ. സതീഷ് ചന്ദ്രൻ

ജനനം 1921 മാർച്ച് 20(1921-03-20)
മാവേലിക്കര, കേരളം , ഇന്ത്യ
മരണം 2011 ഓഗസ്റ്റ് 10(2011-08-10) (പ്രായം 90)
ചെന്നൈ, ഇന്ത്യ
ദേശീയത ഇന്ത്യൻ
ബിരുദം കേരള യൂനിവേഴ്‌സിറ്റി
അണ്ണാമലൈ യൂനിവേഴ്‌സിറ്റി
വൈദഗ്ദ്ധ്യം സിവിൽ സെർവന്റ്
രാഷ്ട്രീയപ്രവർത്തകൻ
പൊതുകാര്യസ്ഥൻ
മതം ക്രിസ്ത്യൻ

ഒരു ഇന്ത്യൻ രാഷ്ട്രീയ പ്രവർത്തകനായിരുന്നു പി.സി. അലക്സാണ്ടർ എന്ന പടിഞ്ഞാറേത്തലക്കൽ ചെറിയാൻ അലക്സാണ്ടർ (മാർച്ച് 20, 1921 - ഓഗസ്റ്റ് 10, 2011). 1988 മുതൽ 1990 വരെ തമിഴ്നാട് ഗവർണറായും 1993 മുതൽ 2002 വരെ മഹാരാഷ്ട്ര ഗവർണറായും പ്രവർത്തിച്ചിട്ടുണ്ട്. 2002-ൽ ഇന്ത്യൻ രാഷ്ട്രപതി സ്ഥാനത്തേക്ക് പരിഗണിക്കപ്പെട്ടിരുന്നു. മഹാരാഷ്ട്ര ഗവർണായിരിക്കുമ്പോൾ തന്നെ 1996 മുതൽ 1998 വരെ ഗോവ ഗവർണറുടെ അധികച്ചുമതലയും വഹിച്ചിട്ടുണ്ട്. 2002 ജൂലൈ 29 മുതൽ 2008 ഏപ്രിൽ 1 വരെ രാജ്യസഭയിൽ മഹാരാഷ്ട്ര സംസ്ഥാനത്തെ സ്വതന്ത്രനായി പ്രതിനിധീകരിച്ചിട്ടുണ്ട്[1].വാണിജ്യ മന്ത്രാലയ സെക്രട്ടറിയായി നാലുവർഷവും ലണ്ടനിലെ ഇന്ത്യൻ ഹൈക്കമ്മീഷണറായി മൂന്നു വർഷവും സേവനം അനുഷ്ഠിച്ചു[2].

ഇന്ത്യൻ പ്രധാനമന്ത്രിമാരായ ഇന്ദിരാഗാന്ധി, രാജീവ്ഗാന്ധി എന്നിവരുടെ പ്രിൻസിപ്പൽ സെക്രട്ടറിയായും, ബ്രിട്ടനിലെ ഇന്ത്യൻ ഹൈക്കമീഷണർ ആയും ഇദ്ദേഹം പ്രവർത്തിച്ചിട്ടുണ്ട്[2].രാഷ്ട്രീയ പരമായ സുപ്രധാന വെളിപ്പെടുത്തലുകളുടെ പേരിൽ ത്രൂ ദി കോറിഡോർസ് ഓഫ് പവർ എന്ന ആത്മകഥ ശ്രദ്ധ നേടിയിരുന്നു[2].

1921 മാർച്ച് 20-ന് മാവേലിക്കരയിൽ പടിഞ്ഞാറേത്തലയ്ക്കൽ ചെറിയാൻ മറിയാമ്മ ദമ്പതികളുടെ മകനായി ജനിച്ചു. 1948-ൽ ഐ.എ.എസ്. നേടി. 1981-ൽ പ്രാധാനമന്ത്രിയുടെ പ്രിൻസിപ്പൽ സെക്രട്ടറി പദവിയിൽ പ്രവേശിച്ചു.

2011 ഓഗസ്റ്റ് 10-നു് രാവിലെ 8.30-നു് ചെന്നൈയിലെ മദ്രാസ് മെഡിക്കൽ മിഷൻ ആശുപത്രിയിൽ വെച്ച് അന്തരിച്ചു[2].

അവലംബം[തിരുത്തുക]

  1. http://164.100.47.5/Newmembers/alphabeticallist_all_terms.aspx - Members of Rajya Sabha
  2. 2.0 2.1 2.2 2.3 ഡോ.പി.സി.അലക്‌സാണ്ടർ അന്തരിച്ചു

പുറമെ നിന്നുള്ള കണ്ണികൾ[തിരുത്തുക]

"http://ml.wikipedia.org/w/index.php?title=പി.സി._അലക്സാണ്ടർ&oldid=1765866" എന്ന താളിൽനിന്നു ശേഖരിച്ചത്