പട്ടുനൂൽപ്പുഴു

വിക്കിപീഡിയ, ഒരു സ്വതന്ത്ര വിജ്ഞാനകോശം.
പട്ടുനൂൽപ്പുഴു
Silkworms3000px.jpg
പുഴുക്കൾ
ശാസ്ത്രീയ വർഗ്ഗീകരണം
സാമ്രാജ്യം: ജന്തു
ഫൈലം: ആർത്രോപോഡ
ക്ലാസ്സ്‌: ഷഡ്പദങ്ങൾ
നിര: ചിത്രശലഭം
കുടുംബം: ബോംബിസിഡേ
ജനുസ്സ്: ബോംബിക്സ്
വർഗ്ഗം: ബൊ. മോറി
ശാസ്ത്രീയ നാമം
ബൊംബാക്സ് മോറി
(Linnaeus, 1758)
പര്യായങ്ങൾ

Phalaena mori Linnaeus, 1758

മനുഷ്യർ വളർത്തുന്ന "ബോംബിക്സ് മോറി" എന്ന പട്ടുശലഭങ്ങളുടെ ജീവിതചക്രത്തിലെ പുഴുഘട്ടമാണ് പട്ടുനൂൽപ്പുഴു. പട്ടുനൂലിന്റെ മുഖ്യ ഉല്പാദകർ എന്നനിലയിൽ സാമ്പത്തികപ്രാധാന്യമുള്ള ജീവികളാണിവ. വെൺമൾബറി ചെടിയുടെ ഇലകളാണ് ഇവയുടെ ഇഷ്ടാഹാരമെങ്കിലും ഏതു മൾബെറിച്ചെടിയുടെ ഇലകളും ഒസാഞ്ച് നാരങ്ങയുടെ ഇലകളും ഇവ ആഹരിക്കും. മനുഷ്യനിർമ്മിതമായ സാഹചര്യങ്ങളെ ആശ്രയിച്ചു മാത്രമാണ് ഇവയുടെ പ്രത്യുല്പാദനം.

പട്ട് ഉല്പാദിപ്പിക്കാനായി പട്ടുനൂൽപ്പുഴുക്കളെ വളർത്തുന്ന സമ്പ്രദായം 5000 വർഷം മുൻപെങ്കിലും ചൈനയിൽ തുടങ്ങിയതാണ്.[1] അവിടന്ന് അത് കൊറിയ, ജപ്പാൻ എന്നിവിടങ്ങളിലും പിന്നീട് ഇന്ത്യയിലും പാശ്ചാത്യനാടുകളിലും പ്രചരിച്ചു. ഉത്തരേന്ത്യ, ചൈന, കൊറിയ, ജപ്പാൻ, കിഴക്കൻ റഷ്യ എന്നിവിടങ്ങളിൽ പ്രകൃതിയിൽ വളരുന്ന "ബൊംബാക്സ് മന്താരിന" എന്ന പുഴുവിൽ നിന്നാണ് പട്ടുനൂൽപ്പുഴു വേർതിരിഞ്ഞു വന്നത്. മനുഷ്യർ വളർത്തുന്ന പട്ടുനൂൽപ്പുഴുവിന്റെ പൂർവികർ ചൈനയിൽ നിന്നാണ്.[2][3]

നവീനശിലായുഗത്തിനു മുൻപ് പട്ടുനൂൽപ്പുഴുക്കളെ വളർത്തിയിരിക്കാൻ സാദ്ധ്യതയില്ല: സിൽക്കു നാരിൽ നിന്ന് വൻതോതിൽ പട്ടു നിർമ്മിക്കാനുള്ള ഉപകരണങ്ങൾ അതിനു മുൻപ് വികസിച്ചിരുന്നില്ല. മനുഷ്യർ വളർത്തുന്ന "ബൊംബാക്സ് മോറി" എന്ന ഇനത്തിലും പ്രകൃതിയിൽ വളരുന്ന "ബൊംബാക്സ് മന്താരിന" എന്ന ഇനത്തിലും പെട്ട ശലഭങ്ങൾ ഇണചേർന്ന് സങ്കരജീവികൾ ഉണ്ടാവുക സാദ്ധ്യമാണ്.[4]

പട്ടുനൂൽ[തിരുത്തുക]

പ്ട്ടുനൂൽപ്പുഴു സ്വന്തംശരീരത്തിൽ നിന്ന് ഉണ്ടാവുന്ന പ്ട്ടുനൂലുകൊണ്ട് പുഴുപ്പോതി ഉണ്ടാക്കി സമാധിയിരിക്കും. 300 മീറ്ററോളാം നീളാമുള്ള നൂലുകൊണ്ട് മൂന്നു ദിവസംകൊണ്ടാണ് പുഴുപ്പൊതി ഉണ്ടാക്കുന്നത്.1-12 ദിവസംകൊണ്ട് പുഴു നിശാശലഭമായി പുറത്തുവരും. ഈ ശമയത്ത് കൂട് പൊട്ടിച്ചാണ് പുറത്തുവരുന്നത്. അപ്പോൾ ഒറ്റ നൂളായികിട്ടാൻ സാദ്ധ്യതയില്ലാത്തതിനാൽ അതിനുമുമ്പേ ചൂടുവെള്ളമോ വ്ഇഷവായുവോ ഉപ്യോഗിച്ച് സമാധിയിലുള്ള പുഴുവിനെ കൊന്ന് നൂൽ എടുക്കുകയാണ് ചെയ്യുന്നത്.[5]

അവലംബം[തിരുത്തുക]

  1. E. J. W. Barber (1992). Prehistoric Textiles: the Development of Cloth in the Neolithic and Bronze Ages with Special Reference to the Aegean. Princeton University Press. p. 31. ഐ.എസ്.ബി.എൻ. 978-0-691-00224-8. 
  2. K. P. Arunkumar, Muralidhar Metta & J. Nagaraju (2006). "Molecular phylogeny of silkmoths reveals the origin of domesticated silkmoth, Bombyx mori from Chinese Bombyx mandarina and paternal inheritance of Antheraea proylei mitochondrial DNA". Molecular Phylogenetics and Evolution 40 (2): 419–427. PMID 16644243. ഡി.ഒ.ഐ.:10.1016/j.ympev.2006.02.023. 
  3. Hideaki Maekawa, Naoko Takada, Kenichi Mikitani, Teru Ogura, Naoko Miyajima, Haruhiko Fujiwara, Masahiko Kobayashi & Osamu Ninaki (1988). "Nucleolus organizers in the wild silkworm Bombyx mandarina and the domesticated silkworm B. mori". Chromosoma 96 (4): 263–269. ഡി.ഒ.ഐ.:10.1007/BF00286912. 
  4. Brian K. Hall (2010). Evolution: Principles and Processes. Topics in Biology. Jones & Bartlett Learning. p. 400. ഐ.എസ്.ബി.എൻ. 978-0-7637-6039-7. 
  5. പേജ് 236, ബാല കൈരളി വിജ്ഞാനകോശം, സംസ്ഥാന ബാല സാഹിത്യ ഇൻസ്റ്റിറ്റ്യൂട്ട്

പുറത്തേക്കുള്ള കണ്ണികൾ[തിരുത്തുക]

Commons:Category
വിക്കിമീഡിയ കോമൺസിലെ Bombyx mori എന്ന വർഗ്ഗത്തിൽ ഇതുമായി ബന്ധപ്പെട്ട കൂടുതൽ പ്രമാണങ്ങൾ ലഭ്യമാണ്:
"http://ml.wikipedia.org/w/index.php?title=പട്ടുനൂൽപ്പുഴു&oldid=1966759" എന്ന താളിൽനിന്നു ശേഖരിച്ചത്