ട്രിപ്പിൾ എച്ച്

ഇംഗ്ലീഷ് വിലാസം

https://ml.wikipedia.org/wiki/Triple_H

ട്രിപ്പിൾ എച്ച്
അറിയപ്പെടുന്നത്	ടെറ റൈസിങ് ജീൻ-പോൾ ലെവിസ്ക്യു ഹണ്ടർ ഹേസ്റ്റ് ഹെംസ്‌ലി ട്രിപ്പിൾ എച്ച്
ഉയരം	6 ft. 4 in. (193 cm)
ഭാരം	260 lb. (120 kg)
ജനനം	(1969-07-27) ജൂലൈ 27, 1969 Nashua, New Hampshire
വസതി	ഗ്രീൻവിച്ച്, കണക്ടിക്യൂട്ട്
സ്വദേശം	ഗ്രീൻവിച്ച്, കണക്ടിക്യൂട്ട്
പരിശീലകൻ	Killer Kowalski
അരങ്ങേറ്റം	March 1992

പോൾ മൈക്കൽ ലെവിസ്ക്യു (ജനനം ജൂലൈ 27, 1969) ഒരു അമേരിക്കൻ പ്രൊഫഷണൽ റെസ്‌ലറും ചലച്ചിത്രനടനുമാണ്. റിങ് നാമമായ ട്രിപ്പിൾ എച്ച്‍ എന്ന പേരിലാണ് ഇദ്ദേഹം അറിയപ്പെടുന്നത്. വേൾഡ് റെസ്‌ലിങ് എന്റർടെയിന്മെന്റുമായി (WWE) കരാറിലേർപ്പെട്ടിരിക്കുന്ന ഇദ്ദേഹം ഇപ്പോൾ അതിലെ സ്മാക്ക്‌ഡൗൺ വിഭാഗത്തിൽ പ്രവർത്തിക്കുന്നു. നിലവിലെ ഡബ്ലിയു ഡബ്ലിയു ഇ ചാമ്പ്യൻ ഇദ്ദേഹമാണ്.

1993-ൽ വേൾഡ് ചാമ്പ്യൻഷിപ്പ് റെസ്‌ലിങ്ങിലാൺ ഇദ്ദേഹം തന്റെ ഗുസ്തി ജീവിതം ആരംഭിച്ചത്. 1995-ൽ വേൾഡ് റെസ്‌ലിങ് എന്റർടെയിന്മെന്റിൽ ചേർന്നു. ഡി-ജെനറേഷൻ എക്സ് (DX) എന്ന സംഘത്തലെ അംഗമായാണ് ആദ്യ കാലങ്ങളിൽ ഇദ്ദേഹം പ്രവർത്തിച്ചത്. ഡിഎക്സിന്റെ വേർപിരിഞ്ഞതിനുശേഷം ഇദ്ദേഹം ഡബ്ലിയു ഡബ്ലിയു ഇയിലെ ഒരു പ്രധാന താരമായി മാറുകയും പല ചാമ്പ്യൻഷിപ്പുകൾ നേടുകയും ചെയ്തു. ഡബ്ലിയു ഡബ്ലിയു ഇയുടെ എക്സിക്യൂട്ടിവ് വൗസ് പ്രസിഡന്റ് ആയ സ്റ്റെഫാനി മക്മാനാണ് ഭാര്യ.

ഇദ്ദേഹം ആകെ 12 തവണ ലോകചാമ്പ്യനായിട്ടുണ്ട് (7 തവണ ഡബ്ലിയു ഡബ്ലിയു ഇ ചാമ്പ്യൻ, 5 തവണ വേൾഡ് ഹെവിവെയ്റ്റ് ചാമ്പ്യൻ). ഇവക്ക് പുറമേ 1997 കിങ് ഓഫ് ദ റിങ്, 2002 റോയൽ റമ്പിൾ എന്നിവ ഇദ്ദേഹം വിജയിച്ചിട്ടുണ്ട്.