വാൾട്ട് ഡിസ്നി
| Walt Disney | |
|---|---|
 |
|
| ജനനം | Walter Elias Disney 1901 ഡിസംബർ 5[1] Chicago, Illinois |
| മരണം | 1966 ഡിസംബർ 15 (പ്രായം 65) Burbank, California |
| ഉദ്യോഗം | Film producer, Co-founder of The Walt Disney Company, formerly known as Walt Disney Productions |
| ജീവിത പങ്കാളി | Lillian Bounds (1925-1966) |
| മക്കൾ | Diane Disney (b.1933) Sharon Disney (1936-1993) |
ഒരു അമേരിക്കൻ ചലച്ചിത്ര നിർമാതാവും, സംവിധായകനും, തിരക്കഥാകൃത്തും, അനിമേറ്ററും, സംരഭകനുമായിരുന്നു വാൾട്ടർ എലിയാസ് ഡിസ്നി. ഇരുപതാം നൂറ്റാണ്ടിലെ വിനോദ മേഖലയിൽ ഏറ്റവും സ്വാധീനം ചെലുത്തിയതും നവീനത വരുത്തിയതുമായ വ്യക്തികളിൽ ഒരാളാണ് ഇദ്ദേഹം. വാൾട്ട് ഡിസ്നി പ്രോഡക്ഷൻസിന്റെ സഹ-സ്ഥാപകൻ (സഹോദരൻ റോയ്. ഒ. ഡിസ്നിക്കൊപ്പം) എന്ന നിലയിൽ ഇദ്ദേഹം ലോകത്തിലെ ഏറ്റവും അറിയപ്പെടുന്ന ചലച്ചിത്ര നിർമാതാക്കളിൽ ഒരാളായിമാറി. ഇദ്ദേഹം സഹോദരനൊപ്പം സ്ഥാപിച്ച ദ വാൾട്ട് ഡിസ്നി കമ്പനിയുടെ ഇപ്പോഴത്തെ വാർഷിക വരുമാനം 3500 കോടി യു.എസ് ഡോളറാണ്.
ചലച്ചിത്ര നിർമാതാവ് എന്ന നിലയിലാണ് ഇദ്ദേഹം ഏറ്റവും ശ്രദ്ധിക്കപ്പെടുന്നത്. അനിമേഷൻ മേഖലയിലും തീം പാർക്ക് ഘടനയിലും ഇദ്ദേഹം പല പുതുമകൾ വരുത്തി. അമ്പത്തൊമ്പത് തവണ അക്കാഡമി അവാർഡിന് നാമനിർദ്ദേശം ചെയ്യപ്പെട്ട ഇദ്ദേഹം ഇരുപത്താറ് ഓസ്കർ പുരസ്കാരങ്ങൾ നേടിയിട്ടുണ്ട്. ഏറ്റവും ഓസ്കാർ നാമനിർദ്ദേശങ്ങളും പുരസ്കാരങ്ങളും നേടിയ വ്യക്തി എന്ന റെക്കോർഡ് ഇദ്ദേഹത്തിന്റെ പേരിലാണ്. ഏഴ് എമ്മി അവാർഡുകളും ഇദ്ദേഹം നേടിയിട്ടുണ്ട്. ഡിസ്നിയും സഹപ്രവർത്തകരും ചേർന്നാണ് ലോകത്തിലെ ഏറ്റവും പ്രശസ്തമായ കാൽപനിക കഥാപാത്രങ്ങളിൽ പലതിനേയും സൃഷ്ടിച്ചത്. ഡിസ്നിനിയുടെ മുഖമുദ്ര എന്നറിയപ്പെടുന്ന മിക്കി മൗസും ഇതിൽ ഉൾപ്പെടുന്നു.
1966 ഡിസംബർ 15ന് ശ്വാസകോശാർബുദം മൂലം ഡിസ്നി അന്തരിച്ചു.
[തിരുത്തുക] അവലംബം
- ↑ "Walt Disney". IMDB. http://www.imdb.com/name/nm0000370/, ശേഖരിച്ചത്: 2008-05-21.
 |
ജീവചരിത്രവുമായി ബന്ധപ്പെട്ട ഈ ലേഖനം അപൂർണ്ണമാണ്. ഇതു വികസിപ്പിക്കുവാൻ സഹായിക്കുക. സഹായത്തിനു ഈ ലേഖനത്തിന്റെ ഇംഗ്ലീഷ് പതിപ്പ്. |
