കോൺറാഡ് അഡനോവെർ
| കോൺറാഡ് അഡനോവെർ | |
 കോൺറാഡ് അഡനോവെർ 1952-ൽ |
|
|
|
|
|---|---|
| പദവിയിൽ 15 September 1949 – 16 October 1963 |
|
| മുൻഗാമി | Position established Allied military occupation, 1945–1949 Count Lutz Schwerin von Krosigk (1945) |
| പിൻഗാമി | Ludwig Erhard |
|
|
|
| പദവിയിൽ 15 March 1951 – 6 June 1955 |
|
| മുൻഗാമി | Count Lutz Schwerin von Krosigk (1945) |
| പിൻഗാമി | Heinrich von Brentano |
|
|
|
| പദവിയിൽ 1917–1933 |
|
| മുൻഗാമി | Ludwig Theodor Ferdinand Max Wallraf |
| പിൻഗാമി | Günter Riesen |
| പദവിയിൽ 1945–1945 |
|
| മുൻഗാമി | Robert Brandes |
| പിൻഗാമി | Willi Suth |
|
|
|
| ജനനം | 1876 ജനുവരി 5 Cologne |
| മരണം | 1967 ഏപ്രിൽ 19 (പ്രായം 91) Bad Honnef |
| രാഷ്ടീയകക്ഷി | Centre Party (1906–1945) CDU (1945–1967) |
| ജീവിതപങ്കാളി(കൾ) | Emma Weyer Auguste (Gussie) Zinsser |
| ബിരുദം | University of Freiburg University of Munich University of Bonn |
| തൊഴിൽ | Lawyer, Politician |
| മതം | Roman Catholicism |
ജർമൻ ഫെഡറൽ റിപ്പബ്ളിക്കിന്റെ ആദ്യത്തെ ചാൻസലർ ആയിരുന്നു കോൺറാഡ് അഡനോവെർ. ജർമൻ രസതന്ത്രജ്ഞന്; 1876 ജനുവരി 5-ന് ജർമനിയിൽ കൊളോണിലെ ഒരു കത്തോലിക്കാകുടുംബത്തിൽ ജനിച്ചു. ഫെയ്ബർഗ്, മ്യൂണിക്, ബേൺ എന്നിവിടങ്ങളിലെ സർവകലാശാലകളിൽ വിദ്യാഭ്യാസം നടത്തി. സാമ്പത്തികശാസ്ത്രമായിരുന്നു ഐച്ഛികവിഷയം. നിയമത്തിൽ ഡോക്ടറേറ്റ് നേടിയ അഡനോവെർ 1906-ൽ കൊളോൺ നഗരസഭയിലേക്കു തെരഞ്ഞെടുക്കപ്പെട്ടു. തുടർന്ന് 1917-ൽ കൊളോണിലെ ചീഫ്മേയറായി; 1933 വരെ തൽസ്ഥാനത്തു തുടർന്നു. ജർമനിയിൽ ഹിറ്റ്ലറുടെ നാസിഭരണം സ്ഥാപിതമായതോടുകൂടി (1933) അഡനോവെറിന് എല്ലാ പദവികളും നഷ്ടമായി. 1933-നും 1944-നും ഇടയ്ക്ക് നാസി ഭരണകൂടം ഇദ്ദേഹത്തെ പല പ്രാവശ്യം ജയിലിൽ അടച്ചു.
ക്രിസ്ത്യൻ ഡെമോക്രാറ്റിക് യൂണിയന്റെ (സി.ഡി.യു.) രൂപീകരണത്തിൽ (1945) മുഖ്യപങ്കു വഹിച്ച അഡനോവെർ ആ പാർട്ടിയുടെ അധ്യക്ഷനായിത്തീർന്നു. ജർമൻ ഫെഡറൽ റിപ്പബ്ളിക്കിന്റെ ഭരണഘടനയുണ്ടാക്കിയ പാർലമെന്ററി കൌൺസിലിന്റെ സ്പീക്കറും (1948-49) ഇദ്ദേഹമായിരുന്നു. 1949, 1953 എന്നീ വർഷങ്ങളിൽ അഡനോവെർ ചാൻസലറും, 1951 മുതൽ 1955 വരെ വിദേശകാര്യമന്ത്രിയുമായിരുന്നു. 1953-ലും 1957-ലും നടന്ന തെരഞ്ഞെടുപ്പുകളിൽ അഡനോവെറിന്റെ കക്ഷി ഭൂരിപക്ഷം നേടി വിജയിച്ചു. 1966 മാർച്ച് വരെ ഇദ്ദേഹം ക്രിസ്ത്യൻ ഡെമോക്രാറ്റിക് യൂണിയന്റെ ചെയർമാൻ സ്ഥാനത്തു തുടർന്നു. ഉത്തര അറ്റ്ലാന്റിക് സഖ്യസംഘടന (NATO), പശ്ചിമയൂറോപ്യൻ യൂണിയൻ (west Euro-pean) തുടങ്ങിയ പല അന്താരാഷ്ട്രകൂട്ടുകെട്ടുകളിലും ജർമനി ഭാഗഭാക്കായത് അഡനോവെറിന്റെ ഭരണകാലത്താണ്. നാസിഭരണം താറുമാറാക്കിയ ജർമനിയെ പുനർനിർമാണംമൂലം ഒരു സമ്പന്നരാഷ്ട്രമാക്കിയതിൽ ഇദ്ദേഹത്തിന് വലിയ പങ്കുണ്ട്. ബോണിനടുത്ത് റോണ്ടോർഫിൽവച്ച് 1967 ഏപ്രിൽ 19-ന് അഡനോവെർ അന്തരിച്ചു.
പുറംകണ്ണികൾ [തിരുത്തുക]
- അഡനോവെർ, കോൺറാഡ്
- കോൺറാഡ് അഡനോവെർ
- കോൺറാഡ് അഡനോവെർ
- കോൺഡാഡ് അഡനോർ
- കോൺഡാഡ് അഡനോരെന്ന ചരിത്ര പുരുഷൻ
- കോൺഡാഡ് അഡനോർ
 |
കടപ്പാട്: കേരള സർക്കാർ ഗ്നൂ സ്വതന്ത്ര പ്രസിദ്ധീകരണാനുമതി പ്രകാരം ഓൺലൈനിൽ പ്രസിദ്ധീകരിച്ച മലയാളം സർവ്വവിജ്ഞാനകോശത്തിലെ അഡെനോവെർ, കോൺറാഡ് എന്ന ലേഖനത്തിന്റെ ഉള്ളടക്കം ഈ ലേഖനത്തിൽ ഉപയോഗിക്കുന്നുണ്ട്. വിക്കിപീഡിയയിലേക്കു് പകർത്തിയതിനു് ശേഷം പ്രസ്തുത ഉള്ളടക്കത്തിനു് സാരമായ മാറ്റങ്ങൾ വന്നിട്ടുണ്ടാകാം. |
