മോഡ് ആഡംസ്

വിക്കിപീഡിയ, ഒരു സ്വതന്ത്ര വിജ്ഞാനകോശം.
മോഡ് ആഡംസ്
Maude Adams1.jpg
Maude Adams in an 1892 portrait.
ജനനം Maude Ewing Kiskadden
1872 നവംബർ 11(1872-11-11)
Salt Lake City, Utah, U.S.
മരണം 1953 ജൂലൈ 17(1953-07-17) (പ്രായം 80)
Tannersville, New York, U.S.
മറ്റ് പേരുകൾ Maudie Adams
തൊഴിൽ Actress
സജീവം 1888–1916
മാതാപിതാക്കൾ John Henry Kiskadden
Asaneth Ann Adams

ഒരു യു.എസ്. നാടക നടിയായിരുന്നു മോഡ് ആഡംസ്. 1872 നവംബർ 11-ന് യൂട്ടായിലെ സാൾട്ട്ലേയ്ക്ക് നഗരത്തിൽ ജനിച്ചു. സാൾട്ട് ലേക്ക് നാടകശാലയിലെ പ്രമുഖ നടിയെന്നനിലയിൽ പ്രശസ്തിയിലേക്കുയർന്നു.

ജീവിതരേഖ[തിരുത്തുക]

നടക്കുവാനും സംസാരിക്കുവാനും തുടങ്ങിയ കാലത്തുതന്നെ ബാല കഥാപാത്രങ്ങളെ നാടകവേദിയിലവതരിപ്പിച്ചിരുന്നു. 5-ആം വയസ്സിൽ സാൻ ഫ്രാൻസിസ്കോ നാടകശാലയിൽ ഫ്രിറ്റ്സ് (Fritz) എന്ന നാടകത്തിൽ കുട്ടിയായ ഷ്നൈഡർ (Schneider) ന്റെ ഭാഗമെടുത്തു വിജയിച്ചു. തുടർന്ന് ബാലനടിയായി പല നാടകങ്ങളിലും അഭിനയിച്ചു. ഇടയ്ക്ക് കുറേക്കാലം വിദ്യാഭ്യാസത്തിനായി ചെലവഴിച്ചശേഷം 1885-ൽ വീണ്ടും നാടകവേദിയിലേക്ക് തിരിച്ചുവന്നു.

അഭിനയിച്ച പ്രധാനനാടകങ്ങൾ[തിരുത്തുക]

  • എ മിഡ്നൈറ്റ് ബെൽ

എന്ന നാടകത്തിൽ (1889) പങ്കെടുത്തതോടുകൂടി പ്രശസ്തിയിലേക്ക് ഉയർന്നു. അടുത്തവർഷം

  • ഓൾ ദ് കംഫർട്സ് ഒഫ് ഹോം

എന്ന നാടകത്തിൽ പങ്കെടുത്തു. 1892 മുതൽ അഞ്ചുവർഷത്തേക്ക് ഏറ്റവും നല്ല നായിക എന്ന സ്ഥാനം അലങ്കരിച്ചു.

  • ലിറ്റിൽ മിനിസ്റ്റർ
  • പീറ്റർ പാൻ
  • വാട്ട് എവരി വുമൺ നോസ്
  • ക്വാളിറ്റി സ്ട്രീറ്റ്
  • എ കിസ് ഫോർ സിഡ്രില

എന്നീ നാടകങ്ങളിൽ പ്രധാന നടിയായി അഭിനയിച്ചു. കൂടാതെ ജൂലിയറ്റ്, വയോല, റൊസലിൻഡ് എന്നീ കഥാപാത്രങ്ങളായും ഷില്ലറുടെ നാടകത്തിൽ ജോൻ ഒഫ് ആർക്ക് ആയും മിസ് ആഡംസ് അഭിനയിച്ചിട്ടുണ്ട്.

കോളജ് പ്രൊഫസർ[തിരുത്തുക]

1918-ൽ അഭിയനം നിർത്തി കുറേക്കാലം നാടകവേദിയിലെ പ്രകാശസംവിധാനത്തിന്റെ ചുമതല വഹിച്ചു. 1931-ൽ വീണ്ടും ഓടിസ് സ്കിന്നറുടെ ഷൈലോക്ക് എന്ന നാടകത്തിൽ പോർഷ്യയുടെ ഭാഗമെടുത്തുകൊണ്ട് നാടകവേദിയിൽ പ്രത്യക്ഷയായി. അവസാനമായി (1934) ട്വൽഫ്ത്ത് നൈറ്റ്-ൽ മറിയയുടെ വേഷമാണ് അണിഞ്ഞത്. 1937-ൽ കൊളംബിയയിൽ സ്റ്റീഫൻസ് കോളജിൽ നാടകവിഭാഗത്തിന്റെ പ്രൊഫസറായി മോഡ് ആഡംസ് നിയമിക്കപ്പെട്ടു. 1953 ജൂലൈ 17-ന് ന്യൂയോർക്കിലെ റ്റാനേഴ്സ്വില്ലിൽ അന്തരിച്ചു.

അവലംബം[തിരുത്തുക]

Heckert GNU white.svg കടപ്പാട്: കേരള സർക്കാർ ഗ്നൂ സ്വതന്ത്ര പ്രസിദ്ധീകരണാനുമതി പ്രകാരം ഓൺലൈനിൽ പ്രസിദ്ധീകരിച്ച മലയാളം സർ‌വ്വവിജ്ഞാനകോശത്തിലെ ആഡംസ്, മോഡ് (1872 - 1953) എന്ന ലേഖനത്തിന്റെ ഉള്ളടക്കം ഈ ലേഖനത്തിൽ ഉപയോഗിക്കുന്നുണ്ട്. വിക്കിപീഡിയയിലേക്ക് പകർത്തിയതിന് ശേഷം പ്രസ്തുത ഉള്ളടക്കത്തിന് സാരമായ മാറ്റങ്ങൾ വന്നിട്ടുണ്ടാകാം.
"http://ml.wikipedia.org/w/index.php?title=മോഡ്_ആഡംസ്&oldid=1766272" എന്ന താളിൽനിന്നു ശേഖരിച്ചത്