കേരള കോൺഗ്രസ് (ബി)

വിക്കിപീഡിയ, ഒരു സ്വതന്ത്ര വിജ്ഞാനകോശം.
കേരള കോൺഗ്രസ് (ബി)
നേതാവ് ആർ. ബാലകൃഷ്ണ പിള്ള[1]
ആസ്ഥാനം പി. ടി. ചാക്കോ സ്മാരക മന്ദിരം, എസ്.എസ്. കോവിൽ റോഡ്, തമ്പാന്നൂർ, തിരുവനന്തപുരം-695001 (കേരള).
ആശയം മതനിരപേക്ഷ ജനാധിപത്യം
സഖ്യം ഐക്യജനാധിപത്യ മുന്നണി

കേരള കോൺഗ്രസ് പിളർന്നപ്പോൾ ആർ. ബാലകൃഷ്ണപിള്ളയുടെ നേതൃത്വത്തിൽ രൂപം കൊണ്ട പ്രാദേശിക രാഷ്ട്രീയ പാർട്ടിയാണ് കേരളാ കോൺഗ്രസ് (ബി). ഇതൊരു രജിസ്റ്റേഡ് രാഷ്ട്രീയ കക്ഷിയാണ്[2].

നിലവിൽ പാർട്ടിക്ക് ഒരു എം.എൽ.എ. യാണുള്ളത്. കൊല്ലം ജില്ലയിലെ പത്തനാപുരം നിയോജക മണ്ഡലത്തെ 2001 മുതൽ പ്രതിനിധീകരിക്കുന്ന കെ.ബി. ഗണേഷ് കുമാറാണ് ഏക ജനപ്രതിനിധി[3].. ഐക്യജനാധിപത്യ മുന്നണിയുടെ (യു.ഡി.എഫ്.) ഒരു ഘടകകക്ഷിയാണ് കേരള കോൺഗ്രസ് (ബി). ഗണേഷ് കുമാർ ഉമ്മൻ ചാണ്ടി മന്ത്രിസഭയിലെ ഒരംഗമായിരുന്നുവെങ്കിലും 2013 ഏപ്രിൽ 1-ന് രാജിവയ്ക്കുകയുണ്ടായി.[4]

ചരിത്രം[തിരുത്തുക]

ബാലകൃഷ്ണപിള്ളയെ 1971-ൽ ലോകസഭയിലേയ്ക്കും 1960 മു‌തൽ എട്ടു തവണ നിയമസഭയിലേയ്ക്കും തിരഞ്ഞെടുക്കപ്പെട്ടിട്ടുണ്ട്. 2006-ലെ തിരഞ്ഞെടുപ്പിൽ ഇദ്ദേഹം സി.പി.ഐ.എമ്മിന്റെ പ്രായേണ പരിചിതനല്ലാത്ത അയിഷാ പോറ്റിയോട് തോൽക്കുകയുണ്ടായി. ഗണേഷ് കുമാർ 2001-ലാണ് രാഷ്ട്രീയത്തിൽ പ്രവേശിച്ചത്. ഇദ്ദേഹം പത്തനാപുരത്തുനിന്ന് തിരഞ്ഞെടുക്കപ്പെടുകയും എ.കെ. ആന്റണിയുടെ മന്ത്രിസഭയിൽ ഗതാഗതവകുപ്പ് മന്ത്രിയാവുകയും ചെയ്തു.

2011-ലെ നിയമസഭാ തിരഞ്ഞെടുപ്പിൽ രണ്ടു സീറ്റുകളിൽ[5] (ഡോ. എൻ.എൻ. മുരളി കൊട്ടാരക്കരയിൽ നിന്നും ഗണേഷ് കുമാർ പത്തനാപുരത്തു നിന്നും) മത്സരിക്കുകയുണ്ടായെങ്കിലും ഗണേഷ് കുമാർ മാത്രമേ വിജയിച്ചുള്ളൂ.

വിവാദങ്ങൾ[തിരുത്തുക]

ഗണേഷ് കുമാർ പാർട്ടിയെ അനുസരിക്കുന്നില്ലെന്നും അതിനാൽ അദ്ദേഹത്തെ മന്ത്രിസ്ഥാനത്തുനിന്നും നീക്കം ചെയ്യണമെന്നും ആവശ്യപ്പെട്ട് കേരള കോൺഗ്രസ്സ് (ബി) മുഖ്യമന്ത്രി ഉമ്മൻ ചാണ്ടിക്ക് കത്തു നൽകുകയുണ്ടായി[6]. യു.ഡി.എഫ്. യോഗത്തിലും കേരള കോൺഗ്രസ് പ്രതിനിധികൾ ഇതേ ആവശ്യം ഉന്നയിക്കുകയുണ്ടായി[7] .

അവലംബം[തിരുത്തുക]

  1. ഇ.സി.ഐ.
  2. "രാഷ്ട്രീയ പാർട്ടികളുടെ അംഗീകാരത്തിനുള്ള വ്യവസ്ഥകൾ". ശേഖരിച്ചത് 2013 ഫെബ്രുവരി 20. 
  3. തിരഞ്ഞെടുപ്പ് റിസൾട്ട് നോട്ടിഫിക്കേഷൻ
  4. "ഗണേഷ് കുമാർ രാജി വെച്ചു". മാദ്ധ്യമം. 1 ഏപ്രിൽ 2013. ശേഖരിച്ചത് 3 ഏപ്രിൽ 2013. 
  5. "Cong keeps 81, gives IUML 24". ഇൻഡ്യൻ എക്സ്പ്രസ്സ്. 2011 മാർച്ച് 17. ശേഖരിച്ചത് 2013 ഫെബ്രുവരി 20. 
  6. "ഗണേഷിനെ മന്ത്രിസഭയിൽ നിന്ന് ഒഴിവാക്കണം ; കേരളാ കോൺഗ്രസ് (ബി)കത്ത് നൽകി". മലയാളം ന്യൂസ്. 2013 ഫെബ്രുവരി 13. ശേഖരിച്ചത് 2013 ഫെബ്രുവരി 21. 
  7. "ഗണേഷിനെ ഒഴിവാക്കണമെന്ന്‌ കേരളാ കോൺഗ്രസ്‌(ബി)". മംഗളം. 2013 ഫെബ്രുവരി 11. ശേഖരിച്ചത് 2013 ഫെബ്രുവരി 21. 
"http://ml.wikipedia.org/w/index.php?title=കേരള_കോൺഗ്രസ്_(ബി)&oldid=1735697" എന്ന താളിൽനിന്നു ശേഖരിച്ചത്