അന്താരാഷ്ട്ര ക്രിക്കറ്റ് സമിതി

വിക്കിപീഡിയ, ഒരു സ്വതന്ത്ര വിജ്ഞാനകോശം.
അന്താരാഷ്ട്ര ക്രിക്കറ്റ് കൗൺസിൽ

ഐസിസിയുടെ ചിഹ്നം
ഐസിസിയുടെ ചിഹ്നം

സ്ഥാപിതം 15 June 1909
ആസ്ഥാനം ദുബായ്, യു.എ.ഇ.
അംഗത്വം 104 അംഗരാജ്യങ്ങൾ
പ്രസിഡന്റ് ഡേവിഡ് മോർഗൻ
പ്രധാന വ്യക്തികൾ ഹാരൂൺ ലോർഗാറ്റ് (സി.ഇ.ഒ.)
വെബ്സൈറ്റ് Official site

ക്രിക്കറ്റിന്റെ അന്താരാഷ്ട്ര ഭരണ വിഭാഗമാണ് അന്താരാഷ്ട്ര ക്രിക്കറ്റ് കൗൺസിൽ(ഇന്റർനാഷണൽ ക്രിക്കറ്റ് കൗൺസിൽ - ICC). 1909-ൽ ഇംഗ്ലണ്ട്, ഓസ്ട്രേലിയ, ദക്ഷിണാഫ്രിക്ക എന്നീ രാജ്യങ്ങളിലെ പ്രതിനിധികൾ ചേർന്ന് ഇമ്പീരിയൽ ക്രിക്കറ്റ് കോൺഫറൻസ് എന്ന പേരിലാണ് ഈ സമിതി ആരംഭിച്ചത്. 1965-ൽ ഇന്റർനാഷണൽ ക്രിക്കറ്റ് കോൺഫറൻസ് എന്ന് പുനർനാമകരണം ചെയ്യപ്പെടുകയും 1989-ൽ നിലവിലുള്ള പേര് സ്വീകരിക്കുകയും ചെയ്തു.

104 അംഗരാജ്യങ്ങളാണ് ഐസിസിയിലുള്ളത്. 10 പൂർണ അംഗങ്ങൾ (ഔദ്യോഗിക ടെസ്റ്റ് മത്സരങ്ങൾ കളിക്കുന്നവ), 34 അസോസിയേറ്റ് അംഗങ്ങൾ, 60 അഫിലിയേറ്റ് അംഗങ്ങൾ. ക്രിക്കറ്റിലെ പ്രധാനപ്പെട്ട അന്താരാഷ്ട്ര ടൂർണമെന്റുകൾ ക്രമീകരിക്കുന്നത് ഐസിസിയുടെ ചുമതയാണ്. ക്രിക്കറ്റ് ലോകകപ്പ് ആണ് ഇവയിൽ ഏറ്റവും പ്രധാനപ്പെട്ടത്. ടെസ്റ്റ് മത്സരങ്ങൾ, അന്താരാഷ്ട്ര ഏകദിന മത്സരങ്ങൾ, അന്താരാഷ്ട്ര ട്വെന്റി20 മത്സരങ്ങൾ എന്നിവ നിയന്ത്രിക്കുന്ന അമ്പയർമാരെയും റെഫറിമാരെയും നിയമിക്കുന്നത് ഐസിസിയാണ്.