മീഡിയാവൺ ടിവി

ഇംഗ്ലീഷ് വിലാസം

http://ml.wikipedia.org/wiki/Mediaone_TV

മീഡിയാവൺ ടിവി
തരം	ന്യൂസ് ആന്റ് കൾച്ചറൽ ചാനൽ
Branding	മാധ്യമം
രാജ്യം	ഇന്ത്യ
ലഭ്യത	2013 ഫെബ്രുവരി 10 മുതൽ
ആപ്തവാക്യം	നേര് നന്മ
ഉടമസ്ഥത	മാധ്യമം ബ്രോഡ്കാസ്റ്റിങ് ലിമിറ്റഡ്

ശിലാസ്ഥാപന കർമ്മം മുഖ്യമന്ത്രി ഉമ്മൻ ചാണ്ടി നിർവ്വഹിക്കുന്നു

ശിലാഫലകം

കോഴിക്കോട് ആസ്ഥാനമായി മലയാളത്തിൽ സംപ്രേക്ഷണം ചെയ്യുന്ന ന്യൂസ് ആന്റ് കൾച്ചറൽ ടി.വി. ചാനലാണ് മീഡിയ വൺ. മാധ്യമം ബ്രോഡ്കാസ്റ്റിങ് ലിമിറ്റഡിന് കീഴിൽ രജിസ്റ്റർ ചെയ്തിരിക്കുന്ന ചാനൽ മാധ്യമംകുടുംബത്തിൽ നിന്നാണ്. കോഴിക്കോട് പ്രധാന സ്റ്റുഡിയോവും മറ്റു പ്രധാന നഗരങ്ങളിൽ അനുബന്ധ സ്റ്റുഡിയോകളും പ്രവർത്തിക്കുന്നു. 2013 ഫെബ്രുവരി 10 ന് ചാനൽ പ്രവർത്തനമാരംഭിച്ചു. മലബാറിൽ നിന്ന് പ്രക്ഷേപണം ആരംഭിച്ച ആദ്യ വാർത്താചാനലാണ് മീഡിയവൺ. എൻ.ഡി.ടി.വി യാണ് മീഡിയവണിന്റെ കൺസൽട്ടന്റ്.

നേര്, നന്മ എന്നതാണ് ചാനലിൻറെ മുദ്രാവാക്യം. നേരായ വാർത്തകളും നന്മയും മൂല്യവുമുളള വിനോദ പരിപടികളുമാണ് ഇതിലൂടെ ലക്ഷ്യം വെക്കുന്നത് എന്ന് നടത്തിപ്പുകാർ അവകാശപ്പെടുന്നു. മീഡിയാവണിന് കീഴിൽ കോഴിക്കോട് ടെലിവിഷൻ ജേർണലിസം ഇൻസ്റ്റിട്ട്യൂട്ടും പ്രവർത്തനമാരംഭിച്ചിട്ടുണ്ട്.

നാൾവഴി

ദിവസവും രാത്രി 9 ന്

1987 ജൂൺ 1 ന് ആരംഭിച്ച മാധ്യമം ദിനപത്രത്തിൻറെ സിൽവർജൂബിലിയോടനുബന്ധിച്ച് ആരംഭിച്ച ചാനലാണ് മീഡിയാവൺ.

• 2011 സെപ്റ്റംബർ മാസം ചാനലിന് കേന്ദ്ര വാർത്താ വിതരണ പ്രക്ഷേപണ മന്ത്രാലയത്തിന്റെ പ്രക്ഷേപണാനുമതി ലഭിച്ചു.
• 2011 നവംബർ 28-ന് ഹെഡ് ക്വട്ടേഴ്സിൻറെയും സ്റ്റുഡിയോ കോംപ്ലക്സിൻറെയും ശിലാസ്ഥാപനം മുഖ്യമന്ത്രി ഉമ്മൻചാണ്ടി നിർവ്വഹിച്ചു.
• 2012 ജൂൺ 16-ന് കൊച്ചിയിൽ വെച്ച് കേന്ദ്രമന്ത്രി വയലാർ രവി ചാനൽ ലോഗോ പ്രകാശനം ചെയ്തു.
• 2013 ഫെബ്രുവരി 10 ന് കേന്ദ്ര പ്രതിരോധ മന്ത്രി എ.കെ. ആൻറണി ചാനൽ ഉദ്ഘാടനം ചെയ്തു. മുഖ്യമന്ത്രി ഉമ്മൻചാണ്ടി സമ്മേളനം ഉദ്ഘാടനം ചെയ്തു..

സിഗ്നേച്ചർ ഗാനം

മീഡിയവണിന്റെ സിഗ്നേച്ചർ ഗാനം രചിച്ചത് റഫീക്ക് അഹമ്മദ്. സംവിധായകൻ ആഷിഖ് അബു. ഗാനത്തിന്റെ റിലീസ് സംവിധായകൻ രഞ്ജിത് നിർവഹിച്ചു.

മീഡിയാസ്കാൻ ഞായർ രാത്രി 10ന്

പ്രധാന പരിപാടികൾ

പരിപാടി	ഇനം	ദിവസം	സമയം
ന്യൂസ് വൺ സ്പെഷ്യൽ എഡിഷൻ	വാർത്താവിശകലനം	ദിവസവും	രാത്രി 9:00
മീഡിയാ സ്കാൻ	മാധ്യമാവലോകനം	ഞായർ	രാത്രി 10:00
ഞാൻ സ്ത്രീ	റിയാലിറ്റി ഷോ	തിങ്കൾ-വ്യാഴം	രാത്രി 8:00
പതിനാലാം രാവ്	റിയാലിറ്റി ഷോ	വെള്ളി-ഞായർ	രാത്രി 7:00
ടിപ്പു സുൽത്താൻ	മെഗാസീരിയൽ	തിങ്കൾ-വ്യാഴം	രാത്രി 10:30
ബധിരർക്കായുള്ള വാർത്ത	വാർത്താ ബുള്ളറ്റിൻ	ദിവസവും	വൈകിട്ട് 6:30
വേൾഡ് വിത്ത് അസ്	ലോക വാർത്തകൾ	തിങ്കൾ	രാത്രി 10:00
കേരള സമ്മിറ്റ്	ടോക് ഷോ	ശനി	രാത്രി 10:00
ഹോട്ട് ടോക്	സംവാദം	വെള്ളി	രാത്രി 10:30
വ്യൂ പോയിൻറ്	അഭിമുഖം	വ്യാഴം	രാത്രി 10:00
ട്രൂത്ത് ഇൻസൈഡ്	അന്വേഷണം	ബുധൻ	രാത്രി 10:00

അംഗീകാരങ്ങൾ

മികച്ച വനിതാ ഷോ ആയി രേഖാ മേനോൻ അവതരിപ്പിക്കുന്ന ഞാൻ സ്ത്രീ എന്ന പരിപാടി തെരഞ്ഞെടുക്കപ്പെട്ടു. ദുബായ് ഏഷ്യാവിഷൻ ടെലിവിഷൻ പുരസ്കാരമാണ് ലഭിച്ചത്.

ഡയറക്ടറേറ്റ്

• മാനേജിങ് ഡയറക്ടർ: ഡോ. അബ്ദുസ്സലാം അഹ്മദ്
• ഡയറക്ടർ: ഡോ. കെ. യാസീൻ അഷ്റഫ്
• സി.ഇ.ഒ:വെങ്കിട്ടരാമൻ
• ഡെപ്യൂട്ടി സി.ഇ.ഒ: എം. സാജിദ്
• ഗ്രൂപ്പ് എഡിറ്റർ: ഒ. അബ്ദുറഹ്മാൻ
• പ്രോഗ്രാം എഡിറ്റർ: ബാബു ഭരദ്വാജ്
• ന്യൂസ് എഡിറ്റർ: സി.എൽ. തോമസ്‌
• പ്രോഗ്രാം ചീഫ്:ഷിബു ചക്രവർത്തി

ആസ്ഥാനം

കോഴിക്കോട് വെള്ളിപറമ്പിലാണ് ചാനൽ ഹെഡ് ക്വാർട്ടേഴ്സും സ്റ്റുഡിയോ കോംപ്ലക്സും പ്രവർത്തിക്കുന്നത്. ആധുനിക സൗകര്യങ്ങളോടെ ആരംഭിച്ച ചാനൽ സ്റ്റുഡിയോ ഇന്ത്യയിലെ മികച്ച അഞ്ച് സ്ററുഡിയോകളിലൊന്നാണ്.. ചാനൽ ആസ്ഥാനം പ്രതിപക്ഷ നേതാവ് വി.എസ്. അച്യുതാനന്ദൻ, സ്റ്റുഡിയോ കോംപ്ലക്സ് വ്യവസായ മന്ത്രി പി.കെ. കുഞ്ഞാലിക്കുട്ടി എന്നിവർ ഉദ്ഘാടനം ചെയ്തു.

ചാനൽ വിവരങ്ങൾ

Satellite	Intelsat 17
Orbital Location	66 degree East Longitude
Down link Polarization	Horizontal
Carrier type:	DVB-S2
FEC	3/4
Downlink Frequency	4006 MHz
Symbol Rate	14400 Ksps
Modulation	8PSK

• സൺ ഡയറക്ട് (ചാനൽ നമ്പർ: 217)
• ഏഷ്യാനെറ്റ് ഡിജിറ്റൽ ടിവി, കേരളം( ചാനൽ നമ്പർ: 108 )
• ഇ-വിഷൻ, യു.എ.ഇ( ചാനൽ നമ്പർ: 727 )
• ക്യൂ ടെൽ, ഖത്തർ ( ചാനൽ നമ്പർ: 253 )

പുറത്തേക്കുള്ള കണ്ണികൾ

• ഔദ്യോഗിക വെബ്‌സൈറ്റ്

• ഫേസ്ബുക്ക്

• യൂടൂബ്
• ട്വിറ്റർ
• തത്സമയ സംപ്രേഷണം