ഗോപിനാഥ് മുതുകാട്

വിക്കിപീഡിയ, ഒരു സ്വതന്ത്ര വിജ്ഞാനകോശം.
ഗോപിനാഥ് മുതുകാട്
Gopinath Muthukad.jpg
മാന്ത്രികൻ ഗോപിനാഥ് മുതുകാട്
ജനനം (1964-04-10) ഏപ്രിൽ 10, 1964 (50 വയസ്സ്)
കവളമുക്കട്ട. നിലമ്പൂർ കേരളം
തൊഴിൽ ജാലവിദ്യക്കാരൻ
ജീവിത പങ്കാളി(കൾ) കവിത
കുട്ടികൾ വിസ്മയ്
വെബ്ബ്‌സൈറ്റ്
http://www.muthukad.com

ആധുനിക ജാലവിദ്യാരംഗത്ത് ഏറെ ശ്രദ്ധേയനായ ഒരു ജാലവിദ്യക്കാരനാണ്‌ ഗോപിനാഥ് മുതുകാട്.

ജീവിതരേഖ[തിരുത്തുക]

1964 ഏപ്രിൽ പത്താം തീയ്യതി മലപ്പുറം ജില്ലയിലെ കവളമുക്കട്ടയിൽ കവണഞ്ചേരി കുഞ്ഞുണ്ണിനായരുടേയും മുതുകാട് ദേവകിയമ്മയുടെയും മകനായി ജനിച്ചു. പത്താമത്തെ വയസു മുതൽ മാജിക്ക് പരിശീലനം ആരംഭിച്ചു. മഞ്ചേരി എൻ.എസ്സ്.എസ്സ്. കോളേജിൽ നിന്നു ഗണിതശാസ്തത്തിൽ ബിരുദം നേടി തുടർന്ന് എൽ എൽ ബി പഠനം തുടങ്ങിയെങ്കിലും മാജിക്കിനോടുള്ള ആവേശം മൂലം പഠനം ഉപേക്ഷിച്ചു ഈ രംഗത്ത് നിലയുറപ്പിച്ചു,1985 മുതൽ പ്രൊഫഷണൽ മാജിക് രംഗത്ത് സജീവ സാന്നിധ്യം. 1996-ൽ ഏഷ്യയിലെ ആദ്യത്തെ മാജിക് അക്കാദമി സ്ഥാപിച്ചു,അക്കാദമിയുടെ എക്സിക്യുട്ടിവ് ഡയരക്ടർ ആയി പ്രവർത്തിച്ചു വരുന്നു .

നിലമ്പൂർ ആസ്ഥാനമാക്കി മുതുകാട് മാജിക്കൽ എന്റർടെയ്നേഴ് സ് എന്ന പേരിൽ ഒരു മാജിക്ക് ട്രൂപ്പിനു രൂപം കൊടുത്തു. ഇന്ത്യയിലും വിദേശത്തുമായി നിരവധി വേദികളിൽ പരിപാടികൾ അവതരിപ്പിച്ചു വരുന്നു. മാജിക്കിനെ ആധുനികവൽക്കരിച്ചതിനും ഈ രംഗത്ത് ഒട്ടേറെ പുതുമകൾ സൃഷ്ടിച്ചതിനും ലോകമാന്ത്രിക സംഘടനയായ ഇന്റർനാഷണൽ ബ്രദർഹുഡ് ഓഫ് മെജിഷ്യൻസിന്റ വിശിഷ്ടാംഗീകാരവും മറ്റു നിരവധി പുരസ്കാരങ്ങളും ലഭിച്ചട്ടുണ്ട്.2002-ൽ വിസ്മയ ഭാരത യാത്ര 2004-ൽ ഗാന്ധി മന്ത്ര ,2007-ൽ വിസ്മയ് സ്വരാജ് യാത്ര ,2010-ൽ മിഷൻഇന്ത്യ തുടങ്ങിയ സന്ദേശ ഭാരത യാത്രകൾ നടത്തി.

പുരസ്കാരങ്ങൾ[തിരുത്തുക]

  • ലോകമാന്ത്രിക സംഘടനയായ ഇന്റർനാഷണൽ ബ്രദർഹുഡ് ഓഫ് മെജിഷ്യൻസിന്റ വിശിഷ്ടാംഗീകാരം
  • കേരള സംഗീതനാടക അക്കാദമി പുരസ്കാരം[1](1995)
  • ഇന്റർനാഷണൽ മാജിക് സ്റ്റാർ,പാരീസ് (1999)
  • പ്രതിഭാ പ്രണാമം,ഗവണ്മെന്റ് ഓഫ് കേരള (2000)
  • അവാർഡ്‌ ഓഫ് എക്സലൻസ് ,ഗവണ്മെന്റ് ഓഫ് ഒമാൻ (2001)
  • മാജിക്കിനെ ജനകീയ കലയായി വളർത്തിയതിനും മാന്ത്രിക കലാ രംഗത്തുള്ള പ്രവർത്തനങ്ങളുടെ സമഗ്ര സംഭാവനക്കും മാജിക്കിലെ ഓസ്കാർ എന്നറിയപ്പെടുന്ന ഇന്റർനാഷണൽ മെർലിൻ അവാർഡ്‌ (2011)(International Magicians Society,USA)

വിമർശനങ്ങൾ[തിരുത്തുക]

2008-ആമാണ്ടിൽ ഗോപിനാഥ് മുതുകാടിന്റെ ശിക്ഷണത്തിൽ, ചലച്ചിത്രനടൻ മോഹൻലാൽ ബേണിങ് ഇല്ല്യൂഷൻ എന്ന ജാലവിദ്യാപ്രകടനം നടത്താനൊരുങ്ങിയിരുന്നു. എന്നാൽ ഈ പ്രകടനം അപകടം പിടിച്ചതാണെന്ന്കേരളത്തിലെ മറ്റൊരു മാന്ത്രികൻ വിമർശിച്ചിരുന്നു[2]. ഇതേത്തുടർന്ന് ഈ പ്രകടനത്തിൽ നിന്നും മോഹൻലാൽ പിന്മാറുകയും ചെയ്തു.

അവലംബം[തിരുത്തുക]

  1. KERALA SANGEETHA NATAKA AKADEMI AWARD
  2. IANS (2008 ഏപ്രിൽ 22). "Mohanlal plans daredevil stunt, magicians frown" (ഭാഷ: English). IBN Movies. ശേഖരിച്ചത് 2010 മേയ് 16. "He is now using Mohanlal for cheap publicity and this should not happen"  തീയതിയ്ക്ക് നൽകിയ വില പരിശോധിക്കുക: |accessdate= (സഹായം)

പുസ്തകങ്ങൾ[തിരുത്തുക]

  1. ഓർമകളുടെ മാന്ത്രികസ്പർശം (ആത്മകഥ )
  2. മാജിക് മാജിക്
  3. മാജിക് എന്ത് എങ്ങിനെ
  4. വാഴകുന്നം ഇന്ദ്രജാല കഥകൾ
  5. ഗണിതരാമന്റെ കുസൃതികൾ
  6. ഈ കഥയിലുമൊണ്ടൊരു മാജിക്

പുറത്തേക്കുള്ള കണ്ണികൾ[തിരുത്തുക]

"http://ml.wikipedia.org/w/index.php?title=ഗോപിനാഥ്_മുതുകാട്&oldid=2009729" എന്ന താളിൽനിന്നു ശേഖരിച്ചത്