നിക്കരാഗ്വ തടാകം

വിക്കിപീഡിയ, ഒരു സ്വതന്ത്ര വിജ്ഞാനകോശം.
നിക്കരാഗ്വ തടാകം
Lake Nicaragua.jpg
Lake Nicaragua
Ometepemap.png
Location Nicaragua
നിർദ്ദേശാങ്കങ്ങൾ 11°37′N 85°21′W / 11.617°N 85.350°W / 11.617; -85.350Coordinates: 11°37′N 85°21′W / 11.617°N 85.350°W / 11.617; -85.350
Primary outflows San Juan River
Catchment area 23,844 km²
Basin countries Nicaragua
വിസ്തീർണ്ണം 8,264 km²
പരമാവധി ആഴം 26 m
Water volume 108.00 km³
Surface elevation 32.7 m
Islands 400+ (Ometepe, Zapatera, Solentiname)

തെക്കു പടിഞ്ഞാറൻ നിക്കരാഗ്വയിലെ ഒരു ശുദ്ധജല തടാകമാണ് നിക്കരാഗ്വ തടാകം.സമുദ്രനിരപ്പിൽ നിന്നും സുമാർ 32 മീറ്റർ ഉയരത്തിലായി സ്ഥിതിചെയ്യുന്നു. ഈ തടാകത്തിന് ഏകദേശം 154 കിലോമീറ്റർ നീളവും 63 കിലോമീറ്റർ വീതിയുമുണ്ട് 70 മീറ്റർ ആണ് പരമാവധി ആഴം . വിസ്തീർണം സുമാർ 8030 ച.കി.മീ.

ഏറ്റവും വലിയ തടാകം[തിരുത്തുക]

മധ്യ-അമേരിക്കയിലെ ഏറ്റവും വലിയ തടാകമായ നിക്കരാഗ്വ, ലോകത്തിലെതന്നെ വിസ്തൃതമായ ഒരു ശുദ്ധജല തടാകം കൂടിയാണ്. ഏതാണ്ട് ദീർഘവൃത്താകൃതിയിൽ വ്യാപിച്ചിരിക്കുന്ന ഈ തടാകം വീതികുറഞ്ഞ റിവാസ് (Rivas) കരയിടുക്കിനാൽ പസിഫിക് സമുദ്രത്തിൽ നിന്നും വേർതിരിക്കപ്പെട്ടിരിക്കുന്നു. 19 കി.മീ. ആണ്. ഈ കടലിടുക്കിന്റെ പരമാവധി വീതി. ലവണാംശമുള്ള ജലത്തിൽ മാത്രം കാണപ്പെടുന്ന സ്രാവ്, ടാർപ്പൺ (tarpon) തുടങ്ങിയ മത്സ്യങ്ങളെ നിക്കരാഗ്വ തടാകത്തിൽ കാണാം. അഗ്നിപർവത പ്രവർത്തനങ്ങളുടെ ഫലമായി സമുദ്രത്തിൽ നിന്നും വേറിട്ട ഈ ജലാശയത്തിലെ ലവണാംശം ക്രമേണ നഷ്ടപ്പെട്ട് ശുദ്ധജലമത്സ്യങ്ങൾക്കും മറ്റു ജലജീവികളൾക്കും ജീവിക്കാൻ അനുയോജ്യമായ ആവാസവ്യവസ്ഥ സംജാതമായി എന്നാണ് നിഗമനം.

തടാകത്തിലെ മറ്റുദ്വീപുകൾ[തിരുത്തുക]

നിക്കരാഗ്വ തടാകത്തിൽ അനേകം ചെറുദ്വീപുകൾ സ്ഥിതിചെയ്യുന്നുണ്ട്. പ്രകൃതിമനോഹരമായ ഈ ദ്വീപുകൾ വിനോദ സഞ്ചാരികളുടെ പ്രധാന സന്ദർശനകേന്ദ്രങ്ങളാണ്. തടാകത്തിന്റെ വടക്ക് സാപറ്റേറ ദ്വീപും (Zapatera)[1] തെക്ക് സോളൻറ്റിനേം (solentiname)[2] ദ്വീപുകളും സ്ഥിതിചെയ്യുന്നു. ഇവയ്ക്ക് മധ്യേയാണ് ഏറ്റവും വലിയ ദീപായ ഒമെറ്റേപെ (Ometepe)യുടെ സ്ഥാനം.[3] കൺസപ്സിയോൺ (concepcion),[4] മാഡെറാസ് (Maderas) എന്നീ രണ്ടു അഗ്നിപർവതങ്ങളും ഈ ദ്വീപുകളിൽ സ്ഥിതിചെയ്യുന്നുണ്ട്. പ്രീ കാംമ്പ്രിയൻ ശിലാരൂപങ്ങളാണ് സാപറ്റേറ ദ്വീപിലെ മുഖ്യആകർഷണം പ്രത്യേക ആകൃതിയിൽ ഇവിടെ നിർമിക്കുന്ന കളിമൺ പാത്രങ്ങൾ ശ്രദ്ധേയമാണ്. തടാകത്തിന്റെ വടക്കു പടിഞ്ഞാറൻ തീരത്തുള്ള ഗ്രനഡ (granada) നിക്കരാഗ്വയിലെ ഒരു |തുറമുഖമാണ്.

വടക്കു പടിഞ്ഞാറുള്ള മാനാഗ്വ (manague) തടാകത്തിന്റെ ജലനിർഗമനമാർഗമായ ടിപിടാപ (Tipitapa) നദി നിക്കാരാഗ്വ തടാകത്തിന്റെ വടക്കുപടിഞ്ഞാറ് വച്ച് തടാകത്തിലേക്ക് പ്രവേശിക്കുന്നു. സാൻ ജവാൻ നദി (san Juan) ഈ തടാകത്തിലെ ജലം കാരബീയൻ കടലിലെത്തിക്കുന്നു.

അവലംബം[തിരുത്തുക]

  1. http://vianica.com/go/specials/29-zapatera-island-nicaragua.html Zapatera Island | Nicaragua | ViaNica.com
  2. http://www.nicatour.net/en/nicaragua/solentiname.cfm Solentiname archipelago Nicaragua - Nicaragua' natural park
  3. http://vianica.com/nicaragua/ometepe Ometepe Island, Nicaragua - ViaNica.com
  4. http://www.aurorabeachfront.com/nicaragua-tourism/ometepe.php Ometepe Island Nicaragua - Tourist information about Ometepe ...

പുറത്തേക്കുള്ള കണ്ണികൾ[തിരുത്തുക]

വീഡിയോ[തിരുത്തുക]

Heckert GNU white.svg കടപ്പാട്: കേരള സർക്കാർ ഗ്നൂ സ്വതന്ത്ര പ്രസിദ്ധീകരണാനുമതി പ്രകാരം ഓൺലൈനിൽ പ്രസിദ്ധീകരിച്ച മലയാളം സർ‌വ്വവിജ്ഞാനകോശത്തിലെ നിക്കരാഗ്വ തടാകം എന്ന ലേഖനത്തിന്റെ ഉള്ളടക്കം ഈ ലേഖനത്തിൽ ഉപയോഗിക്കുന്നുണ്ട്. വിക്കിപീഡിയയിലേക്ക് പകർത്തിയതിന് ശേഷം പ്രസ്തുത ഉള്ളടക്കത്തിന് സാരമായ മാറ്റങ്ങൾ വന്നിട്ടുണ്ടാകാം.
"http://ml.wikipedia.org/w/index.php?title=നിക്കരാഗ്വ_തടാകം&oldid=1714801" എന്ന താളിൽനിന്നു ശേഖരിച്ചത്