ഇംപേഷ്യൻസ് ബാൽഫൗറി
| ഇംപേഷ്യൻസ് ബാൽഫൗറി | |
|---|---|
| |
ശാസ്ത്രീയ വർഗ്ഗീകരണം 
| |
| കിങ്ഡം: | സസ്യലോകം |
| ക്ലാഡ്: | ട്രക്കിയോഫൈറ്റ് |
| ക്ലാഡ്: | സപുഷ്പി |
| ക്ലാഡ്: | യൂഡികോട്സ് |
| ക്ലാഡ്: | Asterids |
| Order: | Ericales |
| Family: | Balsaminaceae |
| Genus: | Impatiens |
| Species: | I. balfourii
|
| Binomial name | |
| Impatiens balfourii | |
| Synonyms | |
| |
ബാൾഫോർ ടച്ച്-മി-നോട്ട്, കശ്മീർ ബൽസം, [1] പാവപ്പെട്ടവന്റെ ഓർക്കിഡ് എന്നീ സാധാരണ പേരുകളിൽ അറിയപ്പെടുന്ന, ഇംപേഷ്യൻസ് ജനുസ്സിലെ ഒരു ഇനമാണ് ഇംപേഷ്യൻസ് ബാൽഫൗറി. ഇത് ബൽസാമിനേസി കുടുംബത്തിൽ പെടുന്നു .
പദോൽപ്പത്തി[തിരുത്തുക]
ലാറ്റിൻ നാമമായ ഇംപേഷ്യൻസ് എന്നതിന്റെ അർത്ഥം "അക്ഷമ" അല്ലെങ്കിൽ "അസഹിഷ്ണുത" എന്നാണ്. ഇത് കായ്കളുടെ സ്ഫോടനാത്മക വിഘടനത്തെ സൂചിപ്പിക്കുന്നു. വിത്തുവിതരണത്തിനുള്ള ഒരു മാർഗമാണ് ചെറിയ സ്പർശത്തിൽത്തന്നെയുള്ള പൊട്ടിത്തെറിക്കൽ. സ്കോട്ടിഷ് സസ്യശാസ്ത്രജ്ഞനായ ഐസക് ബെയ്‌ലി ബാൽഫോർ (1853-1922) നെ ബഹുമാനാർത്ഥം ഓർമ്മിപ്പിക്കുന്നതാണ് ഈ നാമകരണം.[2]
വിവരണം[തിരുത്തുക]
120 സെന്റീമീറ്റർ വരെ ഉയരത്തിൽ വളരുന്ന വാർഷിക സസ്യമാണിത്. ഇതിന്റെ തണ്ട് ചുവപ്പുകലർന്നതും വരയുള്ളതും വളരെ ശാഖകളുള്ളതുമാണ്. സാധാരണയായി 4 മുതൽ 8 വരെ പൂക്കൾ വഹിക്കുന്ന ഒരു റസീമാണ് പൂങ്കുലകൾ . പൂവ് ഏകദേശം 2 സെന്റീമീറ്റർ വലിപ്പമുണ്ട്. അതിന്റെ വെളുത്ത വിദളങ്ങളിലൊന്ന് നീളമുള്ളതും നേർത്തതുമാണ്. മഞ്ഞനിറത്തിലുള്ള പിങ്ക് ദളങ്ങളും കാണപ്പെടുന്നു.
പുനരുൽപാദനം[തിരുത്തുക]
പുഷ്പങ്ങൾ ഹെർമാഫ്രോഡൈറ്റ് ആണ്, അവ ഹമ്മിംഗ് ബേർഡ്സ് വഴി, അല്ലെങ്കിൽ, പ്രാണികളാൽ പരാഗണം ചെയ്യപ്പെടുന്നു. ജൂലൈ മുതൽ സെപ്റ്റംബർ വരെ പൂവിടൽ നീളുന്നു. 20 millimetres (0.79 in) ) അരോമിലമായ കാപ്സൂളുകളാണ് പഴങ്ങൾ. കായ്കൾ പൊട്ടിത്തെറിച്ച് വിത്തുകൾ 6 മീറ്റർ (20 അടി) അകലെവരെ വിതരണം ചെയ്യപ്പെടുന്നു.
ആവാസ കേന്ദ്രം[തിരുത്തുക]
നദീതീരങ്ങളിലും റോഡരികുകളിലും തരിശുഭൂമികളിലും ചെടി കാണപ്പെടുന്നു. തണുത്തതും ഈർപ്പമുള്ളതുമായ പ്രദേശങ്ങളിൽ ഇത് വളരുന്നു. 5,000 മുതൽ 6,000 അടി വരെ ഉയരമുള്ള പർവതങ്ങളിലും വളരുന്നു.[3] ഇതിനെ, ഒരു അലങ്കാരച്ചെടിയായും വളർത്താറുണ്ട്. യൂറോപ്പിലും യു.എസ്. പസഫിക് തീരത്തും വിസ്കോൺ‌സിനിലും[4] ഉദ്യാനങ്ങളിൽ ഇത് വളരുന്നതായി കാണാം.[5]
ഗാലറി[തിരുത്തുക]
-
ചെടി -
പുഷ്പം -
പുഷ്പത്തിന്റെ നീണ്ട വിദളം -
വിത്തുകൾ -
ഇല
കുറിപ്പുകൾ[തിരുത്തുക]
- ↑ "BSBI List 2007". Botanical Society of Britain and Ireland. Archived from the original (xls) on 2015-01-25. Retrieved 2014-10-17.
- ↑ Hooker, J.D. (1903) in Curtis's Botanical Magazine. vol. 129 tab. 7878
- ↑ Peirce, P. & D. Goldberg. Wildly Successful Plants: Northern California. Sasquatch Books. 2004. 75-77.
- ↑ USDA Plants Profile
- ↑ USDA Plants Profile
അവലംബം[തിരുത്തുക]
- പിഗ്നാട്ടി, എസ്. ഫ്ലോറ ഡി ഇറ്റാലിയ . എഡാഗ്രിക്കോൾ. 1982.
- ടുട്ടിൻ, ടിജി, മറ്റുള്ളവർ. ഫ്ലോറ യൂറോപിയ, രണ്ടാം പതിപ്പ്. 1993.
