അബ്ദുൽ മജീദ് II
| അബ്ദുൽ മജീദ് II | |
|---|---|
| Caliph | |
 |
|
| ഭരണകാലം | 19 November 1922 - 3 March 1924 (1 വർഷം, 105 ദിവസം) |
| മുൻഗാമി | Mehmed VI |
| Spouse | Shehsuvar Bash Kadın Efendi Hayrünissa Kadın Efendi Atiyye Mihisti Kadın Efendi Bihruz Kadın Efendi |
| മക്കൾ | |
| Prince Şehzade Omer Faruk Efendi Princess Durru Shehvar |
|
| പിതാവ് | Abdülaziz |
| മാതാവ് | Hayranıdil Kadınefendi |
| മതം | Sunni Islam |
തുർക്കിയിലെ ഒട്ടോമൻ (ഉസ്മാനിയ) വംശത്തിലെ അവസാനത്തെ ഖലീഫയായിരുന്നു അബ്ദുൽ മജീദ് II (Ottoman Turkish: عبد المجيد الثانى Abdülmecid el-Sânî ). 1868 മേയ് 30-ന് ഇസ്താംബൂളിൽ അബ്ദുൽ അസീസിന്റെ (1830-76) പുത്രനായി ജനിച്ചു. ഗ്രേറ്റ് നാഷനൽ അസംബ്ലിയാണ് ഇദ്ദേഹത്തെ ഖലീഫയായി തെരഞ്ഞെടുത്തത്. മറ്റ് ഒട്ടോമൻ സുൽത്താന്മാരെക്കാൾ വിദ്യാസമ്പന്നനായിരുന്നു അബ്ദുൽ മജീദ് II. 1918-ൽ മുഹമ്മദ് V നിര്യാതനായപ്പോൾ വഹീദുദ്ദീൻ, മുഹമ്മദ് VI എന്ന പേരിൽ സുൽത്താനായി. അപ്പോൾ അബ്ദുൽ മജീദ് യുവരാജാവായി തിരഞ്ഞെടുക്കപ്പെട്ടു. എന്നാൽ 1922-ൽ മുഹമ്മദ് VI സ്ഥാനഭ്രഷ്ടൻ ആക്കപ്പെട്ടപ്പോൾ ഇദ്ദേഹത്തിന്റെ യുവരാജസ്ഥാനവും നഷ്ടമായി. 1923 ഒക്ടോബർ 29-ന് തുർക്കി ഒരു റിപ്പബ്ലിക്കായി പ്രഖ്യാപിക്കപ്പെട്ടു. 1924 മാർച്ച് 3-ന് തുർക്കി ഗ്രാൻഡ് നാഷനൽ അസംബ്ലി ഖലീഫാസ്ഥാനവും നിർത്തലാക്കി. തുടർന്ന് ഒട്ടോമൻ രാജവംശക്കാരെ മുഴുവൻ നാടുകടത്തി. ഇതിനെ തുടർന്ന് അബ്ദുൽ മജീദ് ഒരു ബ്രിട്ടിഷ് യുദ്ധക്കപ്പലിൽ ഇസ്താംബൂളിൽനിന്നും പാരീസിൽ എത്തി. അവിടെവച്ച് 1944 ആഗസ്റ്റ് 23-ന് ഇദ്ദേഹം അന്തരിച്ചു.
അവലംബം[തിരുത്തുക]
- http://www.newworldencyclopedia.org/entry/Abdul_Mejid_II
- http://www.caliphate.eu/2008/02/time-archive-news-of-last-caliphate.html
- http://www.currenttrends.org/research/detail/the-caliphate-attempted
 |
കടപ്പാട്: കേരള സർക്കാർ ഗ്നൂ സ്വതന്ത്ര പ്രസിദ്ധീകരണാനുമതി പ്രകാരം ഓൺലൈനിൽ പ്രസിദ്ധീകരിച്ച മലയാളം സർവ്വവിജ്ഞാനകോശത്തിലെ അബ്ദുൽ മജീദ് കക എന്ന ലേഖനത്തിന്റെ ഉള്ളടക്കം ഈ ലേഖനത്തിൽ ഉപയോഗിക്കുന്നുണ്ട്. വിക്കിപീഡിയയിലേക്കു് പകർത്തിയതിനു് ശേഷം പ്രസ്തുത ഉള്ളടക്കത്തിനു് സാരമായ മാറ്റങ്ങൾ വന്നിട്ടുണ്ടാകാം. |
